Hebilunba 4:3 - Gourmanchéma Bible

³ Tinba yaaba n daani yaa po, ti kua laa fuodima nni, wan yedi yaama yaa po: «N poli n pabienli nni ki yedi: ‹Bi kan kua N fuodima nni hali abada.› » O den yedi yeni baa ke o tuona kuli den soani ki gbeni hali ŋanduna tagima yogunu.

U TIENU MAAMA TILI 2013

³ Tinba yaaba n daani yaa po, ti kua laa fuodima nni, wan yedi yaama yaa po: «N poli n pabienli nni ki yedi: ‹Bi kan kua n fuodima nni abada.› » O den yedi yeni ba ke o tuona kuli den soani ki gbeni, hali ŋanduna tagima yogunu.

Hebilunba 4:3 ပူးပေါင်းရင်းမြစ်များ

Mi cilima 1:31

Li den tua yeni. U Tienu den laa wan den tagi yaala kuli ke li ŋani hali boncianla. Ku yenjuogu leni ku tiŋaagu den ye lani n den tua li daluobili.

Pisomi 95:11

Li tie lani yaa po ke n den poli n pabienli nni ki yedi: «Bi kan kua n fuodima nni.»

Mi Ñama 20:11

Kelima dana luoba yaa niinni Li Miali Diedo den tagi tanpoli leni ki tinga mi ñincianma leni yaala n ye mi niinni kuli ki den fuodi li daleleeli. Li tie lani yaa poe ke Li Miali Diedo den seligi mi fuodima daali ki gagidi li.

Esayi 28:12

O den yedi ba: «No mani mi fuodima nne, Cedi mani yua coagi n fuodi. Mi fuodima nne.» Ama bi naa tuo ki cengi.

Jeremi 6:16

Li Miali Diedo yedi nanda: «Sedi mani i sani nni ki diidi bonŋanla. Buali mani u yogu nni sani n ye naani. U sanŋamu ye le yo? Tagini mani wuni yaa niinni, Ki baa mani yi yula po mi fuodima Ama bi goa ki yedi: ‹Ti kan tagi u niinni ba!›

Esekieli 20:38

N baa ñani yi siiga yaaba n den fiini npo mi yiema, ki naa den tuo n maama yeni. N baa ñani ba ban ye yaa diema nni. Ama bi kan go guani Isalele diema nni. Lanwani yi baa bandi ke n tie Li Miali Diedo.»

Matie 13:35

O den tieni yeni ke o sawalipualo n den maadi yaa maama na n tieni: «N baa yaadi ki maadi leni ba mi kpanjama nni, N baa doagidi yaa bonla n wuo hali ŋanduna tagima yogunu.»

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba, ga mani wan den ŋanbi yipo yaa diema hali ŋanduna cilima.

Efesa 1:4

U Tienu den tuodi ki gandi ti Kilisiti nni hali ke ŋanduna daa den tagi, ke tin yaa tie yaaba n gagidi ki ŋani, kaa pia tagiliba kuli o nintuali. O buama yaa po,

Hebilunba 3:11

Li tie lani yaa po ke n den poli N pabienli nni ki yedi: ‹Bi kan kua n fuodima nni.› »

Hebilunba 3:14

Kelima ti taa leni Kilisiti ki tie yenma leni o li yaa tie ke ti kubi tin den kpa pia yaa dugidi hali mi juodima.

Hebilunba 9:26

Li yaa den tie yeni, Kilisiti den baa cili ŋanduna tagima yogunu ki yaa laadi fala. Ama moala ŋanduna juodima yogunu, o cua ki padi o yuli yenma u yogunu kuli po, ki bolini ti tuonbiadi.

1 Pieri 1:20

U Tienu den tuodi ki gandi wani Kilisiti lankuli po hali ke ŋanduna daa tagi, ki doagidi o ŋanduna juodima yogunu yinba yaa po.