Jaki 1:16 - Gourmanchéma Bible

¹⁶ N kpibuadiba, yin da boandi mani yi yula yaa maama n tie na po:

U TIENU MAAMA TILI 2013

¹⁶ N kpibuadiba, yin da boandi yi yula yaa maama n tie ne po:

Jaki 1:16 ပူးပေါင်းရင်းမြစ်များ

Matie 22:29

Jesu den goa ki yedi ba: «Yi tudi kelima yii bani i Diani, yii bani U Tienu paaciamu mo.

Marki 12:24

Jesu den goa ki yedi ba: «Yin kaa bani i Diani n yedi yaala, kaa go bani U Tienu paaciamu yeni, lani n teni ke yi ye mi tudima nni.

Marki 12:27

To, U Tienu naa tie kpiema Tienu ka, o tie yaaba n fo yaa Tienu yo. Yi tudi boncianla.»

Jesu Tondiba Tuona 1:15

Laa dana nni Pieli den fii ki sedi o kpiiba siiga, bani yaaba n den taani ki bua ki pundi niba kobiga n piilie ki yedi:

1 Korenti 6:9

Yii bani ke yaaba n ki tiegi kan ba biinu *U Tienu diema nni yoo? Yin da boandi yi yula. Yaaba n tiendi ti cagindi, leni i buli danba, leni mi conconma danba, leni yaaba n biidi bi yula, leni yaa jaba n taagi leni biyaba kuli,

Galati 6:7

Yin da boandi mani yi yula, oba kan ñuadi U Tienu. O nilo baa yendi wan buli yaala.

Filipi 2:12

Lanwani n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima ki yaa ye yi *tindima yema.

Filipi 4:1

Lanwani n kpiiba n buakaaba, min bua ki go le yaaba hali bonŋanla, yinba yaaba n tie n pamanli leni n kpiagidi, yin yaa se mani ke li pa o Diedo nni yinba n buakaaba.

Kolosi 2:4

N waani yi laa maama kuli ke oba kuli n da boandi yi ki tulini yi leni mi mamanma.

Kolosi 2:8

Yin fangi mani yi yula ki da tuo ke oba kuli n cuo yi yama leni o nisaalo yanfuoma yaama n ŋua bi nisaaliba bangima, yaama n tie fanma fanma ki tie boandi ki ŋua bi nisaaliba danbogida leni ŋanduna paaciami, ki naa ŋua Kilisiti.

2 Timote 2:18

Bi den yaadi ki ŋa i moamoani, ki yedi ke bi tinkpiba fiima pendi, ki guliti bi tianba dandanli.

Hebilunba 13:1

Suagi mani ki yaa pia mi buama yi kpiiba po.

Jaki 1:19

N kpibuadiba, yin bandi line: Li pundi nilo kuli n cengi tontoni, ki da maadi tonma, ki da bieni o pali tontoni mo.

Jaki 1:2

N kpiiba, yin yaa nua mani ke yaa biigima buoli kuli n cua yikani tie pamanli bonla.

Jaki 2:1

N kpiiba, yinba yaaba n daani ti Diedo Jesu Kilisiti yua n pia ti kpiagidi yeni, laa pundi yin yaa tiendi mi gagidima bi niba siiga.

Jaki 2:14

N kpiiba, o nilo yaa yedi ke o pia li dandanli ki naa pia a tuona, li pia be fuoma? Naani o dandanli yeni baa fidi ki tindi o bi?

Jaki 2:5

N kpibuadiba, cengi mani! Naani U Tienu ki gandi yaaba n tie luoda ŋanduna nuni po ke ban tua a piada li *dandanli nni, ki go baa wan niani ke o baa pa yaaba n bua o kuli yaa diema kaa?

Jaki 3:1

N kpiiba, yi siiga nni niba boncianla n da lingi ki baa tua bangikaaba, kelima yi bani ke U Tienu baa jia leni tinba bi bangikaaba yaa buudi n pa ki cie.

Jaki 3:10

Ti pagidi leni ti solindi kuli ña ñoayenbu nni. N kpiiba, laa pundi lan yaa tie yeni.

Jaki 4:11

N kpiiba, yin da maadi yiyaba po yaala n bia. Yua n maadi yaala n bia o kpiilo po, bi ki jia leni o ti buudi, o maadi yaala n bia li *balimaama po ki go ja ma ti buudi. Ama a yaa jia ti buudi leni li balimaama, ŋaa go tie li balimaama kubido ka, ama mi bujialo.

Jaki 5:12

N kpiiba, yaala n tugi mayuli tie line: Yin da poli leni tanpoli, bi leni ki tinga, baa leni poliba kuli. Ama yi yaa yedi: «Mm,» lan yaa tie, mm. Yi yaa yedi: «A-a,» mo, lan yaa tie, a-a, ke U Tienu n da ti jia leni yi ti buudi.

Jaki 5:19

N kpiiba, yi siiga niyendo yaa yaadi ki ŋa i moamoani, ke nitoa gobidi ki guani o lienni,