Jaki 5:11 - Gourmanchéma Bible

¹¹ Diidi mani, ti tua ke li pamancianli ye leni yaaba n laa fala ki go den juuni lienni. Yi gbadi Joba n den pia yaa juunli leni o Diedo n den yuandi ki puni o yaala o juodima yogunu. Kelima o Diedo pia mi niñingbadima ki go pia li *ŋanbili boncianla.

U TIENU MAAMA TILI 2013

¹¹ Diidi mani, ti tua ke li pamancianli ye leni yaaba n laa fala ki go juuni lienni. Yi gbadi Jobi n den pia yaa juunli leni o Diedo n den yuandi ki puni o yaala o juodima yogunu, kelima o Diedo pia mi ninñingbadima, ki go pia li ŋanbili boncianla.

Jaki 5:11 ပူးပေါင်းရင်းမြစ်များ

1 Bi Badiba Jama 21:13

Dafidi den goa ki yedi Gada: «N ye paboancianli nni. N yaa baa Li Miali Diedo yaa nuu nni li cie kelima o niñingbadima yaba. Ama min da baa bi nisaaliba yaa nuu nni wani.»

2 Bi Badiba Jama 30:9

Yi yaa guani Li Miali Diedo kani, yaaba n gedini yi bila leni yi kpeliba ti yonbidi yeni, baa gbadi bipo mi niñima ki ŋa ba ban guani mi naa diema nni. Kelima Li Miali Diedo yi Tienu tiendi li *ŋanbili ki go gba mi niñima, ki kan buli yi o nunga, yi yaa guani o kani.»

Nehemi 9:17

Bi den yie baa tuo ma ki sundi ŋan den ŋanbi bipo yaa *ŋanbili. Bi den juagi bi tuli. Bi yiema nni, bi den gandi o yudaano Ki baa guani ban den ye ti yonbidi nni naanpo. Ama fini, a tie yaa Tienu n puuni sugili Ki juogidi ki gba mi niñima, Ki pia li juunli leni li ŋanbili. Lani yaa po ŋaa den ŋa ba.

Nehemi 9:31

Ama a niñingbadicianma po, ŋaa den bolini ba, Ŋaa den ŋa ba. Kelima a tie yaa Tienu n juogidi, ki gba mi niñima.

Jobi 1:1

O ja den ye Utisi diema nni ke bi yi o Joba. Laa ja den tie papiendaano ki go tiegi mo. O den fangi U Tienu kaa tiendi yaala n bia.

Jobi 1:2

O den mali bonjala lele leni bonpola taa.

Jobi 2:10

Ama Joba den goa ki yedi o: «A maadi nani yaa pua n ki pia mi yama yene! Be! Ti baa yaa gaani U Tienu kani yaala n ŋani, Ki nan kan ga yaala n bia wani?» Baa laa bonla kuli yaa niinni, Joba naa den tieni ti*tuonbiadi o maama nni.

Jobi 23:10

Ama o nan bani n sanu n tie yu. O yaa ti biigi nni yaa yogunu n baa ña ki ŋani nani wula yeni.

Pisomi 103:13

Nani bibaa n gba o bila po mi niñima maama, Li Miali Diedo moko gba yaaba n fangi o po mi niñima yene.

Pisomi 103:8

Li Miali Diedo tie niñingbadilo ki go pia li ŋanbili, O pali ki fiidi tontoni, ama li ŋanbili gbie o kani.

Pisomi 116:5

Li Miali Diedo tiendi li *ŋanbili ki go tiegi mo Ti Tienu gba mi niñima.

Pisomi 119:132

Pegidi ki teli npo ki ŋanbi npo Nani ŋan maani ki tiendi maama yaaba n bua ŋa po.

Pisomi 145:8

Li Miali Diedo tiendi li *ŋanbili, ki gba mi niñima, O pali ki be tontoni, ama o ŋanbili yaba hali boncianla.

Pisomi 37:37

Yaa kpaagi o papiendaano, Ki yaa diidi yua n tiegi, Yua n lingi mi yanduanma yema baa faa ki yaa mani opo.

Pisomi 51:1

Bi yanyanba yudaano yani siiga yanbu. Dafidi yanbu.

Pisomi 78:38

Ama wani yua n pia mi niñingbadima Den puuni ba sugili bi tagili po, Ki naa bolindi ba. Yoguni boncianla o den yen ñiigi o pali ki tiendi li juunli.

Pisomi 86:15

Ama fini, O Diedo, a tie yaa Tienu n gba mi niñima, Ki go pia ti bulicindi. A pia li juunli leni li ŋanbili Ki go tie ti dugidi daano.

Pisomi 86:5

Fini o Diedo, a ŋani ki puuni sugili, Ki pia li *ŋanbili yaaba n jaandi a kuli po.

Pisomi 94:12

Li Miali Diedo, li pamanli ye leni ŋan pegidi yaa nilo Leni ŋan tundi yua leni a *balimaama.

Mi Ñama 34:6

Li Miali Diedo den pendi Musa nintuali ki kpaani ki yedi: «Li Miali Diedo, Li Miali Diedo mi niñima Tienu, yua n tiendi mi ŋanma ke o pali mo ki be tontoni. O *ŋanbili leni o dugidi mo kandi.

O Yanfuodaano 7:8

Li bonla juodima cie li cilima. A yaa juuni cie ŋan fiini a yuli.

Esayi 63:7

N baa tiadi Li Miali Diedo ŋanbicianli po, Li Miali Diedo pagidi po, Leni wan tieni tipo yaa ŋanma kuli po. N baa togidi o ŋanbicianli Isalele buolu po, Wan tieni bipo yaa ŋanma Ke li de leni o niñingbadima Leni o bancianma leni o *ŋanbili.

Esayi 63:9

Bi paboanli kuli yaa niinni, Yaali n den tie o moko yaa paboanli. Yaa maleki n ye o nintuali n den faabi ba. Hali yogu wani oba n den da ki faabi ba Ki gobini ba ki tugi ba, Kelima o buama leni o niñingbadima po.

Jeremi Bubula 3:22

Lani n tie ke Li Miali Diedo ŋanma Ki gbeni cain, O niñingbadima mo kan tuoni mi bianu.

Danieli 9:9

Ama fini ti Diedo ti Tienu, a gba tipo mi niñima ki tieni tipo sugili baa ke ti yie a bali.

Joeli 2:13

Da padi mani yi tiayiekaadi bebe ka, Se yin lebidi yi yama.› Lebidi mani ki cua Li Miali Diedo yi Tienu kani, Kelima o juogidi yi ki gba yipo mi niñima, Ki pia li juunli leni li *ŋanbili. O yen lebidi o yama ki cedi ki kan tieni Wan den jagi ke o baa tieni o nilo yaala.

Jonasi 4:2

ke o mia Li Miali Diedo ki yedi: «Li Miali Diedo, hali min den ye n diema nni min den li jie yaala kaa nne. N den bani ke a tie yaa Tienu n juogidi, ki gba mi niñima, ki pia li juunli leni li *ŋanbili. A yen lebidi a yama ki cedi ŋan bi jagi ke a baa tieni o nilo yaala. Lani yaa po yo ke n den tiini ki caa Talisisi.

Mise 7:18

Ŋme n naani leni fini U Tienu, Fini yua n puuni a niba yaaba n sieni sugili bi tuonbiadi po? Ŋaa kubi a pabienli yogunu kuli, Kelima mi niñingbadima mani apo.

Mi Coadima 14:18

‹Mini Li Miali Diedo pali ki fiidi tontoni, ama n pia li *ŋanbili boncianla, ki puuni sugili ti *tuonbiadi po leni mi biadima po. Ama n kan saa i tagili daano po moamoani. N yen tungi a bila bi baanba tuonbiadi hali nifiima taa bi nifiima naa.›

Matie 10:22

Bi niba kuli baa nandi yi kelima n yeli po. Ama yua n baa juuni hali mi juodima baa tindi.

Luki 1:50

O baa gba mi niñima yaaba n fangi o Nifiima n tu nifiima kuli po.

Luki 11:10

Kelima yua n mia kuli baa baa, yua mo n lingi kuli mo baa le, bi baa luodi yua yedi: ‹Gafala,› ki bua ki kua kuli po mo.

Luki 6:36

Yin yaa tiendi mani mi ŋanma nani yi Baa moko n tiendi mi ŋanma maama yeni.

LOMA YAABA 2:4

Bi a fali o ŋanbicianli leni o yansoangima leni o juunli ki naa faami ke U Tienu tieni apo li *ŋanbili ki bua ki gobidi a ŋan tuo ki lebidi a yama yoo?

Efesa 1:6

Lanwani tin yaa pagi o ŋanbili yaali n pia ti kpiagidi, wan puni ti yaali kelima o *Bijabuadiga po.

Efesa 2:4

Ama U Tienu niñingbadima yaba, o bua ti hali boncianla.

Hebilunba 10:39

Tinba wani, tii tie yaaba n guani puoli ki baa yuandi ki bodi siiga nni yaaba ka, ama ti tie yaaba n daani ti naani *tindima po.

Hebilunba 3:14

Kelima ti taa leni Kilisiti ki tie yenma leni o li yaa tie ke ti kubi tin den kpa pia yaa dugidi hali mi juodima.

Hebilunba 3:6

Ama Kilisiti wani n tie nidugika kelima o tie Bijua ki die U Tienu diegu. Tinba n tie o diegu li yaa tie ke ti kubi leni li papaali hali mi juodima tin kpiagidi ti yula yaa suginma yaa po.

Jaki 1:12

Li pamanli ye leni yua n fidi ki juuni mi biigima nni. Kelima bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

Jaki 1:2

N kpiiba, yin yaa nua mani ke yaa biigima buoli kuli n cua yikani tie pamanli bonla.

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni Jesu Kilisiti n baa doagidi yaa yogunu.

1 Pieri 3:14

Li pamanli ye leni yi baa bi yaa waani yi fala yin tiendi yaala n ŋani yaa yogunu mo. Yin da jie mani bi nisaaliba baa waamu, ki da yagi yi yama.

2 Pieri 2:9

Lankuli yaa po ti laa ke o Diedo bani ki faabi yaaba n fangi o leni mi biigima, ki go bani ki sieni yaaba n ki tiegi ki faligi ba ti buudi daali.