Jaki 4:11 - Gourmanchéma Bible

¹¹ N kpiiba, yin da maadi yiyaba po yaala n bia. Yua n maadi yaala n bia o kpiilo po, bi ki jia leni o ti buudi, o maadi yaala n bia li *balimaama po ki go ja ma ti buudi. Ama a yaa jia ti buudi leni li balimaama, ŋaa go tie li balimaama kubido ka, ama mi bujialo.

U TIENU MAAMA TILI 2013

¹¹ N kpiiba, yin da maadi yiyaba po yaala n bia. Yua n maadi yaala n bia o kpiilo po, bi ki jia o buudi, o maadi yaala n bia li bali maama po, ki go ja mi buudi. Ama a yaa jia li bali maama buudi, ŋaa go tie li bali maama kubido ka, ama mi bujialo.

Jaki 4:11 ပူးပေါင်းရင်းမြစ်များ

Pisomi 140:11

A mukuanmoana n yaa wuti bipo, Ban pieni ki lu ba mi fantama nni Leni mu buamu nni, naankani ke bi kan go fii.

Luki 6:37

Yin da ja mani ti buudi ke U Tienu n da ti jia leni yi mo ti buudi. Yin da bu ki cuo oba ke ban da bu ki cuo yi mo. Lani bi kan jia ki bili yi mo yaa cuonu. Yaa tiendi mani yi nisaalilieba po sugili bi tagili po, lani bi baa tieni yi mo yaa po sugili yi yaa tagili po.

LOMA YAABA 2:1

Fini, ŋan tie yua kuli, ki ja a lielo ti buudi, a kan baa ŋan baa tabi yaala ki ga a yuli. Kelima ŋan ja ti buudi leni nitoaba yeni a cuo a yuli, kelima a moko tiendi nani bani yeni.

LOMA YAABA 2:13

Kelima laa tie yaaba n cengi li bali maama ka baa baa li *moamoansaali, ama yaaba n tiendi li bali maama n bili yaala, bani n baa baa li moamoansaali.

LOMA YAABA 7:7

Lanwani ti baa yedi lede? Li bali maama tie *tuonbiadi bi? Kalam. N kan den bandi ti tuonbiadi n tie yaala, kali li bali maama n den waani nni. N kan den faami ke li nunponbiadili tie tagili li yaa tie ke li bali maama den yedi: «;Nan da pia li nunponbiadili.»

1 Korenti 4:5

Lani yaa po yin da ja ti buudi liba kuli po hali ke li yogunu daa pundi. Yaa gu mani o Diedo cuama, wani yua n baa yendi yaala n wuo li*biigili nni, ki go doagidi yaala n den wuo a pala nni. Laa yogunu nilo kuli baa baa U Tienu kani lan pundi wan baa yaa pagidi.

2 Korenti 12:20

N jie ke n yaa cua yikani, n kan sua ke yi tie nani min bua yin yaa tie maama, ki go jie ke yinba mo kan sua ke n tie nani yin bua min yaa tie maama. N jie ke n baa le yikani ku mafuugu leni li ponli leni li pabienli leni mi paadima leni ti sugidi leni ku tuotabigu leni ti japaadi leni yaala n tie sisindi sindi kuli.

Efesa 4:31

Yin cedi mani li mutuoli, ki nanga, li pabienli, ku fuugu, ku tuotabigu, leni tugutongu buolu kuli n ña yi siiga.

1 Timote 3:11

Bi puoba moko n yaa tie bi niba n jigindi yaaba, ki da tie tingbangbaaba, ki yaa kubi bi yula, ki tie bi niba n fidi ki dugi yaaba po li bonla kuli nni.

2 Timote 3:3

Bi go baa tie yaaba n bia ki naa pia niñingbadima, ki tie ku tuotabigu danba, leni yaaba n kaa kubi bi yula, leni ku tugutongu danba, ki tie bi niŋanba kuli yibalinba,

Titi 2:3

Ŋan go yaa wangi a pociana ke bi tagi n yaa tuugi leni mi gagidiŋanma, ban da tie tuotabigu danba, yaaka dañogaada. Ama li pundi ban yaa bangi yaala n ŋani,

Jaki 1:16

N kpibuadiba, yin da boandi mani yi yula yaa maama n tie na po:

Jaki 1:19

N kpibuadiba, yin bandi line: Li pundi nilo kuli n cengi tontoni, ki da maadi tonma, ki da bieni o pali tontoni mo.

Jaki 1:25

Ama yua n nuali bonŋanla yaa balimaama n ŋani cain ki faabidi bi niba yaa niinni, ki suagi ki tiendi yeni kaa sundi wan cengi yaala, ki tiendi man yedi yaala, laa nilo baa baa li seli wan tiendi yaala kuli nni.

Jaki 2:8

Yi yaa kubi *U Tienu diema balimaama nani lan diani maama li ŋani, mani yaama n yedi: «Ŋan bua a nisaalilielo nani ŋan bua a yuli maama.»

Jaki 5:10

N kpiiba, yin teni mani bi sawalipuaba yaa fala leni bi juunli n yaa tie yipo li bontogidikaala, bani yaaba n den maadi o Diedo yeli nni.

Jaki 5:7

Lanwani n kpiiba, yin yaa pia li juunli hali o Diedo cuama. Diidi mani, o kpakpaalo yen gu ki tinga bonluonkaala, yaala n pia mayuli hali boncianla, ki juuni lipo hali wan baa baa ki takpiaga leni ki tajuodikaaga kuli.

Jaki 5:9

N kpiiba, yin da yenbidi mani yiyaba po ke U Tienu n da bu leni yi ki cuo yi lipo. Wani o bujialo tuodi ki se bu buliñoabu kani.

1 Pieri 2:1

Lani yaa po yin ŋa mani mi biadima leni i boandi kuli, leni pala lie yantiali, leni li nunponbiadili, leni ti sugidi buoli kuli.