Jeremi 10:12 - Gourmanchéma Bible

¹² O tagi ki tinga leni o paaciamu. O tagi ki tinga leni o yanfuoma. Leni o yanfuome ke o tandi ti tawadi.

U TIENU MAAMA TILI 2013

¹² O tagi ki tinga leni o paalu, Ki tagi ŋanduna leni o yanfuoma. O tandi ti tawadi leni o yanfuoma.

Jeremi 10:12 ပူးပေါင်းရင်းမြစ်များ

Mi cilima 1:1

Hali mi cilima, U Tienu den tagi tanpoli leni ki tinga.

Mi cilima 2:5

Fatuuguba kuli daa den ye ki tinga nni, muadiba kuli mo daa den pudi. Li den tie kelima Li Miali Diedo daa den teni ke ki taaga mini ki tinga nni, niloba kuli mo daa den ye ki baa ko ki tinga.

1 Bi Badiba Jama 16:26

Kelima i nilanbuoli n ŋua yaa buli kuli ki pia fuomaba kuli, Ama Li Miali Diedo n tagi tanpoli.

Jobi 26:7

O teni ke nijienu ye u damu nni, Ki teni ke ki tinga mo juani ku lengu nni.

Jobi 37:18

Naani a baa fidi nani U Tienu yeni, Ki tandi tanpoli yua n juagi nani ban duadi yaa maduubiga yeni?

Jobi 9:8

Wani o bebe n yen tandi tandi ti tawadi, Ki yaa cuoni mi ñincianma ñingbanu po.

Pisomi 104:2

A laa mi yenma nani li liadicianli yeni, Ki dadi ki tandi ti tawadi nani li gbandieli caba yeni.

Pisomi 104:24

Li Miali Diedo, a tuonli yaba boncianla, A soani li leni yanfocianma. Ki tinga gbie leni fini n tagi yaale.

Pisomi 119:90

A teginma baa waagi ki ye nifiima n tuu nifiima. Fini n teni ke ki tinga se ki pa.

Pisomi 24:2

Kelima wani n maani ki tinga mi ñincianma po, Ki teni ke ki se a ñingola po.

Pisomi 33:6

Li Miali Diedo maama n tagi tanpoli. O li maadi bebe yo ke a ŋmabila moko tieni.

Pisomi 65:7

O pugini a juana fidu leni o paalu. O bobi ki se leni u paaciamu.

Pisomi 78:69

O den maa o kaangagidiŋamu ke u pa nani yaa kaani n kpedi Nani wan den tagi ki tinga yaaga yaa yogunu kuli po yeni.

Pisomi 93:1

Li Miali Diedo ka li bali po, o pia ti kpiagidi Li Miali Diedo pia ti kpiagidi, Ki ñagini u fidu o ciaga nani ku gbanñagidigu yeni, Lani yaa po n teni ke li ŋandunli se bonŋanla, li kan begibi.

Mi Kpanjama 3:19

Li Miali Diedo tagi ki tinga leni mi yanfuome, o tagi tanpoli mo leni mane.

Mi Kpanjama 30:4

Ŋme n doni tanpoli, bi ŋme n ñani lipo ki jiidi? Ŋme n cuo u faalu o nuu nni? Ŋme n gbabini mi ñima o tiadi nni? Ŋme n diani ki bili u tinbianu? O yi lede? O bijua mo yi lede? A yaa bani la, ŋan waani nni?

Esayi 37:16

«Li Miali Diedo U Paaciamu Kuli Daano, Isalele Tienu yua n kaa ti gbandi po *selubanba siiga, fini bebe n tie U Tienu ki tinga diema kuli po. Fini n tagi tanpoli leni ki tinga.

Esayi 40:22

Wani n tie yua n ye ki tinga gaanilindima tanpoli Ki nua bi niba nani i naaci yeni. O yen ladi ti tawadi nani yaa cabili n faali yeni, Ki dadi ki tandi tanpoli mo nani li gbandieli yeni, Ke lan tua o yekaanu.

Esayi 42:5

Li Miali Diedo U Tienu Wani yua n tagi tanpoli, ki tandi tanpoli leni li fanma Ki ladi ki tinga leni yaala n pudi kipo kuli Ki puuni yaaba n ye kipo kuli mi fuoma, Ki go puuni yaala n cuoni kipo kuli li yaa fuoma Maadi yaa maama n tie na:

Esayi 44:24

Li Miali Diedo yua n da ki faabi yi Wani yua n den tagi yi hali ke yi da ye yi naa tugu nni Yedi yaa maama n tie na: «Mini Li Miali Diedo n tieni li bonla kuli, Min bebe n dadi ki tandi ti tawadi Mini nba n tagi ki tinga.

Esayi 45:12

Mini n tieni ki tinga Ki go tagi o nisaalo ke o ye ki niinni. Min de, n nii n dadi ki tandi ti tawadi Ki gobidi tanpoli toagoli kuli.

Esayi 45:18

Li Miali Diedo Wani U Tienyendu yua n tagi ki tinga Wani n tieni ga, Waa den tagi ga, tinkuonga ka Wani yua n tagi ga ke bi niba n yaa ye ki niinni N yedi yaa maama n tie na: «Mini n tie Li Miali Diedo Toa ki ye.

Esayi 48:13

N nuu n bili ki tinga tanpuuli, N nijienu mo n dadi ki tandi tanpoli. N yaa yini tanpoli leni ki tinga Bikuli yen taani ki cua.

Esayi 49:8

Li Miali Diedo yedi mine: «Li *ŋanbili yogunu, n den guani apo. Mi faabima daali n den faabi a. N kubi a, ki dini a Ke ŋan kuani o *ŋantaado leni bi niba Ki fiini mi diema Ki guani ban den cua ki baa mi diema ki fie yaa tinmu

Jeremi 10:13

O yaa li yedi mayenma Mi ñima yen sani ki taani tanpoli. O yen teni ti tawadi n ban fii u tinbianu po ki do tanpoli. O yen teni i tañigi n tieni ki taaga po. O den ñani u faalu wun wuo naani.

Jeremi 10:16

Ama Isalele Tienu yua n tagi tanpoli leni ki tinga Naa tie nani i buli yeni ka. Wani n die Isalele yaaba. O yeli n tie Li Miali Diedo U Paaciamu Kuli Daano.

Jeremi 14:22

Naani i nibuoli buyuodi siiga pia yaa bulo n baa fidi ki teni ki taaga n mii? Ti tawadi yaadi n kpendinni ki taaga ye le? Naani laa tie fini Li Miali Diedo ti Tienu kaa? Ti dugi apo, kelima fini n tiendi laa bonla kuli.

Jeremi 27:5

ke mini n tagi ki tinga, bi niba leni ti yandi yaadi n ye ki tinga nni leni n paaciamu leni n banma. N baa pa ki tinga min bua yua.

Jeremi 32:17

«Fini Li Miali Diedo, a tagi tanpoli leni ki tinga ki doagidi a paaciamu leni a banma. Liba kuli ki pa apo.

Sakari 12:1

Li Miali Diedo n yedi yaala Isalele yaaba po, Wani yua n tagi tanpoli, Ki go bili ki tinga tanpuuna, Wani yua n puni o nisaalo li miali yedi:

Jan n diani U Tienu Laabaaliŋamo maama 1:3

Mi Maama yeni den tagi li bonla kuli. Liba kuli ki ye kaa tie mani n tagi yaala.

Kolosi 1:16

Li bonla kuli den tagi o yaa niinni, yaala n ye tanpoli leni yaala n ye ki tinga nni kuli, tin nua yaala leni tin kaa nua yaala: yaaba n ka i bali kalikaani po leni yaaba n tie bi diediba leni bi yudanba leni yaaba n pia li bali kuli. Li bonla kuli tie o yaa tagima ki tagi o yaa po.