Jaki 4:9 - Gourmanchéma Bible

⁹ Yin bandi mani yi yebiadima ki yaa ye leni li paboanli ki yaa mua. Yin teni yi laadi n lebidi ki tua bubula, ki go teni yi pamanli n lebidi ki tua pabiidili.

U TIENU MAAMA TILI 2013

⁹ Yin bandi yi yebiadima, ki yaa ye leni li paboanli, ki yaa mua. Yin teni yi laadi n lebidi ki tua bubula, ki go teni yi pamanli n lebidi ki tua pabiidili.

Jaki 4:9 ပူးပေါင်းရင်းမြစ်များ

Nehemi 8:9

Nehemi, yua n den tie gufeneeli, leni li bali maama bangika Esidilasi, yua n go den tie o kopadiciamo, leni Lefi buolu yaaba, yaaba n den bangi bi niba yeni, den yedi bi niba kuli: «Dinla yaa daali gagidi Li Miali Diedo yi Tienu po. Yin da boandi yi pala ki yaa buudi yeni,» kelima bi niba kuli n den gbadi li bali maama n yedi yaala, bi den buudi.

Jobi 30:31

N kogidigu di pua i kuyane N yeliga mo todi a muamuada.

Pisomi 119:136

N buudi ke n ninsiidi kuli wudi Kelima ban ki kubi a bali maama maama po.

Pisomi 119:67

Hali ke a daa den faligi nni, n den yaadi, Ama moala n kubi a maama.

Pisomi 119:71

Min den laa fala yeni, li den ŋanbi npo Ke n fidi ki bangi a mabilikaama.

Mi Kpanjama 14:13

O nilo baa fidi ki yaa laa ke o pali nan biidi. Li pamanli baa fidi ki juodi leni li pabiidili.

O Yanfuodaano 2:2

N yedi ke ti laadi tie ledima, li pamanli mo ki pia kuli lin baa cuani yaala.

Jeremi 31:13

Lanwani bi jafanba baa jeli ki mangi bi pala Ki taani bi jawaaba leni a jakpela kuli. N baa teni bi paboanli n tua pamanli. N baa baagi ba. Bi falabiado yeni puoli po n baa teni bi pala n mangi.

Jeremi 31:9

Bi kpendi ki mua yo. N cangi ba leni i baagi Ki gobidi ba yaa ñima n puubi po. Bi ŋua sanyendu ban kan tuudi naankani. N tie Isalele yaaba po nani bibaa yeni. N bijakpelo mo n tie Efilayima.»

Jeremi Bubula 5:15

Li pamanli ñani ti pala nni, Ti ciamu kpandi ki tua pabiidili bonla.

Esekieli 16:63

Lanwani a baa tiadi yaala n den tieni puoli po, i fe baa co ŋa ke a kan go tuo ki yaadi a ñoabu. Ama n baa tieni apo sugili leni ŋan den tieni yaa biadima kuli. Mini o Diedo Li Miali Diedo n yedi yeni.»

Esekieli 7:16

Yaaba sieni ki naa kpe Baa sani ki do a juana po Nani ti joaloandi nni kpaajela yeni. Bikuli baa mua ki figindi kelima yua kuli tagili po.

Matie 21:41

Bi den goa ki yedi o: «O baa bolini laa nibiadiba yaa bolinma n bia, ki go guuni u kuanu nitoaba, yaaba n baa tendi o u kuanu bonluonkaala li yogunu yaa pundi.»

Matie 5:4

Li pamanli ye leni yaaba n ye leni li pabiidili, kelima bi baa baagi ba.

Luki 16:25

Abalahama den goa ki yedi o: ‹N biga, tiadi ke a den baa yaala n ŋani boncianla ŋan den ye yaa yogunu, ke Lasala mo den laadi fala boncianla. Moala, o ye ne ke bi baagidi o, a mo laadi fala.

Luki 6:21

Li pamanli ye leni yinba, mi koma n pia yaaba moala kelima yi baa guo. Li pamanli ye leni yinba yaaba n buudi moala na, kelima yi baa ti yaa laa.

Luki 6:25

Fala baa ye leni yinba yaaba n pia ke li kandi moala na, kelima mi koma baa ti gbadi yi. Fala baa ye leni yinba yaaba n laa ti laadi moala na, kelima yi pala baa ti boandi yin yaa mua ti ninsiidi.