Jaki 1:10 - Gourmanchéma Bible

¹⁰ Yua n tie piado mo n yaa mangidi o pali leni U Tienu n jiini o maama, kelima o baa pendi nani ti muadi puuma yeni.

U TIENU MAAMA TILI 2013

¹⁰ Yua n tie piado mo, n yaa mangidi o pali leni U Tienu n jiini o maama, kelima o baa pendi nani ti muadi puuma yeni.

Jaki 1:10 ပူးပေါင်းရင်းမြစ်များ

Jobi 14:2

O yigidi nani mi puuma yeni ki go suodi O yen sane nani u soangu yeni, ki kan sedi.

Pisomi 102:11

A yua nni ki luni hali foagima Kelima a pabiencianli leni a pabiidili po.

Pisomi 103:15

O nisaalo miali dana tie nani ti muadi yeni O yen puudi nani i kuani nni puuma yeni.

Pisomi 37:2

Kelima bi baa jaligi ki mali nani ti muadi yeni. Bi baa jaligi ki waadi nani ti moasoangidi yeni.

Pisomi 39:6

Diidi, a teni ke n dana foagimu tie nubadiyaagu N miali dana foagimu mo ki da liba a nintuali. O nisaalo leni o paalu kuli tie fawaama bebe.

Esayi 40:6

U nialu yedi: «Kpaani!» Ke n mo goa ki buali: «N baa kpaani ki yedi be?» Ke u nialu yeni goa ki yedi: «Gbanandi kuli tie nani ti muadi yeni, Ti ŋamu mo naani leni i kuani nni yaa puuma yeni.

Esayi 40:7

Ti muadi kuodi mi puuma mo suodi, Li Miali Diedo faalu yaa figi yaa yogunu. Moamoani de! Bi nisaaliba tie nani ti muadi yeni.

Esayi 57:15

Kelima yua n ye hali Tanpojoma Wani yua n ye hali yaa yogunu kuli Ke o yeli mo gagidi ki ŋani yedi mine: «N ye mi gagidiŋanma nni leni yaa kaanu n kpedi ki cie yaa niinni. Ama n go ye leni ban mabindi yua Leni yua n ye leni li pabiidili, Ke min fidi ki baagi yaaba n ye li pabiidili nni Ki go faabi yaaba n laadi fala bi pala nni.

Esayi 66:2

N yaa nuu n tagi laa bonla kuli, Ke teni ke lani kuli ye. Li Miali Diedo n yedi yeni. Diidi n nuni n baa yaa maa yua yaa po Lani tie o niñinnilo yua n ye leni li paboanli Yua n yen gbadi n maama ki yaa digibi.

Matie 5:3

«Li pamanli ye leni yaaba n pia li yumiinli, kelima *tanpoli diema tie bi yaama.

Matie 6:30

U Tienu yaa bobindi yaa muadi n ye ku muagu nni dinla, ke bi baa fa ki taa ti ki cuoni mi fantama u fanu nni, laa pia kuli tama ke o baa yieni yi mo, yinba yaaba yaa *dandanli n ki fuu, bi yeni kaa?

1 Korenti 7:31

Yaaba n pia i ŋantaadi leni ŋanduna bonla n yaa ye nani laa bonla ki tie bipo tiladi, kelima ŋanduna yua n ye moala na pendi ki baa juodi.

Filipi 3:8

Moko, n nua li bonla kuli ke li tie nani li bonbodikaala yeni. Yaala n tie npo li bonmoanla tie: Ki bandi Jesu Kilisiti n Diedo. Kelima wani yaa po ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti.

1 Timote 6:17

Ŋan tundi yaaba n tie a piada ŋanduna na niinni ke ban da pia ti japaadi, ki da piani bi yula bi piama po, yaama n naa pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala lipo.

Jaki 4:14

Yinba yaaba n ki bani yi miali yema n baa tua maama saala. Yi tie nani ku gbangbadigu yeni, yaagu n ye u yogunu waamu po, ama ki baa yuandi ki bodi.

1 Pieri 1:24

Kelima li diani: «Bi nisaaliba kuli tie nani ti muadi yeni, Bi kpiagidi kuli moko tie nani ti muadi puuma yeni. Ti muadi kuodi ke ti puuma mo suodi,

1 Jan 2:17

Ŋanduna pendi, o bonbuakaala moko pendi, ama yua n tiendi U Tienu yanbuama baa ye hali yaa yogunu kuli.