Filipi 4:7 - Gourmanchéma Bible

⁷ Lanwani U Tienu yaa yanduanma, yaama n pendi o nisaalo bandima kuli, baa guudi yi pala leni yi yantiana kuli Jesu Kilisiti nni.

U TIENU MAAMA TILI 2013

⁷ Lanwani, U Tienu yaa yanduanma, yaama n pendi o nisaalo bandima kuli, baa guudi yi pala leni yi yantiana kuli Jesu Kilisiti nni.

Filipi 4:7 ပူးပေါင်းရင်းမြစ်များ

Nehemi 8:10

Bi go den yedi ba: «Kuni mani ki ban ŋmani yaa nandi n pia mi kpama, ki ño yaa bonñokaala n mani, ki boagidi mi jiema ki teni yaaba n kaa pia, kelima dinla tie yaa daali n gagidi ti Diedo po. Da boandi mani yi pala kelima Li Miali Diedo n puuni yaa pamanli tie yi fidu.»

Jobi 22:21

Fini, goa ki mangi leni U Tienu Lani n tie ŋan baa mi yanduanma, A yema n mo goa ki mangi apo.

Jobi 34:29

U Tienu yaa puni nibuoluba bi diemaba mi yanduanma, Ŋme nan baa fidi ki jaligi o lipo? O yaa buli o nunga, ŋme n baa fidi ki diidi o?

Pisomi 29:11

Li Miali Diedo baa pa o niba u paalu Li Miali Diedo baa seligi o niba ki pa ba mi yanduanma.

Pisomi 85:8

Li Miali Diedo, teni tin le a ŋanma! Ŋan pa ti a faabima.

Mi Kpanjama 2:11

Li kpaagili baa yaa guu ŋa, Mi yanfuoma baa yaa kubi a.

Mi Kpanjama 4:6

Ŋan da ŋa mi yanfuoma lanwani mi baa todi a. Bua ma, mi baa guudi a.

Mi Kpanjama 6:22

Bi tundi yeni baa yaa gobidi a a cenli nni, i baa yaa kubi a a guama nni, ki tundi a a fundima yogunu.

Esayi 26:12

Li Miali Diedo, a tieni a yanduanma ti niinni, Kelima tin tiendi yaala kuli Fini n tiendi la tipo.

Esayi 26:3

Yua n se bonŋanla o yanjaga nni, A puuni o mi yanduanma, A puuni o mi yanduanma kelima o dugi apo.

Esayi 45:7

N tagi mi yenma Ki go tagi li *biigili. N puuni mi yanduanma Ki go kpendinni mi yebiadima. Mini Li Miali Diedo n tiendi laa bonla kuli.

Esayi 48:18

Li yaa bi tie ke yi den cengi n ñoabona yo, Yi yanduanma bi baa tie nani u kpenciamu yeni. Yi *teginma mo n yaa bi tie nani mi ñincianma ñingbanu yeni.

Esayi 48:22

Li Miali Diedo yedi Ke yanduanma ki ye bi nibiadiba po.

Jeremi 32:16

Min den teni Baluki Neliya bijua mi kuadima ŋantaaditili, n den jaandi ki mia Li Miali Diedo ki yedi:

Jeremi 33:6

Diidi mani n baa paagi u dogu yeni cain. N baa paagi u niba mo. N baa pa ba laafia leni mi yanduanma.

Mi Coadima 6:26

Li Miali Diedo n nuali yi leni mi buama ki pa yi mi yanduanma!›

Luki 1:79

Ki baa yendi yaaba n ye li *biigili nni Leni mi kuuma jinjingu nni po, Ki gobidi ti ke tin kua ki yaa cuoni Mi yanduanma sanu nni.»

Luki 2:14

«U Tienu n baa ti kpiagidi hali tanpojoma, Yaa niba n mangi o pali ki tinga nni N yaa pia mi yanduanma.»

Jan n diani U Tienu Laabaaliŋamo maama 14:27

N ŋa yipo mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi mani yi yama, yin da jie mani.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni yi baa le o falabiado, ama yin paagi mani yi pala. Mini, n paadi ŋanduna.»

LOMA YAABA 1:7

N diani yipo, yinba yaaba n ye Loma ki tie U Tienu buakaaba kuli, wan yini yinba yaaba ke yi gagidi opo. Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.

LOMA YAABA 14:17

Kelima *U Tienu diema naa tie mi jiema leni li bonñokaala bebe ka. Ama, mi *teginma, mi yanduanma, leni li pamanli, U Tienu Fuoma Yua n teni ke ti pia yaala.

LOMA YAABA 15:13

Mi suginma Tienu n gbieni yi pala leni li pamanli leni mi yanduanma li *dandanli nni. U Tienu Fuoma Yua paaciamu n teni yin yaa pia mi suginma ki pugidipugidi.

LOMA YAABA 5:1

Lanwani, tin baa li *moamoansaali kelima li *dandanli yaa po yeni, ti pia mi yanduanma leni U Tienu kelima ti Diedo Jesu Kilisiti yaa po.

LOMA YAABA 8:6

Yua kuandi o yama ti gbanandi n bua yaala yaa niinni, li baa gedini o mi kuuma po. Ama yua n kuandi o yama U Tienu Fuoma n bua yaala yaa niinni, li baa gobidi ki gedini o li miali leni mi yanduanma kuli po.

2 Korenti 10:5

Ti guli yanmaalima buoli kuli leni ti yantia-japaadi yaala n fii ki yie U Tienu bandima po kuli. Ti go cuo ki dadi a yantiana kuli ke ŋan tuo ki yaa ŋua Kilisiti.

2 Korenti 13:11

N kpiiba, n majuodikaama tie mine: Yin yaa mangidi mani yi pala. Moandi mani ki ŋanbi ki dagidi cain, baagi mani yiyaba, ki yaa pia mani yantiayenli, ki yaa mani leni yiyaba. Lanwani mi buama leni mi yanduanma Tienu baa ye leni yi.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima, leni li yukubili.

Efesa 3:19

ke yin bandi laa buama, yaama n yaba ki pendi tin baa fidi ki bandi yaala, hali ke U Tienu yedagidikaama n gbie yi pala nni.

Filipi 1:1

Mini Polo leni Timote, Jesu Kilisiti yaa naacenba, n diani yipo li tili, yinba yaaba n tie bi *nigagidiŋanba Jesu Kilisiti nni ki ye Filipa dogu nni, leni yi nitaanli yudanba leni yi todikaaba kuli.

Filipi 1:2

Ti Baa U Tienu leni o Diedo Jesu Kilisiti n pa yi li *ŋanbili leni mi yanduanma.

Filipi 4:19

N Tienu baa pa yi yin luo yaala kuli, nani o ŋalimano kpiagidi n tie maama Jesu Kilisiti nni.

Filipi 4:21

Fuondi mani bi *nigagidiŋanba Jesu Kilisiti nni.

Filipi 4:9

Yin go yaa tiendi mani min den bangi ki tundi yi yaala, yin den gbadi ke n yedi yaala ki go laa ke n tiendi yaala. Lanwani mi yanduanma Tienu baa ye leni yi.

Kolosi 3:15

Kilisiti yanduanma n yaa die yi pala nni wan den yini yaa yanduanma po ke yin tua gbananyendi o yaa niinni yeni.

2 Tesaloniki 3:16

Mi yanduanma Diedo, wani oba n yaa puuni yi mi yanduanma u yogunu kuli yi yema buoli kuli nni. Wani o Diedo n yaa ye leni yikuli.

Hebilunba 13:20

Mi yanduanma Tienu yua n den fiini ti Diedo Jesu bi tinkpiba siiga, wani yua n tie i pe yankpaaciamo, kelima o soama yaama n kuani yaa *ŋantaado n baa ye hali yaa yogunu kuli po,

Jude 1:1

Mini Juda, yua n tie Jesu Kilisiti naacemo ki go tie Jaka waalo, n diani li tili yipo, yinba U Tienu yua n tie Baa n yini yaaba ki go bua yaaba, ki kubi yaaba Jesu Kilisiti po.

Mi Doagidima 1:4

Mini Jan n diani li naa tili Kilisiti n yini yaaba nitaanleleeda ya n ye Asi diema nni po. U Tienu yua n den kpa ye, ki ye moala, ki go baa ti cua, leni o fuoma yaaba lele yaaba n ye u bali kalikaanu nintuali,

Mi Doagidima 2:17

Yua n pia a tuba, wan cengi mi Fuoma n tua Kilisiti n yini yaaba nitaana yaala. Yua n koani mi jama ki paadi, n baa pa o yaa *mana n den wuo, ki go pa o li tanpienli, ban diani li yepanli yaali po, oba kuli n ki bani yaali se yua n baa li bebe.› »