Jaki 1:25 - Gourmanchéma Bible

²⁵ Ama yua n nuali bonŋanla yaa balimaama n ŋani cain ki faabidi bi niba yaa niinni, ki suagi ki tiendi yeni kaa sundi wan cengi yaala, ki tiendi man yedi yaala, laa nilo baa baa li seli wan tiendi yaala kuli nni.

U TIENU MAAMA TILI 2013

²⁵ Ama yua n nuali bonŋanla yaa bali maama n ŋani cain, ki faabidi bi niba yaa niinni, ki suagi ki tiendi yeni kaa sundi wan cengi yaala, ki tiendi man yedi yaala, laa nilo baa baa li seli wan tiendi yaala kuli nni.

Jaki 1:25 ပူးပေါင်းရင်းမြစ်များ

Pisomi 106:3

Li pamanli ye leni yua n ŋua yaa bujiali n tiegi Ki tiendi mi *teginma yaa yogunu kuli.

Pisomi 119:32

N tiini a bali maama sanu nni, Kelima a puni nni mi yanfuoma.

Pisomi 119:45

N baa cuoni ke n yama dua Kelima n lingi a mabilikaame.

Mi Kpanjama 14:15

O yanboandaano daani ban yedi o yaala kuli, Ama o yanfodaano faami wan cuoni maama.

Esayi 8:20

Guani mani li *bali maama leni siedi kani. Bi yaa tieni yeni, suginmaba kan yaa ye bi niba po.

Luki 11:28

Jesu den goa ki yedi o: «Li pamanli ye leni yaaba cengi U Tienu maama ki kubi ma ki cie.»

Jan n diani U Tienu Laabaaliŋamo maama 13:17

Yi yaa bani lani ki tiendi la, yi pia li pamanli.

Jan n diani U Tienu Laabaaliŋamo maama 8:36

Lani yaa po Bijua yaa faabi yi, yi baa faabi moamoani.

Jesu Tondiba Tuona 13:43

Li nitaanli yeni yaaba n den yadi, Jufinba boncianla leni yaa nilanba n den lebidi ki ŋoadi U Tienu nani Jufinba yeni den ŋoadi Polo leni Banabasa. Bi go den maadi leni ba ki tundi ba ke ban yaa se U Tienu*ŋanbili nni.

Jesu Tondiba Tuona 2:42

Bi den kuani bi yama ki gaani Jesu tondiba bangima, ki taagi li dandanli yaaba taanli nni, ki taandi ki taani dupen ki go jaandi yogunu kuli kaa cedi.

Jesu Tondiba Tuona 26:22

Ama kelima U Tienu todima po n ye hali dinla ki tiendi siedi taliginba leni bi paatieba kuli po. Min yedi yaala taa yenma leni bi sawalipuaba leni Musa kuli n den pua sawali ke yaala n baa tieni yeni po, mii pugini lipo liba.

LOMA YAABA 11:22

Lani yaa po ŋan kpaagi U Tienu ŋanbili leni o mabinli po. O den mabini yaaba n den baa, ki ŋanbi a yaa po, ama se ŋan yaa ye o ŋanbili nni, yaaka o baa jia ki ñani a moko.

LOMA YAABA 2:13

Kelima laa tie yaaba n cengi li bali maama ka baa baa li *moamoansaali, ama yaaba n tiendi li bali maama n bili yaala, bani n baa baa li moamoansaali.

LOMA YAABA 7:12

Baa yeni, li bali maama gagidi ki ;nani, mi mabilikaama moko gagidi ki ;nani ki tiegi ki go pia mayuli.

LOMA YAABA 8:15

U Tienu naa puni yi yaa Fuoma n teni ke yi tie yonbi ki go baa ye i jeje nni ka. Ama yi baa U Tienu Fuoma yaama n puni yi mu bimoanmu yaa bali ke ti kpaani ki tua U Tienu: «Ti Baa, ti Baa.»

LOMA YAABA 8:2

Kelima U Tienu Fuoma yaama n puuni li miali Jesu Kilisiti nni yaa bali faabi nni leni ti *tuonbiadi leni mi kuuma kuli yaa bali.

1 Korenti 15:58

Lanwani n kpibuadiba yin yaa se mani bonŋanla ki da lengidi. Yin yaa suagi mani liiga o Diedo tuonli nni yaa yogunu kuli, ki bani ke yi tuonli o Diedo po kan tua fanma.

2 Korenti 13:5

Yinba yiba, yin kpaagikpaagi ki le yi yaa ye li *dandanli nni. Biigi mani yi yula yiba. Naani yii bani ke Jesu Kilisiti ye yi niinni yoo? Li yaa tie ke yi biigi yi yula, yi baa sua ke yi poadi.

Galati 2:4

Laa maama den fii mo kelima bi nitianba yaaba n kaa den tie ti kpiiba moamoani den kua ti siiga nni ŋasiili nni, ki bua ki goandi ti ki bandi tin pia yaa *faabima Jesu Kilisiti nni, ke ban fidi ki go kuani ti li *balimaama yonbidi nni.

Galati 5:1

Kilisiti den faabi ti ke tin yaa die ti yula. Lani yaa po sedi mani bonŋanla ki da go kuani yi yula ti yonbidi yaa lolima nni.

Galati 6:2

Yaa todi mani yiyaba leni yin tugi yaa tuga, yeni yi baa tiendi Kilisiti bali maama n bili yaala.

Kolosi 1:23

Li baa tie yeni ke yi n yaa se bonŋanla yaa tanpuuli n pa po kelima yi dandanli po, ki naa lebidi ki ŋa o Laabaaliŋamo suginma, yin den baa yaama. Bi waani ŋanduna yaaba kuli o Laabaaliŋamo yeni, mini Polo mo n tua yua yaa naacemo.

1 Timote 2:15

Baa yeni, o baa faabi kelima o maalu po, li yaa tie ke o se li dandanli nni, leni mi buama, leni mi gagidiŋanma leni li yukubili kuli nni.

1 Timote 4:16

Ŋan kubi a yuli, ki go kubi a bangima, ki yaa se ke li pa likuli nni. Kelima a yaa tiendi yeni, a baa faabi a yuli ki go faabi yaaba n cengi a bangima kuli.

Hebilunba 12:15

Yin fangi mani yi yula ke oba n da muni o yuli U Tienu*ŋanbili. Yin go fangi mani yi yula ke yaa jiinu n bia ki to kuli n da toa a benkpela, ki cuani ti yanyagidi ki yaa *joagindi bi niba boncianla.

Jaki 2:12

Yin yaa maadi mani ki go tiendi, ki bani ke U Tienu baa jia ti buudi leni yi ki ŋua yaa balimaama n puuni mi *faabima.

1 Pieri 2:16

Yi tie yaaba n faabi, yaa tie mani yaaba n faabi n baa tie maama. Yin da teni yin die yi yula maama po n pa yi u sanu yin wuoni yi biadima. Ama yin yaa tie nani U Tienu naacenba n dagidi ki yaa tiendi maama.

1 Jan 2:24

Yinba yaa po, li pundi yin den gbadi yaala hali mi cilima n yaa ye yi niinni. Li yaa tie ke yin den gbadi yaala hali mi cilima ye yi niinni, yi moko baa ye Bijua leni Baa niinni.

Mi Doagidima 14:13

N den gbadi ke u nialu maadi tanpoli ki yedi: «Diani yaa maama n tie na: ‹Li pamanli ye leni yaaba n kpe leni li dandanli o Diedo nni.› » U Tienu Fuoma den goa ki yedi: «Yeni de, kelima bi baa fuodi leni bi tuonfala, kelima bi tuonŋama ŋua ba.»

Mi Doagidima 22:14

Li pamanli ye leni yaaba n ŋuudi bi liada, ke ban baa ki yaa di li miali tibu bonluonkaala, ki go yaa tagi ki kua u dogu buliñoana kani.

1 Samueli 12:14

Yi yaa fangi Li Miali Diedo ki ŋua o, yi yaa tuo wan yedi yaala ki naa yie o *balimaama, yi yaa taabi o, yinba leni yi bado yua n die yi, li bonla kuli baa yaa cuoni yipo bonŋanla.