Filipi 3:9 - Gourmanchéma Bible

⁹ Mii go pia n yuli po yaa *moamoansaali n ñani li balimaama kubima nni, ama yaali n baadi kelima li *dandanli Kilisiti nni yaa po. Li tie yaa moamoansaali n ñani U Tienu kani ki ŋua leni li dandanli.

U TIENU MAAMA TILI 2013

⁹ Mii go pia n yuli po yaa moamoansaali n ñani li bali maama kubima nni, ama yaali n baadi, kelima li dandanli Kilisiti nni yaa po. Li tie yaa moamoansaali n ñani U Tienu kani, ki ŋua leni li dandanli.

Filipi 3:9 ပူးပေါင်းရင်းမြစ်များ

Mi cilima 7:23

U Tienu den bolini yaala n ye ki tinga nni ki fo ki cili bi niba ki yaa caa hali ti yandi leni li bonbalinkaala, leni tanpoli bonyugiditi bikuli den bodi ki tinga nni cain. Nowe leni yaaba n den ye leni o ku ñinbiagu nni yaaka, laa den sieni niloba kuli goga.

1 Bi Badiba 8:46

Li yaa tie ke Isalele yaaba yeni ti tudi apo, kelima niloba ki ye ki kan tudi, li yaa tie ke a pali fii bipo ke a teni ba bi yibalinba, li yaa tie ke yibalinba yeni cuo ki gedini ba ti yonbidi yaa diema n ku bi yaa diema n foagi leni ne yaa niini,

2 Bi Badiba Jama 32:25

Esekiasi naa den guani U Tienu po o *ŋanbili, ama ki den fiini ti japaadi ke Li Miali Diedo pali den beni wani leni Jelusalema yaaba kuli po.

2 Bi Badiba Jama 32:31

Li tie lani yaa po ke Babilona badibaanba n den soani o kani a tonda ke ban bandi yaa bancianma n den tieni o diema nni, U Tienu den ŋa o ki biigi o ki bandi yaala n den ye o pali nni.

Pisomi 14:3

Bikuli yaadi, Bikuli biidi bi yula. Yua n tiendi yaala n ŋani naa ye, Baa niyendo!

Pisomi 143:2

Da bu leni mini a naacemo ti buudi, Kelima nisaalimialiba kuli ki tiegi a nintuali.

Pisomi 19:12

A naacemo baa u fanu, Li ñuadi yaba yua tuo ki ŋoadi mi yedima po.

O Yanfuodaano 7:20

Moamoani de, ki tinga nni ki pia yaa nilo n tiegi ki tiendi yaala n ŋani ki kan tudi.

Esayi 46:13

N teni ke n teginma nagini. Maa go ye foagima. Li kan go waagi ke n *faabima baa cua. N baa kuani ma Siyono nni Ki pa Isalele yaaba n jigidi.

Esayi 53:11

Wan laa yaa fala lipo yeni, O baa le li ñuadi Leni ban baa bandi o maama po Wani n naacemo yua n tiegi yeni baa saa niba boncianla po moamoani Ki taa bi tagili ki tugi.

Esayi 53:6

Tikuli den yaadi nani i pe yeni. Yua kuli den tagi wan bua yaa sanu. Ama Li Miali Diedo den tuni wani ti yaa tagili kuli.

Esayi 6:5

N den yedi: «Ŋain, n bia n yeni! Kelima n tie yua yaa ñoacuuna n *joagini, ke n go ye yaa nibuolu yaaba yaa ñoacuuna n joagini siiga. N nuni mo laa o Bado Li Miali Diedo U Paaciamu Kuli Daano.»

Jeremi 23:6

O jama nni Juda diema baa baa mi *faabima Isalele diema baa yaa ye leni mi yanduanma. Diidi ban baa yini o maama: ‹Li Miali Diedo n tie ti *teginma.›

Jeremi 33:16

Laa yogunu Juda baa baa mi *faabima, Jelusalema baa yaa pia mi yanduanma. Diidi mani ban baa yaa yi Jelusalema maama: “Li Miali Diedo ti teginma.”

Danieli 9:24

Li bili bina lele taalima piilele a nibuolu leni a dogagidiko po. Laa yogunu bili ke mi yiema n gbeni, ke mi tudima n baa u bianu, ke ti tuonbiadi n baa sugili, ke yaa teginma n baa yaa ye hali yaa yogunu kuli n doagidi, ke li bonlekaala leni U Tienu sawalipuaba n den soagini yaala kuli n tieni, ke u *kaangagidiŋanmoanu mo n go gagidi.

Matie 9:13

Gedi mani ki ban bandi yaa maama n tie na bundima: ‹Mi niñingbadima n mani npo, laa tie a pada ka.› Mii cua ki baa yini yaaba n tiegi ka, ama ti tuonbiadi danba.»

LOMA YAABA 1:17

O Laabaaliŋamo yeni doagidi U Tienu n saa bi nisaaliba po i moamoani ke bi tiegi maama kelima li dandanli yaa po, leni li dandanli bebe yaa po, nani lan diani maama: «O niteginka baa ye kelima o dandanli yaa po.»

LOMA YAABA 10:10

Kelima li tie li dandanli a pali nni n baa teni ŋan baa li moamoansaali. A ñoabu tuoma bi niba nintuali mo n baa teni ŋan baa mi *tindima.

LOMA YAABA 16:7

Yin fuondi mani n kpiiba Andonikusa leni Juniasa, mini leni yaaba n den taani ki ye li kpaadidieli nni. Jesu tondiba siiga bi tie ban jigindi yaaba boncianla. Bi den daani Kilisiti hali ke mini daa daani o.

LOMA YAABA 5:21

Lanwani, nani ti tuonbiadi n den die bi niba ki teni ke bi ku maama, li go tie yeni, U Tienu ŋanbili mo die bi niba kelima wani U Tienu puni baa li moamoansaali, ki caani ba yaa miali n kan gbeni po kelima ti Diedo Jesu Kilisiti yaa po.

LOMA YAABA 8:1

Lanwani moala buudi cuonuba ki go ye yaaba n ye Jesu Kilisiti nni po.

LOMA YAABA 8:3

Li *bali maama n kaa den fidi ki tieni yaala kelima ti gbanandi tadingu po, U Tienu den tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie tipo mi yanfuoma, leni mi *teginma, leni mi gagidiŋanma, leni mi *daafaabima.

2 Korenti 5:17

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba yaa po, ke timo n baa o yaa niinni U Tienu*moamoansaali.

Galati 2:16

Ti bandi ke o nilo kan baa li *moamoansaali kelima U Tienu balimaama kubima yaa po. Ama o baa baa li kelima li *dandanli Jesu Kilisiti nni yaa po. Ti moko ti daani, ke tin baa li moamoansaali kelima ti dandanli Kilisiti nni yaa po ke laa ŋua leni li balimaama kubima. Kelima niloba kuli kan baa li moamoansaali kelima li balimaama yaa po.

Mi Tiadima 27:26

‹Ti solindi n baa yua n naa kubi ki go tieni laa bali maama n yedi yaala!› Lani bi niba kuli baa taani ki ga: ‹Amina!›

Filipi 3:6

Yaala n tie n yankuali po, n den wangi Kilisiti nitaanli fala. Yaala n tie yaa*teginma n ŋua li balimaama kubima po, bi kan den fidi ki kuli nni leni liba kuli.

2 Timote 1:9

O den faabi ti ki yini ti yaa yiinu n gagidi. Waa den tieni yeni kelima ti tuonŋama po ka, li tie kelima o yanjagili leni o ŋanbili po, wan den tieni tipo yaala Jesu Kilisiti nni hali ke ŋanduna daa tagi.

Titi 3:5

o den faabi ti. Laa tie kelima ti den tieni yaa tuona n tiegi ka, ama li tie o niñingbadima yaa po. O den faabi ti kelima yaa maaliema yaa *batisima leni U Tienu Fuoma Yua n goa pandi ti maama yaa po.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa opo ki cuo wan bili tipo yaa suginma ki muubi.

Jaki 3:2

Tikuli tudi yaa tudima buoli n yaba. O nilo yaa tudi o maama nni baa waamu, o tie yaa nilo n ŋani ki dagidi cain ki fidi ki paani o gbanandi kuli.

2 Pieri 1:1

Mini Simono Pieli, Jesu Kilisiti naacemo leni o tondo, n diani li tili yipo, yinba yaaba n taa leni ti ki baa yaa *dandanli n tie bonmoanla, kelima ti Tienu leni Jesu Kilisiti ti Candaano *teginma po.

1 Jan 3:4

Yua n tieni ti *tuonbiadi kuli miidi U Tienu *bali maama. Ti tuonbiadi tie li bali maama yaa miidima.