Jaki 5:3 - Gourmanchéma Bible

³ I tantonmoani biidi yi wula leni yi ŋanjilifa. I tantonmoani yeni baa fii ki sedi yipo ki kuli yi, ki bolini yi gbanandi nani mi fantama yeni. Yi dogini dogini yi ŋalimani a juodidana na niinni.

U TIENU MAAMA TILI 2013

³ I tantonmoani biidi yi wula leni yi ŋanjilifa. I tantonmoani yeni baa fii ki sedi yi po, ki kuli yi, ki bolini yi gbanandi nani u mu yeni. Yi dogini dogini yi ŋalimano a juodidana nni.

Jaki 5:3 ပူးပေါင်းရင်းမြစ်များ

Mi cilima 31:48

Labana den yedi: «Dinla li naa binbinli n yaa ye ki tie siedi mini leni fini yaa siiga.» Li tie lani yaa po yo ke bi den yini laa kaanu Galeda lan tie «Siedi tanjuaga.»

Mi cilima 31:52

Li naa binbinli n tua siedi, li naa bontiadikaala mo n tua siedi ke n kan kandi li naa binbinli ki cua a kani, ke a mo kan kandi li naa binbinli leni li naa bontiadikaala ki cua n kani ki tieni yaala n bia.

Mi cilima 49:1

Jakobo den yini o bijaba ki yedi ba: «Taani mani ke n baa waani yi yaala n faadi ki ye yi kuli yendo yendo yaa po.

Jobi 16:8

A teni ke n gbanandi kuli papali, Ke n dondongu mo fii ki sedi ki jaligi nni.

Esayi 2:2

Mi juodima yogunu yaa pundi, Li Miali Diedo bili, Ke o diegu n ye yaa juali po Baa kpedi ki cie a joabila kuli, Baa a joaciama moko. I nilanbuoli kuli mo baa tigibi ki caa likani.

Jeremi 19:9

Kelima bi yibalinba yaaba n ki gba niñima Leni yaaba n sedi bi miana po n baa paagi bi yama maama po, Baa teni ban ŋmani bi bijaba leni bi bisiaba gbanandi. Yua kuli baa ŋmani o yieninlielo gbanandi.»

Mise 3:3

Yi ŋmani n nibuoli gbanandi Yi piti bi gbandi Ki mudi bi kpaba. Yi jia ba bonjenajena Nani ban sagi yaa nandi li bobili nni yeni, Nani ban ŋaani yaa nandi li bobili nni yeni.

Mise 4:1

Mi juodima yogunu yaa pundi, Li Miali Diedo bili, Ke o diegu n ye yaa juali po Baa kpedi ki cie a joabila kuli, Baa a joaciama moko. I nibuoli baa tigibi ki caa likani.

Jesu Tondiba Tuona 2:17

U Tienu yedi daa: ‹A juodidana yogunu n baa teni n Fuoma n jiidi Ki yayadi bi nisaaliba kuli po, Yi bijaba leni yi bisiaba baa pua sawali, Yi jawaaba baa baa li bonlekaala, Yi jakpela mo baa dangi ti dangidi.

LOMA YAABA 2:5

Lanwani a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli wan baa jia bi niba buudi leni mi *teginma yaa daali. Lani, a baa cuani a yuli po yaa cuonu n bia ki cie.

2 Timote 2:17

Bi maama tie nani yaa nabiadili n lugi ti gbanandi yeni. Imene leni Fileta tie bi yaa siiga yaaba.

Josue 24:27

Lani Josue den yedi ku niligu kuli: «Diidi ki le mani, ku tanciangu ne baa yaa tie tipo siedi, kelima gu gbadi Li Miali Diedo n maadi ti yaa maama kuli. Lani yaa po gu baa yaa tie yaa siedi n se ki yie yipo ke yin da yie yi Tienu ki ŋa o ki ŋoadi bontoala.»

2 Pieri 3:3

Yin tuodi ki bandi ke mi juodima yogunu, li ñuali danba baa cua leni bi ñuali, bani yaaba n ŋua bi gbanandi bonbuakaala.

Mi Doagidima 17:16

Ŋan laa yina piiga leni ki fuayanga yaaga yeni baa nani li poconconli, ki koadi o piama kuli, ki ŋa o mubili. Bi go baa je o gbanandi, ki buoni o.

Mi Doagidima 20:15

Ban ki den laa yua yaa yeli ke li diani li miali tili nni kuli, bi den luni o u fantankpenu nni.

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»