Jaki 3:5 - Gourmanchéma Bible

⁵ Bu lanbu mo tie yene, bu wa i gbananbuoli kuli siiga, ama bu baa fidi ki fiini buba ki maadi mi japaamaama boncianla. Diidi mani, mi fantama waamu bebe baa fidi ki buoni yaa fuali n yaba.

U TIENU MAAMA TILI 2013

⁵ Bu lanbu mo tie yene, bu wa i gbananbuoli kuli siiga, ama bu baa fidi ki fiini buba, ki maadi mi japaamaama boncianla. Diidi mani, u mu waamu bebe baa fidi ki buoni yaa fuali n yabi.

Jaki 3:5 ပူးပေါင်းရင်းမြစ်များ

Jobi 22:17

Bi den tua U Tienu: ‹Ña ti maama nni. U Paaciamu Kuli Daano baa fidi ki tieni ti be?›

Pisomi 10:3

O nibiado pagi o yuli leni wan jagi ki tieni yaala. O yaa tieni i janbi ki baa yaala, Se wan soli ki go ñuadi Li Miali Diedo.

Pisomi 17:10

Bi juagi bi pala kaa gba niñima, Bi maadi leni ti japaadi.

Pisomi 39:1

Bi yanyanba yudaano leni Jedutuni yani siiga yanbu. Dafidi yanbu.

Mi Ñama 15:9

Ti yibali den yedi: ‹N baa deli ki cuo ba ki boagidi ti fagidi hali ki guo. N baa noadi n jugisiega ki bolini ba.›

Mi Ñama 5:2

Falono den yedi: «Li Miali Diedo tie ŋme yo ke n baa tuo ki ŋoadi o maama ki cedi Isalele yaaba n gedi? Mii bani Li Miali Diedo, n kan tuo Isalele yaaba n gedi mo.»

Mi Kpanjama 12:18

Yua yaa ñoabu n yua poagiliti nani ki jugisiega yeni. Bi yanfodanba mo yaa maama paagidi u gbanu.

Mi Kpanjama 15:2

Bi yanfodanba maama po teni ke bi niba bua mi bandima. Ama bi yanluodanba ñoana ñandi mi yanluomaama.

Mi Kpanjama 18:21

Mi kuuma leni li miali ye mi maama nuu nne Yua n faadi ma mo baa je mi bonluonkaala.

Mi Kpanjama 26:20

Ti daadi poadima baa teni mi fantama n gbindi Tingbangbaabo moko yaa ye mi janjanma baa gbeni.

Jeremi 18:18

Lanwani li den baa yaa niba n den yedi: «Cua mani tin juogi ki baa tin baa Kuani Jelemi naani! Kelima li *bali maama kan kpe ke bi kopadicianba ye Tundi kan gbeni ke bi yanfodanba ye, Sawali kan gbeni ke sawalipuaba ye. Cua mani tin kpa o leni mi maama, Tin da cengi o mayedikaama.»

Esekieli 28:2

«O ja na, ŋan yedi Tili bado ke o Diedo, Li Miali Diedo yedi mi ne: A pali den gbie leni ti japaadi ke a yedi: ‹N tie tienu yo, N kaa mi ñincianma siiga, i tieni bali kalikaanu po.› Ama, a li tie nisaale, ŋaa tie Tienu, Ki tama ke a yantiali tie U Tienu yantiale.

Esekieli 29:3

Ŋan maadi ki yedi ke mini o Diedo, Li Miali Diedo yedi mi ne: Mini n baa jigidi ki baa ŋa, Fini Ejipiti bado Falono, O ñoabiciamo, Fini yua n laabi a kpeni siiga Ki tua: ‹U kpenciamu tie n yu yo, Mini n tieni u n yuli po.›

Danieli 3:15

Moala yin bogini mani, yi yaa go gbadi a naatuntuna, mu yelimu, ti kogiditi, mu sielimu, a kogididajena leni yaa baantiadi n sieni kuli fuugu, lanyogunu liga yin labini ki kpiagi min teni ke bi tieni yaa nisaali-nannanli yeni. Yi yaa pugi li, lanyogunu-lanyogunu bi baa lu yi yaa buaga n yigidi ki tuoni niinni. O laa bulo n baa fidi ki faabi yi n nuu nni?»

Danieli 4:30

Lanyogunu liga li bonla yeni den tieni Nebukanesa. Bi den deli ki ñani o bi nisaaliba siiga. O den ŋmani ti muadi nani i ne yeni. Ku mangu den soangidi o gbanandi. O yudi den yabidi nani jiebani kobidi yeni, o niñadi mo den noadi ki foagidi nani ti bonyugiditi taajenñadi yeni.

Jaki 3:4

Yin go kpaagi mani ti ñinbiaciandi, baa ke ti yaba boncianla ke ti tafaaciandi mo tudi ti, o ñinbiagobido gobidi ti leni yaa bonpegidikaala n wa, ki tendi ke ti caa wan bua naankani.

2 Pieri 2:18

Bi gbie leni ti japaadi ki maadi yaa macianma n ki pia mayuli. Bi boandi ki dia leni ti gbanandi bonbuakaala yaaba n faabi leni bi niyaadikaaba yeginu ke li daa waagi.

Jude 1:16

Laa niba tie yaaba n yenbidi, yaaba yaa pala n biidi bi yema po. Bi ŋua bi gbanandi bonbuakaala, ki maadi mi japaamaama, ki banbidi bi niba ke ban baa bikani li baali.