Jaki 2:8 - Gourmanchéma Bible

⁸ Yi yaa kubi *U Tienu diema balimaama nani lan diani maama li ŋani, mani yaama n yedi: «Ŋan bua a nisaalilielo nani ŋan bua a yuli maama.»

U TIENU MAAMA TILI 2013

⁸ Yi yaa kubi U Tienu diema bali maama, nani lan diani maama li ŋani. Mi yedi: «Ŋan bua a lielo nani ŋan bua a yuli maama.»

Jaki 2:8 ပူးပေါင်းရင်းမြစ်များ

1 Bi Badiba 8:18

Ama Li Miali Diedo den yedi n baa Dafidi: ‹Ŋan jagi a yama nni ke a baa maa npo li jaandieli yeni, a ŋanbi.

2 Bi Badiba 7:9

Li yaa puoli bi den yedi biyaba: «Tin tiendi yaala ki ŋani. Dinla tie yaa laabaalo n ŋani yaa daali. Ti yaa ŋmini ki guu hali lan faa U Tienu baa cuo ti u cuonbiadu. Cua mani tin gedi ki ban waani o bado denpo.»

Levi 19:18

Ŋan da tu li panli. Ŋan da pia li koanfaali a buolu nilo po. Ama ŋan bua a nisaalilielo nani ŋan bua a yuli maama yeni. N tie Li Miali Diedo.

Levi 19:34

Yin yaa nua yaa caano n kaa yi siiga nani u dogu maabiga yua n ye yi siiga yeni. Yin bua o nani yin bua yi yula maama kelima yi moko den tie canbe Ejipiti diema nni. N tie Li Miali Diedo yi Tienu.

Jonasi 4:4

Li Miali Diedo den yedi o: «Ŋan bieni a pali yeni, a sua ke li ŋani bi?»

Jonasi 4:9

U Tienu den yedi Jonasa: «Ŋan bieni a pali ku tungu po yeni a sua ke li ŋani bi?» Jonasa den goa ki yedi: «N pia moamoani ki bieni n pali hali ki mia mi kuuma.»

Matie 22:39

Yaama n ŋua ma mo ki naani leni ma tie mine: Ŋan yaa bua a nisaalilielo nani ŋan bua a yuli maama yeni.

Matie 25:21

O canbaa den yedi o: ‹Li ŋani, n naacendugika, a teni ke n dugi apo li bonwaala po, n baa teni ŋan diedi boncianla. Cua ki taani ki mangi a pali leni nni.›

Matie 25:23

O canbaa den yedi o: ‹Li ŋani, n naacendugika, a teni ke n dugi apo li bonwaala po, n baa teni ŋan diedi boncianla. Cua ki taani ki mangi a pali leni nni.›

Matie 7:12

Lani yaa po yin bua ke bi niba n tieni yipo yaala kuli, yi mo n tieni la bipo. Lani n tie li *bali maama leni bi sawalipuaba kuli bangima.

LOMA YAABA 13:10

Yua n bua o nisaalilielo kan tieni o yaala n bia, lanwani mi buama tie bali maama kuli yaa tienma.

Galati 5:14

Kelima li balimaama kuli taani mayenma nni, yaama n tie na: «Ŋan bua a nisaalilielo nani ŋan bua a yuli maama yeni.»

Galati 6:2

Yaa todi mani yiyaba leni yin tugi yaa tuga, yeni yi baa tiendi Kilisiti bali maama n bili yaala.

Filipi 4:14

Baa yeni, yin den taani leni nni ki tugi n fala tugili yeni, yi tieni yaala n ŋani.

1 Tesaloniki 4:9

Laa go tie tiladi min diani yipo ki waani yi yin yaa bua yi kpiiba, kelima U Tienu wani oba n bangi yi ke yin yaa bua yiyaba.

Jaki 1:25

Ama yua n nuali bonŋanla yaa balimaama n ŋani cain ki faabidi bi niba yaa niinni, ki suagi ki tiendi yeni kaa sundi wan cengi yaala, ki tiendi man yedi yaala, laa nilo baa baa li seli wan tiendi yaala kuli nni.

Jaki 2:12

Yin yaa maadi mani ki go tiendi, ki bani ke U Tienu baa jia ti buudi leni yi ki ŋua yaa balimaama n puuni mi *faabima.

Jaki 2:19

A daani ke U Tienu ye ki tie yendo bebe, a tieni ke li ŋani. Ama mu cicibiadimu moko daani yeni, ki jie ki digibi.

Jaki 4:11

N kpiiba, yin da maadi yiyaba po yaala n bia. Yua n maadi yaala n bia o kpiilo po, bi ki jia leni o ti buudi, o maadi yaala n bia li *balimaama po ki go ja ma ti buudi. Ama a yaa jia ti buudi leni li balimaama, ŋaa go tie li balimaama kubido ka, ama mi bujialo.

1 Pieri 2:9

Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.