Jaki 5:7 - Gourmanchéma Bible

⁷ Lanwani n kpiiba, yin yaa pia li juunli hali o Diedo cuama. Diidi mani, o kpakpaalo yen gu ki tinga bonluonkaala, yaala n pia mayuli hali boncianla, ki juuni lipo hali wan baa baa ki takpiaga leni ki tajuodikaaga kuli.

U TIENU MAAMA TILI 2013

⁷ N kpiiba, yin yaa pia li juunli hali o Diedo n baa cua. Diidi mani, o kpakpaalo yen guu ki tinga bonluonkaala, yaala n pia mayuli hali boncianla, ki juuni li po hali wan baa baa ki takpiaga leni ki tajuodikaaga kuli.

Jaki 5:7 ပူးပေါင်းရင်းမြစ်များ

Jeremi 5:24

Baa tua bi pala nni: «Tin fangi mani Li Miali Diedo ti Tienu, Yua n puuni ki taaga ki yogunu Ki takpiaga leni ki tayuankaaga Ki puuni ti dana lele u jetaagu po.»

Ose Tili 6:3

Tin bandi mani Li Miali Diedo, Tin moandi mani ki bandi o. Nani lan ki pia kuli tama ke u yienu baa faa Ki pudi ku tiŋaagu maama yeni, U Tienu cuama moko tie yeni. O baa cua nani ki taludikaaga yeni, Nani a tañinbaana taaga n yen cua Ki kuugi ki tinga maama yeni.»

Joeli 2:23

Yinba Siyono yaaba mo, yin mangi yi pala, Kelima Li Miali Diedo yi Tienu po. O baa pa yi ki taaga ki yogunu yaa pundi, O baa pa yi ki takpiaga leni ki tajuodikaaga Nani wan den tiendi maama u yogu nni yeni.

Sakari 10:1

A sakuana yaa pundi, Yin mia mani Li Miali Diedo ke ki taaga n mii. O baa teni kan yini Ki mii hali boncianla. Yua kuli kuani baa goa ki boandi.

Matie 16:27

Kelima o Ja Bijua baa ti cua leni o Baa kpiagidi ki yegi leni n malekinba. Laa yogunu o baa guani yua kuli nani o tuona n tie maama.

Matie 16:28

N waani yi i moamoani, yaaba n ye nekanba tianba kan kpe kaa laa ke o Ja Bijua cua o diema nni.»

Matie 24:27

Kelima nani mi tañigima n yen ña puoli ki yendi ki poandi ki gedi hali nintuali maama, o *Ja Bijua cuama baa tua yene.

Matie 24:44

Yeni, yi moko n bogini ki yaa gu, kelima o Ja Bijua baa cua yin ki daani o yaa yogunu.

Luki 18:8

N kadi ki waani yi, o baa jaligi ki tuu bipo bi panli. Ama naani o *Ja Bijua yaa goa ki cua ŋanduna nni, naani o baa le li *dandanli bi?»

Luki 21:27

Lani, bi baa le ke o *Ja Bijua ye ku tawaligu nni ki kpendi leni u paaciamu leni ti kpiagiciandi.

Luki 8:15

Yaa bonbi n baa ki tinŋanga nni mo tie yaaba n gbadi mi maama ki ga ma yaa pala n tiegi ki ŋani nni ki kpaagi mipo ki kubi ma bonŋanla, ki juuni ki ban loni li bonluonkaala.

Jan n diani U Tienu Laabaaliŋamo maama 21:22

Jesu den yedi o: «N yaa bua wan yaa ye hali min go baa cua, li ŋua ŋa bi? Fini, ŋoadi nni.»

Jan n diani U Tienu Laabaaliŋamo maama 21:23

Lani yaa po mi maama den yadi bi kpiiba siiga ke laa ŋoadika kan kpe. Ama Jesu naa den yedi Pieli ke laa ŋoadika kan kpe, o den yedi: «N yaa bua wan yaa ye hali min go baa cua, li ŋua ŋa bi?»

LOMA YAABA 15:4

To, yaala n den kpa diani kuli den diani ke lan bangi ti, ke i Diani n puuni yaa juunli leni yaa baagi yaa po, tin fidi ki baa mi suginma.

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi leni ti jigidi leni yaa miali n ki pia kuuma, U Tienu baa pa ba yaa miali n kan gbeni.

1 Korenti 1:7

Yeni U Tienu paabu kuli siiga, baa bonyenbu ki poadi yipo yin gu ke U Tienu baa doagidi ti Diedo Jesu Kilisiti yaa yogunu.

Galati 5:5

Ama tinba, li tie li *dandanli yaa po leni U Tienu Fuoma paaciamu po ke ti gu ki sugini ke ti baa li moamoansaali.

Galati 6:9

Tin da coagi leni a tuonŋama tienma, kelima ti yaa cedi, u yogunu yaa ti pundi, ti baa baa ti panpaani.

Mi Tiadima 11:14

n baa tuuni yi diema po ki taaga ki yogunu, ku siagu cilima taaga leni ku juodima yaa taaga, ke yin baa *ŋalikama, duvenpaano leni mi kpama.

Kolosi 1:11

Ti go miadi o ke wan pa yi u paalu li bonla kuli po kelima o paalu yu n pia ti kpiagidi yaa po, ke yin yaa pia li toli leni li juunli yogunu kuli.

1 Tesaloniki 1:3

Ti tiani yogunu kuli kaa cedi ti Baa U Tienu kani yi *dandanli leni yi buama ti Diedo Jesu Kilisiti po n teni ke yi tuuni maama, leni yi suginma n se bonŋanla maama.

1 Tesaloniki 2:19

Ŋmenba n go tie ti suginma leni ti pamanli leni ti kpiagidi badifogiliga? Naani laa tie yinba kaa, ti Diedo Jesu nintuali o yaa goa ki cua yaa yogunu?

1 Tesaloniki 3:13

O Diedo n yaa paagidi yi pala ke ti Baa U Tienu n yaa nua ke yi gagidi cain wani U Tienu po, kaa pia ban baa fidi ki kuli yi leni yaala ti Diedo Jesu n go baa cua leni o *nigagidiŋanba kuli yaa yogunu.

Hebilunba 6:15

Abalahama n den juuni ki gu, o den baa U Tienu n niani o yaala.

Jaki 4:11

N kpiiba, yin da maadi yiyaba po yaala n bia. Yua n maadi yaala n bia o kpiilo po, bi ki jia leni o ti buudi, o maadi yaala n bia li *balimaama po ki go ja ma ti buudi. Ama a yaa jia ti buudi leni li balimaama, ŋaa go tie li balimaama kubido ka, ama mi bujialo.

Jaki 5:10

N kpiiba, yin teni mani bi sawalipuaba yaa fala leni bi juunli n yaa tie yipo li bontogidikaala, bani yaaba n den maadi o Diedo yeli nni.

Jaki 5:3

I tantonmoani biidi yi wula leni yi ŋanjilifa. I tantonmoani yeni baa fii ki sedi yipo ki kuli yi, ki bolini yi gbanandi nani mi fantama yeni. Yi dogini dogini yi ŋalimani a juodidana na niinni.

2 Pieri 3:4

Bi baa tua yi: «Waa den niani u ñoanianu ke o baa goa ki cua te? O nan ye le? Kelima hali ti yaajanba n kpe, ki taa ki pundi hali moala, li bonla kuli tie nani lan den tie maama mi tagima cilima yogunu yeni.»