Jaki 4:8 - Gourmanchéma Bible

⁸ Yin nagini mani U Tienu kani, o mo baa nagini yikani. Yinba, ti *tuonbiadi danba, yin nidi mani yi nii. Ŋanbi mani yi pala yinba yama lie danba.

U TIENU MAAMA TILI 2013

⁸ Yin nagini U Tienu kani, omo baa nagini yi kani. Yinba ti tuonbiadi danba, nidi mani yi nii. Ŋanbi mani yi pala, yinba yamilie danba.

Jaki 4:8 ပူးပေါင်းရင်းမြစ်များ

Mi cilima 18:23

Abalahama den nagini ki yedi: «Naani a baa teni bi niteginkaaba n taani ki bodi leni bi nibiadiba?

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

2 Bi Badiba Jama 15:2

ke o ñani ki ban tuogi Asa ki yedi o: «Cengi mani nni, Asa leni yinba Juda buolu yaaba leni Benjamina buolu yaaba kuli! Li Miali Diedo ye leni yi li yaa tie ke yimo ye leni o. Yi yaa lingi o, o baa cedi yin le o. Ama yi yaa ŋa o, o moko baa ŋa yi.

Jobi 16:17

Ama ke n nii wani ki tieni biadimaba kuli, Ke joagindiba mo kuli ki ye n jaandi nni.

Jobi 17:9

O niteginka wani n yaa li suagi liiga o tagu nni, Yua yaa nii n ki pia *joagindi mo yaa fidu n yaa pugidi!

Jobi 9:30

Baa n yaa bi wali leni bu ciebu Ki nidi n nii leni mi jiama,

Pisomi 119:113

N nani pala lie danba, Ama n bua a bali maama.

Pisomi 145:18

Li Miali Diedo kuu leni yaaba n jaandi ki miadi o, Bani yaaba n jaandi ki miadi o leni i moamoani.

Pisomi 18:20

O den ñani nni li mabinli nni ki teni ke n diedi n yuli. O den faabi nni kelima o bua nni.

Pisomi 24:4

Se yua yaa nii n ki *joagini ke o pali mo pieni, Yua n ki puuni o yuli fanma fanma bonla po, Ki kan pua faama ki poli.

Pisomi 26:6

Li Miali Diedo, n nidi n nii ki doagidi ke mii pia tagili N gaandi ki lindi a *padibinbinli,

Pisomi 51:10

Teni min le li pamancianli. Ke ŋan den mudi n kpaba yaa yeni mo n le li pamankandikaali.

Pisomi 73:13

Lanwani min wani den li pendi n pali fanma fanme, Ki nidi n nii ki doagidi ke mii pia tagili.

Pisomi 73:28

Mini wani, ki nagini U Tienu n tie yaala n mani npo. N bili n dugidi O Diedo Li Miali Diedo kani, Ke min fidi ki togidi ŋan tieni yaala kuli.

Esayi 13:15

Bi yaa nandi yaaba kuli, Bi baa muu ki kpa ba. Bi yaa cuo yaaba kuli, Bi baa kpa ba leni mu jugisiemu.

Esayi 29:13

Li Miali Diedo yedi: «A laa u naa nibuolu yaa cua n kani, U kpiagidi nni leni u ñoacuuna Ama u pali foagi leni nni. Wun pia npo yaa fangili mo tie maasuagu bebe.

Esayi 58:2

Daali kuli bi lingi nni, Bi bua ki bandi n sani. Bi miadi nni yaa buudi n tiegi Ki bua ki nagini U Tienu kani Nani yaa nibuolu n ŋua mi *teginma Ki nan ŋa U Tienu n bili upo yaa bujiateginkaali yeni.

Jeremi 4:11

Laa yogunu bi baa yedi laa niba leni Jelusalema dogu: «Mi fawatonma ñani hali mi fanpienma po Ki piebi Jelusalema dogu niba po. Laa piebi ki baa lendi mi bima ka.

Jeremi 4:14

Jelusalema, ñani a pali nni mi biadima Lani n tie ŋan baa mi *faabima. Hali u laa yogunu yo ke a baa waagi Ki kubi a pali nni ti yantiabiadi?

Jeremi Bubula 3:57

Min yini a yaa daali ki mia a todima, A yedi nni: «Da jie!»

Esekieli 18:31

Yin foagidi mani leni yin den tiendi yaa biadima. Baa mani papanli leni yantiapanli. Be yaa po ke yinba Isalele yaaba, yi baa kpe?

Sakari 1:3

Ama, moala, yin lebidi ki guani mani n kani, n moko baa guani yikani.

Malaki 3:7

Hali yi yaajanba yogunu, Yi yaadi ki ŋa n ñoabona, Kaa tiendi ŋan bili yaala. Lebidi mani ki guani n kani! Nmo baa lebidi ki guani yi kani. Li Miali Diedo, U Paaciamu Kuli Daano n yedi yeni. Ama yi tua: ‹Ti ŋa a lede yo, Ki baa lebidi ki guani a kani?›

Matie 12:33

Tuo mani ke bu tibu ŋani ke bu bonluonkaala mo ŋani, yeni yaaka ke bu tibu ki ŋani ke bu bonluonkaala mo ki ŋani. Bi bandi tibu kuli bu bonluonkaala po yo.

Matie 15:2

«Be yaa po ke a ŋoadikaaba miidi ti nikpiaba bogida? Kelima bi yaa baa je kuli, bi kan nidi bi nii.»

Matie 27:24

Pilata n den laa ke o maama ki baa sedima lipo, ke ku fuugu mo pugidi, o den taa mi ñima ki nidi o nii ku niligu nintuali ki yedi: «Mii pia tagiliba o naa niteginka soawulima nni. Li ŋua yinbe.»

Jesu Tondiba Tuona 15:9

Waa den tieni gagidimaba tinba leni bani yaa siiga kelima o den ŋuudi ki ŋanbi bi moko yaa pala kelima ban den daani yeni po.

2 Korenti 7:1

N buakaaba, kelima ti pia laa ñoaniani, tin yaa ŋanbidi mani ti yula ki ñandi ti gbanandi leni ti yantiali kuli *joagindi, ki yaa tiendi ania ki suagi liiga leni mi gagidiŋanma hali ki pundi li bianu U Tienu fangili nni.

1 Timote 2:8

Lanwani n bua ke bi jaba n yaa jaandi i kaani kuli ki yugidi yaa nii n ŋani cain, ki naa pia pabienli leni niamaba kuli.

Hebilunba 10:22

Lankuli yaa po tin yaa nagidi U Tienu kani leni li payenli, leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.

Hebilunba 7:19

Li balimaama yeni ki den fidi ki ŋanbi liba kuli ke li dagidi cain. Ama U Tienu den yuandi ki cuani tipo yaa suginma n ŋani ki cie, tin baa nagidi U Tienu kelima yaama yaa po.

Jaki 1:8

Kelima o tie yama lie daano, waa se kaanyendu o bontienkaala kuli nni.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, mi dingi, mi pia li yumiinli ki gbie leni mi niñingbadima, mi tiendi a tuonŋama, maa tiendi gagidima bi niba siiga, maa pia pala lie mo.

1 Pieri 1:22

Moala yi ŋanbi yi yula leni yin ŋua i moamoani ke yin fidi ki yaa pia yaa buama n kaa pia tuonanma yi kpiiba po. Lanwani yin yaa bua mani yiyaba hali boncianla leni yi pala kuli.

1 Pieri 3:21

Mi ñima yeni den tie yaa *batisima n faabi yi moala yaa nannanli. Laa tie ke mi batisima ŋuudi ki ñani ti gbanandi*joagindi ka, li tie yaa nilo n puni o yuli U Tienu leni yaa pali siedi n ŋani. Yi baa ki faabi kelima Jesu Kilisiti fiima bi tinkpiba siiga yaa po.

1 Jan 3:3

Yua n pia laa suginma kuli baa ŋanbidi o yuli, nani wani o Diedo n ŋani maama yeni.

1 Samueli 14:35

Sayula den maa li *padibinbinli Li Miali Diedo po. Lini n tie wan den kpa maa yaa padibinbinli Li Miali Diedo po.