Jaki 2:21 - Gourmanchéma Bible

²¹ Naani ti yaaja Abalahama ki den baa li *moamoansaali kelima a tuona po wan den padi o bijua Isaaka li *padibinbinli po kaa?

U TIENU MAAMA TILI 2013

²¹ Naani ti yaaja Abalahama tuonŋama po ka teni ke bi yini o niteginka? Naani wan den padi o bijua Isaaka li padibinbinli po yeni ka teni ke o tiegi?

Jaki 2:21 ပူးပေါင်းရင်းမြစ်များ

Pisomi 143:2

Da bu leni mini a naacemo ti buudi, Kelima nisaalimialiba kuli ki tiegi a nintuali.

Esayi 51:2

Yaadi ki diidi mani yi yaaja Abalahama Leni Sala yua n mali yi po. O den ye o bebe yo, min den yini o yaa yogunu, Ama n den seligi o ki teni ke o mali boncianla.

Matie 12:37

Kelima a maama po baa teni ban saa apo i moamoani, a maama po go baa teni ban bu ki cuo ŋa.»

Matie 3:9

Yin da se ki tua yi pala nni: ‹Ti pia Abalahama ke o tie ti yaaja.› N kadi ki waani yi ke U Tienu baa fidi ki teni yaa tana n tie na n tua Abalahama puoliŋuani.

Luki 1:73

Wan den poli ki kuani yua leni ti yaaja Abalahama,

Luki 16:24

O den tiani ki yedi: ‹N baa Abalahama, gbadi npo mi niñima ki soani Lasala wan tu mi ñima leni o nubiyuli ki cua ki kuugi npo n lanbu, kelima n laadi fala boncianla mi fantama na niinni.›

Luki 16:30

O piado den goa ki yedi: ‹N baa Abalahama, yeni ka, yua n kpe yaa fii bi tinkpiba siiga ki gedi bikani, bi baa lebidi bi yama.›

Jan n diani U Tienu Laabaaliŋamo maama 8:39

Bi den yedi o: «Ti baa n tie Abalahama.» Jesu den goa ki yedi ba: «Yi yaa bi tie Abalahama puoliŋuani, yi bi baa tiendi Abalahama n den tuuni yaa tuona.

Jan n diani U Tienu Laabaaliŋamo maama 8:53

Naani a cie ti yaaja Abalahama yua n kpe yoo? Bi sawalipuaba moko kpe. A tama ke a tie ŋme?»

Jesu Tondiba Tuona 7:2

Etiena den yedi: «Yinba, n kpiiba leni n baanba, cengi mani! Ti kpiagidi Tienu den doagidi o yuli ti yaaja Abalahama po wan den ye Mesopotami diema nni yaa yogunu, hali ke o daa fii likani ki gedi ki ye Halana dogu.

LOMA YAABA 3:20

Kelima niloba kuli kan baa li *moamoansaali U Tienu kani kelima o tiendi li bali maama n yedi yaala. Kelima li bali maama n teni ke o nilo bandi ti tuonbiadi.

LOMA YAABA 4:1

Ti baa yedi lede Abalahama po? Wani yua n tie ti yaaja ti gbanandi nni. O den baa be?

LOMA YAABA 4:12

O go tie a junga moko yaa baa, bani yaaba n ki sedi leni ku koanciagu bebe ka, ama bi moko ŋua Abalahama dandanli fuuli hali ke o daa kua ku koanciagu.

LOMA YAABA 4:16

Lanwani yaaba n baa baa U Tienu n den niani yaa ñoanianu baa baa u kelima li dandanli yaa po, kelima U Tienu bua ban baa u ñoanianu kelima o *ŋanbili-paabu po bebe. O bili ke o ñoanianu baa ye Abalahama puoliŋuani kuli po. Laa tie yaaba n pia li balimaama bebe yaa po ka, ama yaaba n daani U Tienu nani Abalahama n den daani maama. Wani Abalahama tie tikuli yaaja. Nani lan diani maama:

Hebilunba 11:17

Li tie kelima li dandanli yaa po ke Abalahama den padi Isaaka, U Tienu n den biigi o yaa yogunu. Wani, yua n den baa u ñoanianu, den tuo ki baa padi o bonjayenyenga,

Jaki 2:18

Ama niloba yaa yedi: «Fini a pia li dandanli, n mo pia a tuona.» N baa yedi o: «Waani nni a dandanli yaali n ki pia tuona, n mo n baa waani a n dandanli kelima n tuona yaa po.»

Jaki 2:24

Yi laa, o nilo baa li moamoansaali kelima o tuona po, laa tie kelima o dandanli bebe po ka.

Josue 24:3

Mini U Tienu den ñani yi yaaja Abalahama Yufilata duoli ki teni ke o gaangaani Kanana diema nni kuli. N den puni o i puoliŋuani boncianla. N den puni o Isaaka,