Jeremi 1:9 - Gourmanchéma Bible

⁹ Lan yuandi Li Miali Diedo den tandi o nuu ki sii n ñoabu ki yedi: «Diidi n kuani n maama a ñoabu nni.

U TIENU MAAMA TILI 2013

⁹ Lan yuandi, o Diedo den tandi o nuu Ki sii n ñoabu ki yedi: «Diidi, n kuani n maama a ñoabu nni.

Jeremi 1:9 ပူးပေါင်းရင်းမြစ်များ

Esayi 49:2

O den teni ke n ñoabu tua nani yaa jugisiega n mani yeni, Ki den wuoni nni o nuu nni. O teni ke n tua nani yaa piemu n sondi Ke o goa ki ŋuuni nni li luoli nni yeni.

Esayi 50:4

Li Miali Diedo U Tienu puni nni, Bi ŋoadikaaba yaa maama Ke min bandi min baa maadi maama ki todi Yaaba n tadi. Tiŋaagu kuli o fundi nni Ki maadi yogunu kuli n tubili nni Ke min cengi Nani bi ŋoadikaaba n cengi maama yeni.

Esayi 51:16

N kuani n maama a ñoabu nni Ki ŋoagini a leni n nuu soangu Ki tandi ti tawadi Ki bili ki tinga tanpuuli Ki yedi Siyono yaaba: «Yinba n tie n niba.»

Esayi 59:21

Li Miali Diedo yedi: «Diidi mini wani n baa kuani yaa ŋantaado leni ba: N Fuoma yaama n ye apo, Leni n maama, min kuani yaama a ñoabu nni yeni Kan ña a ñoabu nni, Bi a bila ñoana nni Bi a bila yaa bila ñoana nni.» Li Miali Diedo n yedi yeni moala po leni yaa yogunu kuli po.

Jeremi 15:19

Lani n teni ke Li Miali Diedo maadi nanda: «A yaa guani n kani, N baa goa ki taa ŋa, Ŋan yaa tuuni npo.» A yaa paadi yaala n pia li mayuli leni yaala n ki pia, A baa yaa tie nani n ñoabu yeni, Bani n baa guani a kani, Laa tie fini ka n guani bikani.

Jeremi 34:6

O sawalipualo Jelemi den maadi laa maama kuli Juda bado Sedesiasi Jelusalema dogu nni.

Jeremi 36:2

«Taa li tigbabikaali ki diani min maadi a yaa maama Isalele, Juda leni li nibuoli po ki cili hali min kpa maadi leni a yaa daali Josiasi yogunu ki ban pundi hali dinla.

Jeremi 5:14

Lani n teni ke Li Miali Diedo U Paaciamu Kuli Daano yedi: «Nani yin maadi laa maama yeni, mini nna. N kuani mi naa maama a ñoabu nni nani mi fantama yeni Bi naa niba baa tua nani mi fantama n baa buoni yaa daadi yeni.

Esekieli 3:10

O go den suagi liiga ki yedi nni: «O ja na, ŋan ga a pali nni, ki go diadi a tuba ki cengi, min baa yedi a yaa maama kuli.

Danieli 10:10

Nuu den mubini nni ki fiini nni ke n gbaani ki ñii ki digibi.

Danieli 10:16

Lani, yua n den naani leni o nisaalo den sii n ñoacuuna. N den fidi ki yaadi n ñoabu ki maadi. N den yedi yua n den se n nintuali yeni: «N daano, li bonlekaala ne po teni ke ti jawaandi cuo nni ke n gbanu kpe.

Mi Coadima 23:5

Li Miali Diedo den kuani Balaama ñoabu nni yaa maama n tie na ki yedi: «Lebidi ki guani Balaaka po ki ban waani o laa maama.»

Matie 10:19

Bi yaa ti cuo ki gedini yi li bujiali kani yaa yogunu, yin da yagi mani yi yama yin baa maadi maama leni yin baa yedi yaala kuli po, kelima lanyogunu bi baa pa yi yin baa yedi yaala.

Marki 7:33

Jesu den taa o ki piadi ki foagidi leni ku niligu, ki tuuni o nubila o womo tuba nni, ki go taa o ñinsandi ki sii o womo lanbu.

Luki 12:12

kelima lanyogunu lige U Tienu Fuoma Yua baa bangi yi yin baa yedi yaala.»

Luki 21:15

Kelima mini nba baa ti pa yin baa maadi leni yaa yanfuoma ke yi koanginkaaba siiga baa yendo kan fidi ki nia ki yie ma.

Mi Tiadima 18:16

Lani n tie yin den mia Li Miali Diedo yi Tienu Holebi kani yaala li nitaanli daali ki yedi: ‹Tin da go yaa baa ki gba Li Miali Diedo ti Tienu nialu, ki go da baa ki nua mi naa fantama ke tin da ti kpe!›

Mi Tiadima 18:17

Li Miali Diedo den yedi nni: ‹Ban yedi a yaala yeni ŋani.

Mi Tiadima 18:18

N baa fiini bi buolu nni o sawalipualo yua n tie nani fini yeni, ki kuani n maama o ñoabu nni, wan waani ba min baa puogi o yaala kuli.