Jaki 5:10 - Gourmanchéma Bible

¹⁰ N kpiiba, yin teni mani bi sawalipuaba yaa fala leni bi juunli n yaa tie yipo li bontogidikaala, bani yaaba n den maadi o Diedo yeli nni.

U TIENU MAAMA TILI 2013

¹⁰ N kpiiba, yin teni bi saawalipuaba, bani yaaba n den maadi o Diedo yeli nni, fala leni bi juunli n yaa tie yi po bontogidikaala.

Jaki 5:10 ပူးပေါင်းရင်းမြစ်များ

2 Bi Badiba Jama 36:16

Ama bi den ñuadi U Tienu tonda, ki fali bi maama, ki sugi o sawalipuaba, hali ke Li Miali Diedo pali den fii o niba po ke laa go pia sugili.

Esayi 39:8

Esekiasi den goa ki yedi Esayi: «Ŋan maadi Li Miali Diedo maama yaama yeni mani kelima mi yanduanma leni laafia baa yaa ye n miali yema dana nni.»

Jeremi 2:30

N pua yi bijaba fanma fanma bebe Bi naa gaani tundi. Nani yaa yangbanli n bolindi yeni Yi ku yi sawalipuaba yene.

Jeremi 23:22

N juogu daali bi yaa den ye lienni, Bi den baa fidi ki teni n niba n gbadi n maama, Ki teni ban ŋa bi tagibiadu leni bi tuongunda.»

Jeremi 26:16

O bado koanbala leni bi niba kuli den yedi bi kopadicianba leni bi sawalipuaba: «O naa ja kan kpe ba. Kelima o maadi leni ti Li Miali Diedo ti Tienu yeli nne.»

Luki 13:34

Jelusalema, Jelusalema, fini yua n ku bi sawalipuaba, ki lugidi U Tienu n tuuni a kani yaaba a tana, taalima ŋa yo ke n den bua ki gobidi ki taani a niba n kani nani o kooñua n yen wuugi o koobila o fiabi nni maama, ama yii den bua.

Luki 6:23

Li yaa tua yipo yeni yaa daali, yin mangi mani yi pala ki yaa yugi ki ciini li pamanli po kelima yaa panpaani n bili yipo tanpoli po yaba. Kelima bi yaajanba moko den tuuni bi sawalipuaba yene.

Jesu Tondiba Tuona 3:21

Wani Jesu baa ye tanpoli hali li yogunu n baa ti pundi ke U Tienu baa go ŋanbi li bonla kuli nani wan den tuodi ki teni ke o sawalipuaba yaaba n gagidi pua sawali ki yedi yaala hali yogu.

Jesu Tondiba Tuona 7:52

O laa sawalipuale ke yi yaajanba ki faligi o? Bi den ku yaaba n den tuodi ki wangi o Niteginka cuama. Moala, yi janbi o ki ku o.

Hebilunba 13:7

Yin yaa tiani mani yi gobidikaaba po, bani yaaba n den waani yi U Tienu maama. Yin kpaagi mani bi yema leni bi juodima ki yaa togidi bi *dandanli.

Jaki 4:11

N kpiiba, yin da maadi yiyaba po yaala n bia. Yua n maadi yaala n bia o kpiilo po, bi ki jia leni o ti buudi, o maadi yaala n bia li *balimaama po ki go ja ma ti buudi. Ama a yaa jia ti buudi leni li balimaama, ŋaa go tie li balimaama kubido ka, ama mi bujialo.

Jaki 5:13

Naani yi siiga niloba ye leni fala bi? Wan jaandi. Naani niloba ye leni li pamanli bi? Wan yiini U Tienu yani ki pagi o.

Jaki 5:7

Lanwani n kpiiba, yin yaa pia li juunli hali o Diedo cuama. Diidi mani, o kpakpaalo yen gu ki tinga bonluonkaala, yaala n pia mayuli hali boncianla, ki juuni lipo hali wan baa baa ki takpiaga leni ki tajuodikaaga kuli.

Jaki 5:9

N kpiiba, yin da yenbidi mani yiyaba po ke U Tienu n da bu leni yi ki cuo yi lipo. Wani o bujialo tuodi ki se bu buliñoabu kani.