Filipi 3:6 - Gourmanchéma Bible

⁶ Yaala n tie n yankuali po, n den wangi Kilisiti nitaanli fala. Yaala n tie yaa*teginma n ŋua li balimaama kubima po, bi kan den fidi ki kuli nni leni liba kuli.

U TIENU MAAMA TILI 2013

⁶ Yaala n tie n yankuali po, n den wangi Kilisiti Nitaanli fala. Yaala n tie yaa teginma n ŋua li bali maama kubima po, bi kan den fidi ki kuli nni leni liba kuli.

Filipi 3:6 ပူးပေါင်းရင်းမြစ်များ

2 Samueli 21:2

O bado Dafidi den yini Gabaono yaaba ki baa maadi leni ba. To, Gabaono yaaba yeni ki den tie Isalele yaaba ka. Bi den tie Amola yaaba yaaba n sieni ke Isalele yaaba den niani ba ke bi kan sii ba. Ama Sayula n den pia yaa yankuali Isalele leni Juda yaaba po den teni ke o moandi ke o baa bolini ba.

2 Bi Badiba 10:16

Jehu den yedi: «Cua ki yegi leni nni, lane a baa bandi min pia Li Miali Diedo po yaa yankuali.» Lanwani o den gedini o leni o toateligu.

O Yanfuodaano 7:16

Ŋan da tiegi ki pendi, ŋan da doagidi ke a pia yanfokandikaama. Be yaa po ke a baa bolini a yuli?

Levi 13:16

A legimoana yeni yaa lebidi ki pendi, o nilo yeni baa gedi ki waani o kopadiciamo.

Matie 23:25

Fala baa ye leni yinba li balimaama bangikaaba leni Falisieninba pala lie danba, kelima yi yen ŋuudi ki tadiñokaaga leni ki taditialiga puoli po, ke mu tugu nni nan gbie leni yin fenli yaala yi bonbuaka-biadila po.

Matie 5:20

N waani yi, yi teginma yaa cie li *bali maama bangikaaba leni *Falisieninba, yi kan kua tanpoli diema nni.

Luki 1:6

Bani bonba lie yeni kuli den tiegi U Tienu nintuali. Bi den ŋua o Diedo *balimaama leni o mabilikaama kuli cain kaa pia tagili.

Jesu Tondiba Tuona 21:20

Ban den gbadi o maama, bi den kpiagi U Tienu. Lani bi den yedi o: «Ti kpiilo, a bani ke Jufinba siiga yaaba n tuo ki daani pundi niba tudatuda, ama bikuli nan baa pia li yankuali li *bali maama kubima po.

Jesu Tondiba Tuona 22:5

Bi kopadicianba bado leni bi *cancannikpeliba taancianli kuli tie n siedinba ke n maadi moamoani. Bi den teni nni a tila min ban teni ti kpiiba Jufinba, yaaba n ye Damasa, min den gedi naanpo ki baan loli yaaba n ye lipo ki ŋua mi naa sanŋoadima ki cuani ba Jelusalema na ki baa teni ban waani ba fala.

Jesu Tondiba Tuona 26:5

Bi bani nni hali ke li waagi, ki bani ke n tie *Falisieni, yaa cagili n ñii ti jaanma po leni ti danbogida po ki cie. Bi yaa bua, bi baa fidi ki tieni siedi lipo.

Jesu Tondiba Tuona 8:3

Solo den moandi ki baa bolini Kilisiti n yini yaaba. O den kua ti diedi nni ki co bi jaba leni bi puoba kuli, ki kuandi ba li kpaadidieli nni.

LOMA YAABA 7:9

Min ki den pia li bali maama yaa yogunu n den ye ki fo, ama li bali maama n den cua ti tuonbiadi den faadi,

1 Korenti 10:32

Yin da tieni mani yaala n baa teni ke Jufinba leni yaaba n kaa tie Jufinba leni U Tienu n yini yaaba kuli n tuudi ki baa ti*tuonbiadi nni.

1 Korenti 15:9

Moamoani n tie Jesu tondiba kuli siiga puoli yua, mii pundi ban yini nni Jesu tondo moko kelima n den wangi U Tienu n yini yaaba fala.

Filipi 2:15

Yeni n tie yin yaa ŋani cain ki pia li papienli, ki tie U Tienu bila ban kan fidi ki kuli yaaba leni liba kuli moala na niba yaaba n*joagini ki bia siiga. Yin yaa yieni mani nani i mukaani yeni ŋanduna yaaba siiga,

Filipi 3:9

Mii go pia n yuli po yaa *moamoansaali n ñani li balimaama kubima nni, ama yaali n baadi kelima li *dandanli Kilisiti nni yaa po. Li tie yaa moamoansaali n ñani U Tienu kani ki ŋua leni li dandanli.

1 Timote 1:13

mini yua n den kpa sugidi o, ki wangi o fala, ki tiendi o yaala n bia. O den gbadi npo mi niñima kelima n den tiendi yeni n yanpiima po leni n dandanluoma po.

Bi Bujiaba 6:30

Lanwani u dogu nni yaaba den yedi Joasi: «Ŋan ñani a bijua ne tin kpa o kelima o mumudi Baali padibinbinli ki go pedi Akela dafoagidigu yaagu n den caa likani.»