Jeremi 1:10 - Gourmanchéma Bible

¹⁰ Diidi, dinla n kaani a mi diema nni leni i nibuoli kani Ke ŋan ŋabi ba, ki pua ki lu, ki teni ban kpe, Ki bolini, ki maa ki go ŋuu.»

U TIENU MAAMA TILI 2013

¹⁰ Dinla, n kaani a mi diema nni leni i nibuoli kani, Ke ŋan ŋabi ba, ki tudi ki lu, ki fidi, ki mudi, Ki bolini, ki maa, ki go ŋuu.»

Jeremi 1:10 ပူးပေါင်းရင်းမြစ်များ

1 Bi Badiba 17:1

*Elia, yua n den ñani Tisibe dogu nni ki ye Galaadi diema nni, den yedi Isalele yaaba bado Akabi: «N tie Li Miali Diedo Isalele yaaba Tienu yua n ye ki fo yaa naacemo. Hali U Tienu po, taaga kan go mii, mangu mo kan go luoni yaa bina n tie ne, se n mia.»

1 Bi Badiba 19:17

Yua n sani ki cia Hasayeli, Jehu baa kpa o. Yua mo n sani ki cia Jehu, Elise baa kpa o.

O Yanfuodaano 3:3

Ki kpa yaa yogunu ye, Ki buu mo yaa yogunu ye. Ki mudi yaa yogunu ye, Ki maa mo yaa yogunu ye.

Jeremi 1:5

«Hali ke n daa tagi a a naa tugu nni, n den tuodi ki bani a. Hali ke a daa ñani a naa tugu nni, n den gandi a ki gagidi ki ŋanbi a, ki dini a mi diema buoli sawalipualo.»

Jeremi 24:6

N baa diidi ba leni ki nunmanga ki go teni ban guani mi naa diema nni. N baa maa ba, n kan mudi ba. N baa ŋuu ba. N kan ŋabi ba hali abada.

Jeremi 25:13

N baa teni min den tuodi ki pua sawali ki yedi ke yaala n baa baa mi naa diema kuli n tieni. Yaala n diani li naa tili nni leni Jelemi n den kpa pua yaa sawalibiado i nibuoli kuli po mo baa tieni.

Jeremi 31:28

Nani min den ŋabi ba, ki pua ki luni ba, ki bolini ba, ki ku ba, ki go tieni ba yaala n bia maama yeni, moko n baa fiini ba ki ŋanbi bi yema yene. Li Miali Diedo n yedi yeni.

Jeremi 31:40

Bi baa biigi bi tinkpiba leni mi fantanpienma joaloangu ki taani leni yaa fanma n bili ki ban pundi hali Sediloni joaloangu ki ban tu i taami buliñoabu nijienu po. Bi baa taa likuli ki gagidi ki ŋanbi Li Miali Diedo po. Bi kan go tudi ki lu la, ki buali ban bolini la.»

Jeremi 36:2

«Taa li tigbabikaali ki diani min maadi a yaa maama Isalele, Juda leni li nibuoli po ki cili hali min kpa maadi leni a yaa daali Josiasi yogunu ki ban pundi hali dinla.

Jeremi 44:27

Diidi n baa faami bipo ki teni fala n baa ba. N kan pa ba yemanma. Juda yaaba, yaaba n kaa Ejipiti diema nni kuli, bu toabu leni mi koma n baa je bikuli cain.

Jeremi 45:4

Ŋan baa maadi o maama nne: ‹Diidi n baa bolini min maa yaala. N baa ŋabi min ŋuu yaala. Lani n tie mi naa diema kuli.

Esekieli 21:19

Lanwani, fini o ja yeni, ŋan pua sawali Ki pua ki ledi ledi a nni. Ki jugisiega baa pedi figilima lie bi figilima taa! Li tie mi bolinma jugisiega Yaaga n ŋua ki deli ba.

Esekieli 23:36

Li Miali Diedo den yedi nni: «O ja na, Bogini ki jia Ohola leni Oholiba ti buudi. Doagidi ki waani ba bi tuongunda.

Esekieli 32:18

«O ja na, buudi Ejipiti niŋandungu po Ki teni ban jiidi Bani leni yaa nibuoli n pia u paalu yaa bisiaba N jiidi ki tinga ñuanlu nni Leni yaaba n jii ku buoñuangu nni.

Esekieli 36:36

Lanwani yaa nilanbuoli n lindi yi kuli baa bandi ke mini Li Miali Diedo goa ki maa yaa dogi n den wudi, ki go goa ki koni ti koawadi mo. Mini Li Miali Diedo n maadi n go baa tieni la mo.»

Esekieli 43:3

Min den baa yaa bonlekaala den naani leni min den cua ki baa bolini Jelusalema dogu yeni. Laa bonlekaala kuli den naani leni min den baa yaa bonlekaala, Kebali kpenu balinma yeni. Lanwani n den baa tiipo.

Ose Tili 6:5

Lani n teni ke n pedi yi leni n sawalipuaba maama, Ki ku yi leni n ñoabu nni maama. N buudi baa ludi ki cua nani mi yenma yeni.

Amosi 3:7

Lanwani o Diedo, Li Miali Diedo kan tieni liba kuli, Kaa waani o naacenba bi sawalipuaba o ŋasiili.

Amosi 9:11

Laa yogunu, n go baa sieni Dafidi diegu, Yaagu n baa. N baa maa ki fiini ku diegbenbuona. N go baa ŋanbi gu kun tua Nani kun den kpa tie maama hali yogu.

Sakari 1:6

Ama min den teni n naacenba, bi sawalipuaba yaa ñoabona leni yaa mabilikaama kuli den cuo yi yaajanba pala. Bi den lebidi bi tagi ki yedi: ‹Li Miali Diedo, U Paaciamu Kuli Daano soani ti nani ti tagi leni ti tuona n den teni ke o jagi ke o baa soani ti maama.› »