Jeremi 10:10 - Gourmanchéma Bible

¹⁰ Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi I nibuoli kan fidi ki sedi o pabiencianli nintuali.

U TIENU MAAMA TILI 2013

¹⁰ Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi, I nibuoli kan fidi ki sedi o pabiencianli nintuali.

Jeremi 10:10 ပူးပေါင်းရင်းမြစ်များ

Mi cilima 21:33

Abalahama den ŋuu yaa tiidi n yi tamalisa Beli-Seba kani ki jaandi Li Miali Diedo U Tienu yua n ye yaa yogunu kuli yaa yeli lankani.

1 Bi Badiba 18:39

Ku niligu kuli n den laa lani, bi den labini ki yedi: «Li Miali Diedo n tie U Tienu, Li Miali Diedo n tie U Tienu!»

1 Bi Badiba 8:60

Lani kuli n teni ke ki tinga nibuoli kuli n bandi ke Li Miali Diedo n tie U Tienu, ke tientoa kuli ki ye.

1 Bi Badiba Jama 29:11

Fini Li Miali Diedo n die u yabinu, u paaciamu, ti kpiagidi, u yogunu leni ti jigidi. Kelima Li Miali Diedo fini n die yaala n ye tanpoli leni ki tinga po kuli, leni li bali, fini yua n kpedi ki cie li bonla kuli.

2 Bi Badiba Jama 15:3

Li waagi boncianla ke Isalele yaaba naa den ŋua i moamoani Tienu, kaa pia yaa kopadiciamo n baa yaa bangi ba, kaa pia *balimaama mo.

Jobi 9:6

O yen teni ki tinga leni ki tanpuuli n digibi, Ki benjieli mo kuli n yaa koa ki baali.

Pisomi 10:16

Li Miali Diedo tie bado hali yaa yogu n tu yaa yogu Yaaba n ki ŋua U Tienu kuli bodi o diema nni.

Pisomi 100:3

Yin bandi mani ke Li Miali Diedo n tie U Tienu Wani n tagi ti, ti tie o yaa yaabe Ti tie o yaa nibe, Ti tie o yankulu, wani mo n tie ti yankpaalo.

Pisomi 100:5

Kelima Li Miali Diedo ŋani O buama mo ki pia bianu Nifiima n tu nifiima, li pundi ban dugi opo.

Pisomi 104:32

A li yen diidi ki tinga, kan yaa ban digibi, Ki sii a juana mo, ŋan yaa ban ña i muñii.

Pisomi 114:7

Fini ki tinga, amo n yaa digibi O Diedo nintuali, Wani Jakobo Tienu nintuali.

Pisomi 145:13

A bali tie yaa bali n ye yaa yogu n tu yaa yogu, A diema mo ye nifiima n tu nifiima kuli nni.

Pisomi 146:6

Li Miali Diedo n tagi tanpoli leni ki tinga, Mi ñincianma leni yaala n ye mi niinni kuli. O kubi i moamoani yaa yogunu kuli po.

Pisomi 18:7

N paboanli nni n den jaandi ki mia Li Miali Diedo todima, N kpaani ki mia n Tienu todima, Hali o badidiegu nni O cengi npo n miabu bonŋanla.›

Pisomi 29:10

Li Miali Diedo den ka o gbandi po ki tabolinkaaga yogunu. Li Miali Diedo tie bado ki ka ti gbandi po yaa yogu n tu yaa yogu.

Pisomi 31:5

A baa faabi nni leni ban dia nni yaa diagu, Kelima fini n guu nni.

Pisomi 42:2

Nani ki boaliga n fuo ki dogi mi ñima po maama, Mini moko fuo ki dogi apo yene, n Tienu.

Pisomi 68:11

A niba den kali lankane, Fini U Tienu yua n pia ti bulicindi yeni, A den ŋanbi laa kaanu yo o niñinnilo po.

Pisomi 68:8

U Tienu, ŋan den ñani ki cuoni a niba nintuali yeni, Ŋan den cuoni mi fanpienma nni, *Joma

Pisomi 74:12

Hali u yogu nni, U Tienu tie bado. Wani yua n puuni mi *faabima ki tinga nni.

Pisomi 76:7

Jakobo Tienu, ŋan funi leni ba yaa yogunu, I taami leni bi tanjagiba kuli den guani.

Pisomi 76:8

Li pundi ban jie ŋa A pali yaa beni, ŋme n baa fidi sedi a kani?

Pisomi 77:18

A tawala den wuli mi tañima boncianla I tatantani den tangi, ke mi tañigima mo ye.

Pisomi 84:2

Li Miali Diedo U Paaciamu Kuli Daano, N bua a diegu hali boncianla!

Pisomi 9:8

Li Miali Diedo ka ti gbandi po yaa yogu n tu yaa yogu. O bili o bali kalikaanu li bujiali po.

Pisomi 90:11

Ŋme n faami a pabienli fidu Leni a pabiencianli po, Nani lan bi pundi ban yaa fangi a maama?

Pisomi 90:2

Hali ke a juana daa den ye Ke fini mo daa tagi ki tinga leni li ŋandunli, A li tie U Tienu yaa yogu n tu yaa yogu kuli po.

Pisomi 93:2

A bali kalikaanu ye hali u yogu nni, A ye hali yaa yogunu kuli, ŋaa pia juodima.

Pisomi 97:4

O tañigi yendi li ŋandunli, Ki tinga yen le o tañigi yeni ki yaa digibi.

Esayi 37:17

Li Miali Diedo, diadi a tubili ki cengi! Li Miali Diedo, ŋubidi a nuni ki diidi. Cengi Senakeliba n soani yaa maama kuli ki baa sugi fini yaa Tienu n fo.

Esayi 37:4

Daalinba Li Miali Diedo a Tienu gbadi Asili bado n soani o guudikaaba yudaano ke o sugi U Tienu yua n fo maama. Laa yie a Tienu n jia ti buudi ki waani ba fala kelima wan gbadi yaa maama yaa po. Jaandi yaaba n da go ye yaa po.› »

Esayi 40:15

Diidi i nibuoli tie nani yaa ñinboali n ñani ku tiagu nni ki condi yeni. Bi kpiagu mo tie nani yaa wagima n suodi u kpiagu*bonbiigikaala nni yeni. Diidi ki le: A kpendega mo tie nani yaa tangunjuanu n yugi yeni.

Esayi 40:28

Yii bandi o? Yii gbadi o maama? Li tie Li Miali Diedo U Tienu yua n ye hali yaa yogunu kuli, Yua n tagi ki tinga biani Waa coagidi, waa tadigidi mo O yanfuoma mo ki pia bianu.

Esayi 57:15

Kelima yua n ye hali Tanpojoma Wani yua n ye hali yaa yogunu kuli Ke o yeli mo gagidi ki ŋani yedi mine: «N ye mi gagidiŋanma nni leni yaa kaanu n kpedi ki cie yaa niinni. Ama n go ye leni ban mabindi yua Leni yua n ye leni li pabiidili, Ke min fidi ki baagi yaaba n ye li pabiidili nni Ki go faabi yaaba n laadi fala bi pala nni.

Esayi 65:16

Yua n bua ki baa li seli mi diema nni kuli, Baa mia li i Moamoani Tienu kani. Yua n baa poli mi diema nni kuli, Baa taa i Moamoani Tienu yeli ki poli. Kelima bi baa sundi li paboanli po Li baa wuo n nuni po.

Jeremi 23:36

Ama yi go ñiini Li Miali Diedo n bi jagi yaala yeni. Kelima yaa jagili n ye leni fala baa ŋoadi yua kuli leni o ñoabonli. Yi golindi U Tienu yua n fo maama. Wani yua n tie Li Miali Diedo U Paaciamu Kuli Daano ti Tienu n yedi yeni.

Jeremi 4:2

A yaa poli ki yedi: «Li Miali Diedo fo!» Ke li tie moamoani, leni yantugupiengu leni mi *teginma, Lanwani i nilanbuoli baa yedi Ke bi baa li seli o yaa niinni, Bi baa diidi wane ki jigini bi yula.

Jeremi 4:24

N diidi a juana, ŋani mo bendi ki baali, A joabila kuli begibi.

Jeremi 50:46

Laabaali n ñani ke bi fie Babilona, Ki tinga kuli digibi. I nibuoli bubula fii ki loli.»

Jeremi 51:29

Ki tinga waagi ki jeli banbani, Li Miali Diedo n den bili ke o baa tieni Babilona diema yaala n tieni yaa yogunu. O teni ke Babilona diema tua diegbengu, Niba n ki go ye naani.

Danieli 4:3

N den teni ke bi yini Babilona ñoagidanba kuli ke ban cua n kani ki bundi npo ti dangidi yeni.

Danieli 4:34

Moala mini Nebukanesa, n pagi ki go kpiagi Tanpojoma Tienu ki jigini o yeli. O tuona kuli tiegi moamoani, o bontienkaala kuli dagidi. O fidi ki jiidi yaaba n cuoni leni ti japaadi.»

Danieli 6:26

Lani yaa puoli o bado Daliyusa den soani i nibuoli kuli, leni mi diema kuli yaaba leni i mabuoli kuli, yaaba n ye ŋanduna nni kuli po ki yedi ba: «Mi yanduanma n yaa pugidi yipo.

Danieli 6:27

N bili ke yinba yaaba n ye n diema nni kuli n fangi Danieli Tienu bonŋanla, Kelima wani n tie U Tienu yua n fo, O baa yaa ye hali yaa yogunu kuli. O bali kan gbeni hali abada, O baa yaa die hali yaa yogunu kuli.

Danieli 7:14

O den dini o nisaalo yeni li bali ki puni o ti kpiagidi leni mi diema ke i nibuoli kuli leni mi diema yaaba kuli leni i mabuoli yaaba kuli n tuo ki yaa ŋua o. O bali baa yaa ye hali yaa yogunu kuli, li kan gbeni, o diema mo kan bodi abada.

Joeli 2:11

Li Miali Diedo kpaani o toagoli liiga, O toanagili yaba. Yaa toagola n baa kuani o ñoabona yaba ki kandi Ki pia u paalu mo. Li Miali Diedo daali tie dacianli, Ki go pia i jeje hali boncianla. Ŋme n baa fidi ki cia?

Mise 1:4

O baa ŋmaadi a juana ŋan yaa nandi Nani ti sindi n yen nandi mi fantama kani maama yeni, Ti joaloandi mo baa yagidi Nani yaa ñima n tiini li juali jiidima yeni.

Nahumi 1:5

O yen teni a joaciama n digibi, A joabila mo n wudi, Ki tinga yen digibi o nintuali, Kani leni yaaba n ye ki niinni kuli.

Nahumi 1:6

U Tienu pali yaa beni, oba kuli kan fidi ki sedi. O pali yaa beni boncianla, oba kuli kan fidi ki yaa ye. O pali co nani mi fantama yeni. A tana pudi ki yagidi o nintuali.

Habakuki 3:10

A juana laa ŋa ki digibi. Mi ñima ña tanpoli ki cuudi ki tinga nni. Mi ñincianma fu ki fiindi a ñinguona Ke a pua ki yugi hali tanpoli.

Habakuki 3:6

O yaa sedi ki tinga yen digibi, O yaa diidi i nibuoli ti jawaandi yen cuo ba ban yaa digibi. A joaciama ya n den ye hali yogu yen digibi. A joabila ya n den ye hali yogu yen ñuani. Ŋani ya n den tie wan den kpa tagi yaa sani hali yogu.

Malaki 3:2

Ŋme n baa fidi ki yaa ye o cuama daali? Ŋme n baa fidi ki sedi o yaa doagidi yaa yogunu? Kelima o baa tie nani ban duadi ti kudi leni yaa fantama yeni. O baa yaa tie nani a tiaŋuuda ciebu yeni.

Matie 16:16

Simono Pieli den goa ki yedi o: «A tie *U Tienu n Gandi Yua, U Tienu yua n fo yaa Bijua.»

Matie 26:63

Jesu den ŋmini suo. Bi kopadicianba bado den yedi: «Hali U Tienu yua n fo po, waani ti a yaa tie *U Tienu n Gandi Yua, U Tienu Bijua.»

Jan n diani U Tienu Laabaaliŋamo maama 17:3

Line n tie yaa miali n kan gbeni, ke ban bandi a, fini yua bebe n tie U Tienu moamoani, ki go bandi ŋan soani yua, Jesu Kilisiti.

Jesu Tondiba Tuona 14:15

«Be yaa po ke yi tiendi yeni? Ti moko tie nisaaliba nani yinba n tie maama. Ti wangi yi o Laabaaliŋamo ke yin lebidi ki ŋa yaa jaanma n tie fanma fanma na ki ŋoadi U Tienu yua n fo, wani yua n den tagi tanpoli leni ki tinga leni mi ñincianma leni yaala n ye lienni kuli.

Mi Tiadima 32:4

O tie Tanciangu yo, o tuonli mo ŋani cain Kelima o sani kuli tiegi. O tie ti dugidi Tienu, waa go pia tagiliba Wani n tiegi ki go ŋani mo.

Mi Tiadima 5:26

O laa nisaalo n kpa gbadi nani tinba yeni, ke U Tienu maadi mi fantama nni ki go baa ye leni li miali?

1 Tesaloniki 1:9

Kelima i kaani kuli bi togidi yin den ga ti cangu maama, leni yin den ŋa i *buli ŋoadima ki tuo ki ŋoadi U Tienu yua n fo ki tie i moamoani maama.

1 Timote 1:17

U Tienu, yua n tie o Badiciamo hali yaa yogunu kuli kaa pia kuuma, tin ki nua yua, wani yua bebe n tie U Tienu n yaa baadi ti jigidi leni ti kpiagidi yaa yogu n tu yaa yogu. Amina.

1 Timote 6:17

Ŋan tundi yaaba n tie a piada ŋanduna na niinni ke ban da pia ti japaadi, ki da piani bi yula bi piama po, yaama n naa pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala lipo.

Hebilunba 10:31

Li tie yaa bonla n pia i jeje hali boncianla ki baa U Tienu yua n fo nuu nni.

Josue 3:10

Yaala n baa teni yin bandi ke U Tienu yua n fo ye yi siiga, ke o baa deli yipo Kanana yaaba, Heta yaaba, Hefa yaaba, Felesa yaaba, Giligasa yaaba, Amola yaaba leni Jebusa yaaba tie line:

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

Mi Doagidima 20:11

Lani n den laa u bali kalikaanpienciamu leni yua n ka u po. Ki tinga leni tanpoli kuli den sani ki foagidi o kani, ke baa go laa ba.

Bi Bujiaba 5:4

Li Miali Diedo, ŋan den ñani Seyili, Ŋan den ñani Edomi diema nni, Ki tinga den digibi, Tanpoli den cuudi mi ñima boncianla, A tawadi den fii ke ki taaga mini boncianla.

1 Samueli 17:26

Dafidi den buali yaa jaba n nagi leni o: «Yua n ku o ja na ki ñani Isalele yaaba po i fe, bi baa tieni opo be? Laa jifolo, Filisiti yua yeni, o tie ŋme ki baa fali U Tienu yua n fo toagoli?»

1 Samueli 17:36

Mini a naacemo guli ki kpa i yangbanli leni fuayanbiaditoamu kuli, lanwani laa jifolo, Filisiti yua yeni, n baa soani o yene, kelima o sugi U Tienu yua n fo toagoli.»