Filipi 4:8 - Gourmanchéma Bible

⁸ N kpiiba, yaa maama n sieni tie mine: yin yaa tia mani yaala n tie moamoani kuli, leni yaala n pia ti jigidi kuli, leni yaala n tiegi kuli, leni yaala n ŋani kuli, leni bi niba n baa bua yaala ki faadi la kuli, leni yaala n pia siediŋamo, leni yaala n pia ti bulicindi ki pundi bi niba n pagi la kuli.

U TIENU MAAMA TILI 2013

⁸ N kpiiba, yaa maama n sieni tie mine: yin yaa tia yaala n tie moamoani, yaala n pia ti jigidi, yaala n tiegi, yaala n ŋani, bi niba n bua yaala ki faadi la kuli, yaala n pia o siediŋamo leni ti bulicindi, ki pundi bi niba n pagi la kuli. Yaa tia mani lankuli yaa po!

Filipi 4:8 ပူးပေါင်းရင်းမြစ်များ

Mi cilima 18:19

N den gandi wani ke wan bili li ñoabonli o bijaba po leni o diegu yaaba po, yaaba n baa ŋua o puoli ke baa kubi Li Miali Diedo yaa sanu ki go tieni yaala n tiegi ki yaa kubi mi *teginma. Li tie lani yaa po ke Li Miali Diedo baa tieni Abalahama po wan den niani o yaala kuli.»

2 Samueli 1:23

Sayula leni Jonatan den bua biyaba bi miali dana kuli. Baa mi kuuma nni baa paadi leni biyaba. Bi den jaligi ki cie jiebaninba, Bi fidu den cie i yangbanli yu.

2 Samueli 23:3

Isalele Tienu maadi, Wani Isalele yaaba tanciangu yedi nni mine: ‹Yua n die bi niba leni mi *teginma, Yua n die leni U Tienu fangili

Pisomi 82:2

«Hali u laa yogunu yo Ke yi baa yaa ja yaa buudi n ki tiegi Ki saagi i tagili danba po moamoani? *Joma

Mi Kpanjama 11:1

Li Miali Diedo nani yaa *bonbiigikaala n ki tiegi, Ama o pali mani yaa bonbiigikaala n tiegi po.

Mi Kpanjama 12:4

O pomoano tie o calo kpiagidi, Ama yaa pua n tie o calo po fe tie nani yaa yianu n di a kpaba yene opo.

Mi Kpanjama 16:11

Li Miali Diedo n die yaa *bonbiigikaala n tiegi, Li bonbiigikaala kuli ye o yaa nuu nne.

Mi Kpanjama 20:7

O niteginka cuoni o *teginma nni, Li pamanli faadi ki ye o bijaba po!

Mi Kpanjama 31:10

Ŋme n baa baa o pomoano? O pia mayuli ki cie i lanmoani boncianla.

Mi Kpanjama 31:29

«Bi jafanba boncianla pia u tagiŋamu, Ama fini, a cie bikuli!»

Mi Kpanjama 31:31

Teni o mani o tuonli panpaani O tuona mo n pagi o o dogu nni kuli.

I Yani 5:16

O maama dingi, O gbanandi kuli mo pia mi ñuadima Yinba Jelusalema Jafanba N ŋamo n tie maama n yeni. N yegininlielo yeni tie yene.

Esayi 26:7

O niteginka sanu n tie mi *teginma. Fini yua n tiegi yeni a ŋanbidi O niteginka sanu.

Matie 22:16

Bi den soani o kani bi ŋoadikaaba leni o bado *Elodo yaa buakaaba ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po.

Marki 6:20

kelima wani Elodo den fangi Jan, ki kubi o ke liba n da tieni o, kelima o den bani ke Jan tie yaa nilo n tiegi ki go tie nigagidika. O yaa den gba Jan tundi yaa yogunu, o yama den yen lengidi, ama baa yeni o den cengi o maama leni li pamanli.

Luki 16:15

O den yedi ba: «Yinba yi moandi ke bi niba n yaa nua ke yi tiegi, ama U Tienu wani n bani yi pala. Bi niba n nua ke yaala n pia ti kpiagidi yeni tie caginde U Tienu po.

Luki 2:25

Li yogunu o ja den ye Jelusalema ke bi yi o Simeyono. O den tie niteginka ki go fangi U Tienu, ki gu yua n baa baagi Isalele buolu yaaba. U Tienu Fuoma Yua den ye leni o.

Luki 23:50

Jufinba cancannikpeliba taancianli yaaba siiga yendo den ye ke bi yi o Josefi, yaa nilo n ŋani ki tiegi, ki tie Jufinba dogu Alimate yua. O den gu ke *U Tienu diema n pundi. Waa den taani leni o lieba bi jagili nni, leni ban den tieni yaala kuli nni.

Jan n diani U Tienu Laabaaliŋamo maama 7:18

Yua n maadi o yuli po lingi o yuli po ti kpiagidi. Ama yua n lingi yua n soani o yaa kpiagidi tie moamoandaano, waa pia boandiba.

Jesu Tondiba Tuona 10:22

Bi den yedi o: «A minteela kobiga yudaano Koneya n soani ti a kani. O tie niteginka ki go fangi U Tienu. Jufinba nibuolu yaaba kuli tieni opo yaa siedi n ŋani. U Tienu soani maleki o kani ki waani o ke wan yini a ŋan cua o denpo, wan gbadi ŋan baa yedi yaala.»

Jesu Tondiba Tuona 22:12

O ja den ye Damasa ki yi Ananiasa. O den ŋua U Tienu ki fangi o ki kubi o balimaama. Yaa Jufinba n ye Damasa kuli den tiendi opo o siediŋamo.

Jesu Tondiba Tuona 6:3

Lani yaa po, ti kpiiba, yin gandi yi siiga niba lele, bi niba n tiendi yaaba yaa po o siediŋamo, yaaba n gbie leni o U Tienu Fuoma, leni mi yanfuoma mo. Ti baa puogi ba laa tuonli,

LOMA YAABA 13:13

Tin yaa tiendi mani yaala n dagidi nani bi niba n tiendi yaala u yensiinu, ki da tuo mi jiema n diedi ti yantiana, ki foagidi leni li dañoli, leni mi *conconma leni ti cagindi, leni mi niama leni li nunponli.

LOMA YAABA 13:3

Yua n tiendi yaala n tiegi kan yaa jie mi diema bali danba, se yua n tiendi yaala n bia. A bua ki da jie li bali daano bi? Yaa tiendi yaala n tiegi, yeni, o baa pagi a.

LOMA YAABA 14:18

Yua n tuuni Kilisiti po yeni, U Tienu pali baa mani leni o, bi nisaaliba mo baa saa opo i moamoani.

LOMA YAABA 2:29

Yua n tie Jufi moamoani, tie yua n tie yeni hali o pali tugu nni. Ku koanciagu moko ;nua U Tienu Fuoma n tieni yaala o nilo pali nni, ke laa ;nua li bali maama ka. Yua n tie yeni naa baadi ti pagidi bi niba kani ka, ama U Tienu kani.

1 Korenti 4:5

Lani yaa po yin da ja ti buudi liba kuli po hali ke li yogunu daa pundi. Yaa gu mani o Diedo cuama, wani yua n baa yendi yaala n wuo li*biigili nni, ki go doagidi yaala n den wuo a pala nni. Laa yogunu nilo kuli baa baa U Tienu kani lan pundi wan baa yaa pagidi.

2 Korenti 13:7

Tin miadi U Tienu yaala tie ke yin da tiendi yaala n bia baa waamu. Laa tie ti bua ki yaa tie nani ban biigi ki pagi yaaba ka, ama ti bua ke yin yaa tiendi yaala n tiegi, baa li yaa naani ke bi biigi ti ki sua ke ti poadi.

2 Korenti 6:8

Ti go moandi ki pia laa siediŋamo ban kpiagidi ti leni ban fiagidi ti yaa yogunu kuli, ban pagi ti leni ban yuandi ti kuli. Bi nua ke ti tie boandi danba, baa ke ti tie moamoandanba.

2 Korenti 8:18

Ti soani o leni ti kpiilo yua yaa pagidi n yadi Kilisiti n yini yaaba siiga kelima o tuonli o Laabaaliŋamo po.

2 Korenti 8:21

Kelima tii lingi yaala n ŋani o Diedo nintuali bebe ka, ti lingi la bi nisaaliba moko yaa nuni po moko.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima, leni li yukubili.

Efesa 4:25

Lani yaa po yin cedi mani mi faama, yi siiga yua kuli n yaa maadi o nisaalilielo i moamoani kelima tikuli tie gbananyendi yaaba.

Efesa 5:9

Kelima mi yenma n baa luoni yaa bonluonkaala tie li *ŋanbili leni mi teginma leni i moamoani.

Efesa 6:14

Lanwani yin bogini mani ki yaa se ke li pa. Yin yaa ñaagi i moamoani nani ku gbanñagidigu yeni. Yin yaa laa yaa kuliadili n tie mi *teginma.

Mi Tiadima 16:20

Yi baa ŋoadi mi *teginma cap cap, ke yin yaa ye ki kua ki diedi Li Miali Diedo yi Tienu n puni yi yaa diema nni yeni.

Filipi 3:1

N kpiiba, n majuodikaama tie mine: Yin yaa mangidi mani yi pala o Diedo nni. Laa coagini nni min go diani yipo yeni ki pugini, li go baa teni yin yaa se ke li pa.

Kolosi 4:5

Yin yaa ye leni yaaba n kaa daani leni mi yanfuoma, ki da tuo yin ye leni ba yaa yogunu n bia fanma.

1 Tesaloniki 4:12

Yin yaa tiendi yeni ke yaaba n kaa daani n yaa nua yi ke yi tie nimoanba ki jigindi yi, ke yin da dugi nitoa todima po.

1 Timote 2:2

leni bi badiba leni bi yudanba kuli po, ke tin baa ki yaa ye leni mi yanduanma leni mi yansoangima, ki ŋua U Tienu ke li dagidi ki go tiegi.

1 Timote 3:11

Bi puoba moko n yaa tie bi niba n jigindi yaaba, ki da tie tingbangbaaba, ki yaa kubi bi yula, ki tie bi niba n fidi ki dugi yaaba po li bonla kuli nni.

1 Timote 3:4

Ama wan yaa tie yua n gobidi o diegu bonŋanla, o bila mo n tuo o maama bonŋanla ki yaa fangi o.

1 Timote 4:12

Ŋan da tuo ke niloba kuli n fali a kelima a tie jawaalo. Ama ŋan tua li bontogidikaala bi nidugikaaba po a maama nni, a tagu nni, a buama nni, a dandanli nni leni a yantugupiengu nni kuli.

1 Timote 5:10

ki tie bi niba n pagi yua o tuonŋama po, ki go tie yua n den wubi a bila, ki gaani bi canba cangu leni mi buama, ki nigidi bi*nigagidiŋanba taana, ki todi yaaba n ye leni fala, ki tieni a tuonŋama buoli kuli.

1 Timote 5:2

ki tundi a pociana nani bi tie a naanba yeni, bi jafanba mo nani bi tie a naataanpola yeni leni ku yantugupiengu kuli.

Titi 1:8

Wan yaa tie yua n gaani bi niba cangu, ki bua yaala n ŋani, ki yaa pia li kpaagili, ki tiegi, ki gagidi U Tienu po, ki kubi o yuli.

Titi 2:14

O den puni o yuli ki kpe tipo ke wan da ki faabi ti leni mi biadima kuli, ki ŋuudi ki ŋanbi ti tin tua wani n die yaaba, yaaba n baa pia li yankuali a tuonŋama po.

Titi 2:2

Ŋan yaa wangi a jakpela ke ban yaa kubi bi yula, ki yaa tie bi niba n jigindi yaaba, ki pia li yantiaŋanli, ki se ke li ŋani li*dandanli nni leni mi buama leni li juunli nni.

Titi 2:7

Ŋan tua bipo li bontogidikaala a tuonŋama nni. Ŋan yaa bangi yaa bangima n ŋani ki go pundi.

Titi 3:14

Li tie tiladi ke ti yaa yaaba moko n bandi ki yaa tiendi ania a tuonŋama tienma po, ke ban fidi ki yaa baadi yaala n tie bipo tiladi, ke bani biba n da tie nani yaa tibu n kaa luoni yeni.

Hebilunba 11:2

Li tie kelima li dandanli yaa po ke U Tienu den tieni bi nikpiaba po o siediŋamo.

Hebilunba 13:18

Yaa jaandi mani tipo. Kelima ti bani cain ke ti pala siedi ŋani ki go bua ti tagi n yaa tiegi li bonla kuli nni.

Jaki 1:27

Yaa jaanma n ŋani cain ki naa pia joagindi ti Baa U Tienu nintuali tie, ki yaa todi a kpienbila leni a kpepuona bi fala nni, ki go kubi o yuli leni ŋanduna joagindi.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, mi dingi, mi pia li yumiinli ki gbie leni mi niñingbadima, mi tiendi a tuonŋama, maa tiendi gagidima bi niba siiga, maa pia pala lie mo.

1 Pieri 1:22

Moala yi ŋanbi yi yula leni yin ŋua i moamoani ke yin fidi ki yaa pia yaa buama n kaa pia tuonanma yi kpiiba po. Lanwani yin yaa bua mani yiyaba hali boncianla leni yi pala kuli.

1 Pieri 2:12

Yin yaa pia mani u tagiŋamu bi *nilanba siiga. Lanwani, baa bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 4:8

Yaala n cie likuli tie ke yin yaa bua mani yiyaba leni yi pala kuli, kelima mi buama doagini ti tuonbiadi boncianla.

2 Pieri 3:1

N buakaaba, line n tie min diani yipo yaa tilieli. A tilieda yeni kuli nni n moandi ki tiadi yi yaala n baa tigini yi yantiana yin yaa tia yaala n tiegi bonŋanla.

1 Jan 3:18

N bibuadimu, tin da pia mani mi buama tiyaba po leni mi maama bebe, ama tin yaa pia a tuona po leni i moamoani nni.

1 Jan 3:3

Yua n pia laa suginma kuli baa ŋanbidi o yuli, nani wani o Diedo n ŋani maama yeni.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi sawalipua-faadanba boncianla yayadi ŋanduna nni.

Ruti 3:11

Moala ŋan da go jie liba kuli. N baa tieni apo ŋan yedi yaala kuli, kelima u dogu yaaba kuli bani ke a tie pomoano.