Jaki 1:17 - Gourmanchéma Bible

¹⁷ Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

U TIENU MAAMA TILI 2013

¹⁷ Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

Jaki 1:17 ပူးပေါင်းရင်းမြစ်များ

Mi cilima 41:16

Josefi den goa ki yedi Falono: «Min kaa baa fidi ki bundi ti dangidi. U Tienu n baa doagidi apo ti dangidi yeni n bua ki yedi yaala.»

1 Bi Badiba Jama 22:12

Ŋan yaa faami bonŋanla, ke Li Miali Diedo mo n pa ŋa mi gbadima, mi yanfuoma, ki go pa ŋa li bali Isalele yaaba po, ke ban fidi ki kubi Li Miali Diedo, a Tienu *balimaama!

1 Bi Badiba Jama 29:19

Pa n bijua Salomono payenli ke wan kubi a bali maama, a ñoamabona leni a mabilikaama, lani n tie wan tieni lan yedi yaala, ke wan maa apo min den bogini yaa diegu yaa tiadi yeni.»

Pisomi 102:27

Lani kuli baa bodi, ama fini wani baa ye. Likuli baa cadi nani ti tiayiekaadi yeni, Ŋan lebidi la nani li liadili yeni Lankuli baa pendi ki bodi.

Pisomi 122:6

Mia mani mi yanduanma Jelusalema po ki yedi: «Yaaba n bua fini Jelusalema kuli n yaa ye leni mi yanduanma!

Pisomi 136:7

Wani n den tagi mi yenma buoli tanpoli po, Kelima o ŋanbili ye hali yaa yogunu kuli!

Pisomi 84:11

N yaa tieni dayenli a luoli nni, Li cie npo min tieni dana tudili potogu. Mini, li mani npo ki cie min yaa se U Tienu diegu buliñoabu kani Ke min yaa ye bi nibiadiba gbandiena nni.

Pisomi 85:12

I moamoani pani ki tinga nni U Tienu mo yaa teginma biindi hali tanpoli ki diidi.

Mi Kpanjama 2:6

Kelima Li Miali Diedo n puuni mi yanfuoma, Mi bandima leni li kpaagili ña o yaa kani.

Esayi 28:26

O Tienu waani o, wan baa yaa cuoni maama, Ki teni o o ñoabonbilikaana.

Esayi 45:7

N tagi mi yenma Ki go tagi li *biigili. N puuni mi yanduanma Ki go kpendinni mi yebiadima. Mini Li Miali Diedo n tiendi laa bonla kuli.

Esayi 46:10

Hali mi cilima n den wangi yaala n baa faa ki cua, Hali yogu mo, N den tuodi ki wangi yaala n daa tieni. N yedi: n yanjagili baa tieni. N baa tieni min bua yaala mo.

Esayi 60:19

U yienu ka go baa yendi apo u yensiinu, O ŋmaalo mo ka go baa yendi apo ku ñiagu. Ama Li Miali Diedo n baa tie a yenma yaa yogunu kuli po. A Tienu mo n baa tie a kpiagidi.

Malaki 3:6

U Paaciamu Kuli Daano go yedi: «N tie Li Miali Diedo, N kan lebidi, Lani n teni ke yinba, Jakobo puoliŋuani daa bodi.

Mi Coadima 11:17

N baa jiidi ki maadi leni a likani. N baa taa n Fuoma yaama n ye a niinni yeni ki kuani ma bi niinni ke ban fidi ki tugi ku niligu tugili ki todi a, ke ŋan da go tugi li fini a bebe.

Mi Coadima 11:25

Li Miali Diedo den jiidi ku tawaligu nni ki maadi leni Musa. O den taa o Fuoma yaama n ye Musa po yeni, ki kuani bi nikpepiileleediba yeni niinni. U Tienu Fuoma n den kua bi niinni yaa yogunu, bi den cili ki pua sawali, ama baa den suagi liiga.

Mi Coadima 23:19

U Tienu ki tie nisaalo kaa ki baa pua mi faama, Waa tie nisaalo kaa ki baa lebidi o yantiali. Naani o baa maadi maama kaa baa tieni wan yedi yaala? Naani o baa niani ñoanianu kaa baa kuani o cuu?

Matie 7:11

Yinba yaaba n bia yaa bani ki pa yi bila li bonŋanla, laa pia kuli tama ke yi Baa yua n ye tanpoli baa pa yaaba n mia o li bonŋanla.

Luki 11:13

Yinba yaaba n bia yaa bani ki pa yi bila li bonŋanla, lanwani laa pia kuli tama ke ti Baa yua n ye tanpoli baa pa yaaba n mia o o Fuoma Yua.»

Jan n diani U Tienu Laabaaliŋamo maama 1:9

Mi den tie mi yenmoanma, yaama n cua ŋanduna nni ki yendi nisaalo kuli po.

Jan n diani U Tienu Laabaaliŋamo maama 3:27

Jan den goa ki yedi ba: «O nilo kan fidi ki baa li bonla li yaa tie U Tienu n puni o yaala yaaka.

Jan n diani U Tienu Laabaaliŋamo maama 3:3

Jesu den goa ki yedi o: «N yedi a i moamoani, o nilo yaa mali milie, o kan fidi ki le *U Tienu diema.»

Jan n diani U Tienu Laabaaliŋamo maama 8:12

Jesu go den yedi bi niba: «Mini n tie ŋanduna yenma, yua n ŋua nni kuli kan go cuoni li *biigili nni, ama o baa baa li miali yenma.»

Jesu Tondiba Tuona 11:18

Yaaba n den funi leni o yeni n den gbadi li maama fuuli bi den cedi, ki kpiagi U Tienu ki yedi: «Lanwani U Tienu puni bi nilanba moko ke bi baa u sanu ki lebidi bi yama, ki baa li miali.»

Jesu Tondiba Tuona 5:31

U Tienu kpiagi o ki teni ke o ye o jienu kani ki tie Yudaano leni Candaano ke wan pa Isalele yaaba ban lebidi bi yama ki baa sugili bi*tuonbiadi po.

LOMA YAABA 6:23

Kelima ti tuonbiadi panpaani tie mi kuuma, ama U Tienu *ŋanbili-paabu tie yaa miali n kan gbeni ti Diedo Jesu Kilisiti nni.

1 Korenti 4:7

Ŋme teni ke a cie a lieba? A pia be ke U Tienu ka puni a? Li yaa tie yeni, be n teni ke a kpiagi a yuli nani U Tienu ka puni a la yeni?

2 Korenti 4:6

U Tienu yua n den yedi: «Mi yenma n yendi li *biigili nni,» teni ke mi yenma yendi ti pala nni, ki puni ti U Tienu kpiagidi yaa bandima yaadi n yendi Kilisiti nunga nni.

Efesa 1:18

N go miadi o ke wan yendi yi yantiana nuni ke yin fidi ki bandi yaa suginma n tuugi leni o yiinu, leni wan bili o nigagidiŋanba po yaa ŋalimani ke i pia ti kpiagidi.

Efesa 2:8

Li tie li ŋanbili-paabu yaa po ke yi tindi. Yi baa la kelima li *dandanli yaa po. Laa ñani yi yaa kani, li tie U Tienu paabu.

Mi Tiadima 4:19

Fangi mani yi yula ke yin da ti yaadi ki diidi tanpoli po, u yienu, o ŋmaalo, a ŋmabila leni tanpoli gola kuli, ke yin da ti kuani yi yama ke yi baa gbaani ki pugi ba. Kelima lani n tie Li Miali Diedo yi Tienu n boagidi ki puni yaa bonla ki tinga nibuoli kuli.

Filipi 1:29

Kelima U Tienu n tieni yipo yaa ŋanbili yeni, laa tie ke yin daani Kilisiti bebe ka, ama yin go yaa laadi opo fala moko.

1 Timote 6:16

Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua Ki kan fidi ki le o mo. Wani n pia yaa jigidi leni yaa paaciamu N ki pia gbenma hali yaa yogunu kuli. Amina!

Hebilunba 13:8

Jesu Kilisiti tie yenma wonli leni dinla leni yaa yogunu kuli.

Jaki 1:5

Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi kaa fu leni ba, o baa pa o ma.

Jaki 3:15

Laa yanfuoma buolu naa tie yaama n ñani tanpoli. Ama mi tie ŋanduna yaama, ki go tie ti gbanandi yaama ki ñani mu cicibiadimu kani.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, mi dingi, mi pia li yumiinli ki gbie leni mi niñingbadima, mi tiendi a tuonŋama, maa tiendi gagidima bi niba siiga, maa pia pala lie mo.

1 Jan 1:5

Tin den gbadi yaa maama o kani ki wangi yi tie Ke U Tienu tie mi yenma. Li *biigili naa ye o niinni baa waamu.

1 Jan 4:10

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i *candanbaani padili ti yaa *tuonbiadi po.

Mi Doagidima 21:23

U dogu yeni kaa bua yienu, u kaa bua ŋmaalo, kelima U Tienu kpiagidi baa yendi u, ki Pebiga moko tie u fidisanga.

Mi Doagidima 22:5

Ku ñiagu kan go yaa ye. O naacenba kan go bua fidisanga, bi kan bua yienu yenma mo kelima o Diedo U Tienu baa yendi bipo. Bi baa die hali yaa yogunu kuli.

1 Samueli 15:29

U Tienu yua n tie Isalele kpiagidi, kan pua faama, o kan lebidi o yama, kelima waa tie nisaalo ka ki baa lebidi o yama.»