Jaki 5:20 - Gourmanchéma Bible

²⁰ yin bandi mani ke yua n gobidi ki guani ti tuonbiadi daano wan den yaadi ki ŋa yaa sanu nni, o faabi o wan da kua mi kuuma nni, ki piini yaa tuonbiadi n yaba boncianla.

U TIENU MAAMA TILI 2013

²⁰ yin bandi ke yua n gobidi ki guani ti tuonbiadi daano, wan yaadi ki ŋaa yaa sanu nni, o faabi o wan da kua mi kuuma nni, ki piini yaa tuonbiadi n yabi boncianla.

Jaki 5:20 ပူးပေါင်းရင်းမြစ်များ

Pisomi 32:1

Dafidi yanbu. Li pamanli ye leni U Tienu n ñani yua yaa tagili, Ki puni o o *tuonbiadi sugili!

Mi Kpanjama 10:12

Ki nanga fiindi a koana, Ama mi buama piindi mi tudima buoli kuli.

Mi Kpanjama 10:2

Jajanbidiŋalimani kan todi yanbu, Ama mi *teginma wani faabidi o nilo leni mi kuuma.

Mi Kpanjama 11:30

O niteginka bontienkaala tie li miali tibu. O yanfodaano baadi bi niba ke bi ŋua o kelima o yanfuoma po.

Mi Kpanjama 11:4

Li pabienli daali, mi piama ki tie pu kuli. Ama mi *teginma faabidi o nilo mi kuuma nni.

Mi Kpanjama 17:9

Yua n sundi i tagili bua ku danligoe Ama yua tiadi i tagili yogunu kuli wan paadi danlinbe.

Jan n diani U Tienu Laabaaliŋamo maama 5:24

N yedi yi i moamoani, yua n cengi n maama, ki daani yua n soani nni, pia yaa miali n kan gbeni. O kan cua ti buudi po, ama o ñani mi kuuma nni ki kua li miali nni.

LOMA YAABA 11:14

ke li yaa baa tuo min yaa ñundi n buolu yaaba li mutuoli ke min fidi ki faabi bi siiga bi tianba.

1 Korenti 1:21

Kelima bi nisaaliba leni bi yaa yanfoceli naa fidi ki bandi U Tienu leni wan doagidi o yanfuoma maama. Lanwani U Tienu den jagi ke o baa faabi yaaba n daani leni o Laabaaliŋamo wangima yaama n tie nani mi yanluomaama yeni.

1 Korenti 9:22

N yaa ye yaaba n tadi U Tienu sanŋoadima nni siiga, n tie nani yua n tadi yeni, ke min fidi ki gobidi ki cuani baa o Diedo kani. N moandi yeni li bonla kuli nni ki yaa tie nani bi niba kuli n tie maama, ke lan tie yaala kuli nni min fidi ki faabi bi nitianba.

1 Timote 4:16

Ŋan kubi a yuli, ki go kubi a bangima, ki yaa se ke li pa likuli nni. Kelima a yaa tiendi yeni, a baa faabi a yuli ki go faabi yaaba n cengi a bangima kuli.

Filemon 1:19

Mini Polo n diani yaa maama n tie na leni n nuceli, mini n baa pa ŋa la. N kan maadi fini aba n kubi npo yaa panli, lani n tie ke a pia li miali kelima n yaa po.

Jaki 1:15

Lanwani, o bonbuaka-biadila yaa punbi, li baa maa ti*tuonbiadi. Ti tuonbiadi mo yaa kpedi ki dagidi, tini mo baa maa mi kuuma.

Jaki 1:21

Lanwani yin lu mani yaala n tie ti *joagindi leni mi biadima kuli, ki yaa gaani U Tienu n buli yaa maama yi pala nni leni li yumiinli, kelima mi baa fidi ki tindi yi naani.

Jaki 5:15

Li *dandanli yaa jaandi baa paagi yua n yia yeni. O Diedo baa fiini o. Li yaa tie ke o den tieni ti *tuonbiadi, o baa baa sugili.

Jaki 5:19

N kpiiba, yi siiga niyendo yaa yaadi ki ŋa i moamoani, ke nitoa gobidi ki guani o lienni,

1 Pieri 4:8

Yaala n cie likuli tie ke yin yaa bua mani yiyaba leni yi pala kuli, kelima mi buama doagini ti tuonbiadi boncianla.

Mi Doagidima 20:6

Li pamanli ye leni yaa nigagidiŋanba n fii bi tinkpiba fiikpiama nni. Mi kuliedima naa pia paalu bi yaa po, ama bi baa tie U Tienu leni Kilisiti yaa kopadicianba, ki taani ki yaa die leni Kilisiti hali bina tudili.