Filipi 3:3 - Gourmanchéma Bible

³ Kelima tinba n tie a jungimoana, yaaba n kpiagidi U Tienu kelima o Fuoma yaa po, ki jigini ti yula Jesu Kilisiti nni, ki naa bili ti dugidi ti gbanandi nni.

U TIENU MAAMA TILI 2013

³ Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.

Filipi 3:3 ပူးပေါင်းရင်းမြစ်များ

Pisomi 105:3

Jigini mani yi yula kelima o yeli yaali n gagidi ki ŋani yeni po! Yaaba n lingi Li Miali Diedo kuli yaa pala mo n mangi!

Esayi 45:25

Isalele yaaba puoliŋuani kuli baa baa Li Miali Diedo kani, Li *moamoansaali leni ti kpiagidi.

Jeremi 4:4

Kua mani ku koanciagu Li Miali Diedo po Lebidi mani yi pala Juda leni Jelusalema yaaba Lani n tie n pali n da be ki cuo nani mi fantama yeni, Ki cuo yaa cuoma ke bi kan fidi ki gbindi ma Kelima yi tuadibiada n gundi maama po.

Malaki 1:11

Ki cili hali u yienu n pudi naani, Ki ban tuoni hali wun baali naani, I nibuoli kuli kpiagidi nni. I kaani kuli bi niba padi ki siagi npo a *dugibila. Bi go padi yaa pada n ŋani ki dagidi npo, ki kpiagidi nni. I nibuoli kuli kpiagidi nni. Li Miali Diedo, U Paaciamu Kuli Daano n yedi yeni.

LOMA YAABA 1:9

U Tienu, min ŋua yua leni li payenli, ki wangi o Bijua yaa Laabaaliŋamo, tie n siedo ke n tiadi ki taagi yikuli yela yogunu kuli

LOMA YAABA 15:17

Lanwani n baa fidi ki kpiagi n yuli Jesu Kilisiti nni kelima n tuuni U Tienu po.

LOMA YAABA 7:6

Ama moala, ti faabi leni li bali maama kelima ti kpe ki paadi leni yaala n den kpa luo ti nani a kpaada yeni. Lani yaa po U Tienu Fuoma gobidi ti ke ti tuuni U Tienu po leni yantiapanli ke laa go taa leni tin den moandi ki baa ;noadi yaala n diani li bali maama nni maama.

LOMA YAABA 8:15

U Tienu naa puni yi yaa Fuoma n teni ke yi tie yonbi ki go baa ye i jeje nni ka. Ama yi baa U Tienu Fuoma yaama n puni yi mu bimoanmu yaa bali ke ti kpaani ki tua U Tienu: «Ti Baa, ti Baa.»

LOMA YAABA 8:39

baa i paaciami, baa yaaba n ye tanpoli, baa yaaba n ye tiipo, mi tagima kuli nni liba kuli kan fidi ki paadi ti leni U Tienu n pia tipo yaa buama, yaama n den doagidi ti Diedo Jesu Kilisiti nni.

LOMA YAABA 9:6

Mii bua ki yedi ke U Tienu ñoaniani ki go pia mayuli ka. Kelima yaaba n mali ki tie Isalele puoliŋuani, bikuli ka tie Isalele buolu yaaba moamoani.

2 Korenti 11:18

Kelima niba boncianla kpiagidi bi yula nani bi nisaaliba n nua maama, lani yaa po n moko baa kpiagidi n yuli.

Galati 5:25

U Tienu Fuoma yaa teni ke ti fo, tin go yaa cuoni kelima o yaa po.

Galati 6:16

Yaaba n tuo ki ŋua laa maama kuli, U Tienu n pa ba mi yanduanma, ki go gbadi bipo mi niñima, bani U Tienu nibuolu Isalele yaaba yeni.

Efesa 6:18

Mi Fuoma n teni yin yaa jaandi yogunu kuli, ki yaa miadi U Tienu yogunu kuli leni i jaandi leni bu miabu buoli kuli. Yaa miadi mani U Tienu o *nigagidiŋanba kuli po ki da yoaligi ki da cedi.

Mi Tiadima 10:16

Yi baa lebidi yi pala ki nan da tie tupaali danba.

Mi Tiadima 30:6

Li Miali Diedo yi Tienu baa kuani yinba leni yi puoliŋuani pala ku koanciagu, ke yin bua Li Miali Diedo yi Tienu leni yi pala kuli leni yi yama kuli, lani n tie yin fidi ki yaa ye.

Filipi 1:1

Mini Polo leni Timote, Jesu Kilisiti yaa naacenba, n diani yipo li tili, yinba yaaba n tie bi *nigagidiŋanba Jesu Kilisiti nni ki ye Filipa dogu nni, leni yi nitaanli yudanba leni yi todikaaba kuli.

Filipi 3:12

Laa tie ke moala n baa i panpaani no ka, bi ke n ŋanbi ki dagidi cain no ka. Ama n suagi ki tiini ke min fidi ki cuo n nuama panpaani, kelima Jesu Kilisiti den cuo nni lani yaa po.

Filipi 3:14

Yeni n tiini ki cuubi n nuama juodima, ki baa baa laa panpaani. Lani n tie U Tienu n yini nni min baa yaa panpaani tanpoli po Jesu Kilisiti nni.

Kolosi 2:11

O yaa niinne, ke yi kua yaa koanciagu n naa tie o nisaalo nuu n tieni yaala, gu tie Kilisiti n tieni yaala, lani n tie ke yi landi ti nisaali-gbanandi tagibiadu.

Jude 1:20

Ama yinba n buakaaba, yin yaa suagi liiga yi dandanli yaali n gagidi ki ŋani boncianla nni, ki yaa jaandi leni o U Tienu Fuoma Yua yaa paalu.