Jaki 5:16 - Gourmanchéma Bible

¹⁶ Lanwani yin tuo mani yi tuonbiadi yiyaba nintuali, ki go yaa jaandi yiyaba po ke yin paagi. O niteginka jaandimoani pia u paalu hali boncianla.

U TIENU MAAMA TILI 2013

¹⁶ Lanwani, yin tuo yi tuonbiadi yiyaba nintuali, ki go yaa jaandi yiyaba po ke yin paagi. O niteginka jaandi pia u paalu hali boncianla.

Jaki 5:16 ပူးပေါင်းရင်းမြစ်များ

Mi cilima 19:29

U Tienu n den bolini laa diema yaa dogi yaa yogunu, o den tiadi Abalahama po ki teni ke Loto sani ki ciadi mi bolinma niinni.

Mi cilima 20:17

Abalahama den mia U Tienu ke U Tienu den paagi Abimeleka leni o pua leni o potuada kuli ke bi den fidi ki punbi ki mali.

Mi cilima 20:7

Moala ŋan guani o ja yeni o pua, kelima o tie sawalipualo o baa jaandi apo lan tie ŋan yaa ye. Ama a yaa guani o, ŋan bandi ke a baa kpe, fini leni yaaba n tie a yaa niba kuli.»

Mi cilima 32:28

O den yedi o: «A yi lede?» O den goa ki yedi o: «N yi Jakobo.»

2 Samueli 19:19

Yaa ñinbiagu n den baa duoni o bado deni yaaba den gedi ki baa taa o bado diegu yaaba. O bado n den duodi Judana yaa yogunu, Gela bijua Simeyi den labini ki pugi o.

1 Bi Badiba 13:6

Lanwani o bado den yedi U Tienu nilo: «Mia npo Li Miali Diedo a Tienu sugili o pali n goa ki jiidi npo wan paagi n nuu.» U Tienu nilo den mia Li Miali Diedo ke o bado guani o nuu ke u goa ki tua nani wun den kpa tie maama.

2 Bi Badiba Jama 30:20

Li Miali Diedo den cengi Esekiasi jaandi kaa den waani bi niba fala.

Jobi 42:8

Baa mani moala po naatona lele leni petona lele ki gedi n naacemo Joba kani, ki padi yi yula po li *padijuukaali. N naacemo Joba baa jaandi yipo, kelima n jigini o. N kan faligi yi nani yi yanluoma n bi pundi maama, kelima yii maadi npo ke li tiegi nani n naacemo Joba yeni.»

Pisomi 34:15

Foagidi leni mi biadima ki yaa tiendi yaala n ŋani. Lingi mi yanduanma, ki yaa ŋua ma.

Mi Ñama 17:11

Yaa yogunu ke Musa den yuugi o nuu kuli, Isalele yaaba yaa paalu n den cie. Ama o yaa den jiini o nuu yaa yogunu Amaleki yaaba mo n den pia u paalu ki cie.

Mi Ñama 9:33

Musa den ñani Falono kani ki ñani u dogu nni. O den yugidi o nii Li Miali Diedo kani ke i tatantani leni a tatana den sedi, ki taaga moko den cedi kaa go mii.

Mi Kpanjama 15:29

Li Miali Diedo foagidi leni bi nibiadiba, Ama o cengi bi niteginkaaba jaandi.

Mi Kpanjama 15:8

Li Miali Diedo nani bi nibiadiba n padi yaa pada, Ama o pali mani bi niteginkaaba jaandi po.

Mi Kpanjama 28:9

Nilo yaa biini o tuba kaa bua ki cengi li bali maama, Baa o jaandi moko tie caginde.

Jeremi 15:1

Li Miali Diedo den yedi nni: «Baa Musa leni Samueli yaa cua n kani, N yama kan guani bi naa niba kani. Deli ba ban foagidi n kani Ban yaa caa!

Jeremi 33:3

«Yini nni n baa guani apo N baa waani a yaa bonla n yaba, Yaa bonla n wuo ke ŋaa den bani la.

Jeremi 42:2

o sawalipualo Jelemi kani ki yedi o: «Gbadi tipo ti miabu: Jaandi Li Miali Diedo a Tienu tinba yaaba n sieni nne kuli po! Ti den yaba boncianla, ama moala nani ŋan nua maama, tii go fuu.

Mi Coadima 11:2

Ku niligu den buudi Musa kani. Musa den jaandi Li Miali Diedo ke mi fantama den gbindi.

Matie 21:22

Yin baa jaandi ki mia yaala kuli leni li dandanli kuli, yi baa baa la.»

Matie 3:6

Bi den tuodi ki doagidi bi *tuonbiadi, ki cedi ke Jan *batisi ba Judana kpenu nni.

Marki 1:5

Jude diema yaaba leni Jelusalema dogu yaaba boncianla den kpendi Jan kani. Bi den tuodi ki doagidi bi tuonbiadi, ke Jan den batisi ba Judana kpenu nni.

Luki 9:6

Lani bi ŋoadikaaba den fii ki gedi ki goagoadi i dowaali nni ki wangi o Laabaaliŋamo, ki paagidi a yiama i kaani kuli.

Jan n diani U Tienu Laabaaliŋamo maama 9:31

Ti bani ke U Tienu ki cengi ti tuonbiadi danba maama, ama o cengi yua n jigini o ki tiendi o yanbuama.

Jesu Tondiba Tuona 10:38

U Tienu den teni ke U Tienu Fuoma Yua jiidi Nasaleti yua Jesu po ki gbie o niinni maama, ki puni o u paalu. Yi go bani ke o den caa i kaani kuli ki ŋanbidi bi niba po, ki faabidi Sutaani n den miabi yaaba kuli ki paagidi ba kelima U Tienu den ye leni o.

Jesu Tondiba Tuona 19:18

Yaaba n den tuo ki daani siiga boncianla den kpendi ki togidi bi niba nintuali ban den tieni yaala.

Jesu Tondiba Tuona 8:24

Simono den goa ki yedi: «Mia npo mani o Diedo, ke yin yedi yaala kuli n da cua n kani.»

LOMA YAABA 3:10

Nani lan diani maama: «Oba kuli ki tiegi, baa niyendo,

LOMA YAABA 5:19

Nani niyendo yaa yiema n den teni ke bi niba boncianla tua ti tuonbiadi danba maama, li go tie yeni, niyendo yaa tuoma baa teni niba boncianla n baa li moamoansaali.

Kolosi 1:9

Li tie lani yaa po ke hali tin gbadi lankuli yaa daali, ti jaandi yipo U Tienu kaa cedi ki miadi o wan gbieni yi pala leni yaa yanfuoma leni yaa fanu n ñani wani U Tienu kani, ke yin bandi o yanbuama.

1 Tesaloniki 5:17

Yaa jaandi mani yogunu kuli ki da cedi.

1 Tesaloniki 5:23

Mi yanduanma Tienu, wani oba n yaa gagidi ki ŋanbidi yi cain yi pala nni, yi yantiana nni leni yi gbanandi nni kuli, ke yin da pia tagiliba kuli ti Diedo Jesu Kilisiti cuama daali.

1 Tesaloniki 5:25

Ti kpiiba, yin yaa miadi mani U Tienu tipo.

Hebilunba 11:4

Li tie kelima li dandanli yaa po ke Abela den padi U Tienu po yaa padili n ŋani ki cie Kayina yaali. Li tie li dandanli yaa po ke U Tienu den yedi ke o tiegi ki den ga wan padi opo yaa padili. Laa dandanli yaa po ke o baa maadi, baa ke o kpe.

Hebilunba 11:7

Li tie kelima li dandanli yaa po ke Nowe den cengi U Tienu n den tuodi ki waani o ke yaala n baa tieni, baa ke bi daa den nua la. Li fangili yaa jeje den cuo o U Tienu po, ke o kpie ku ñinbiaciangu ki baa ga o deni yaaba miana. Wan den tieni yeni, o den buni ki cuo ŋanduna, ki den baa li *moamoansaali, yaali n baadi kelima li dandanli yaa po.

Hebilunba 12:13

Yi taana n yaa ŋua yaa sani n cuubi ke yua n diani taali n da kpigidi, ama lin paagi.

Hebilunba 13:18

Yaa jaandi mani tipo. Kelima ti bani cain ke ti pala siedi ŋani ki go bua ti tagi n yaa tiegi li bonla kuli nni.

Josue 10:12

Li Miali Diedo n den taa Amola yaaba ki teni Isalele yaaba nuu nni yaa daali, Josue den mia o Isalele yaaba kuli nintuali ki yedi: «Fini u yienu, ŋan sedi Gabaono yuli po, Fini o ŋmaalo, amo n sedi Ayalona joaloangu yuli po.»

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa di ye ki fo ki baa tiendi mi teginma. Li tie kelima o poagilima yaa po ke yi paagi.

1 Jan 3:22

Tin miadi yaala kuli, ti baadi la o kani kelima ti kubi o bali maama, ki go tiendi yaala n mani opo.

1 Samueli 1:12

Wan den waagi ki jaandi, Eli den diidi o ñoabu.

1 Samueli 12:17

Tii ye *ŋalikama ceyogunu kaa? Ki taaga n ki go mi yaa yogunu. N baa jaandi ki mia Li Miali Diedo, o baa soani ki taaga leni i tatantani. Lani yi baa bandi ke yi tudi boncianla Li Miali Diedo nintuali leni yin mia ban dini yipo o bado.»

1 Samueli 12:18

Lanwani Samueli den jaandi ki mia Li Miali Diedo ke o soani ki taaga leni i tatantani laa daali. Bi niba kuli den jie Li Miali Diedo leni Samueli hali boncianla.