Filipi 3:18 - Gourmanchéma Bible

¹⁸ Kelima niba boncianla ye, min den kpa waani yi yaaba yaa maama ki go wangi yi la moala leni a bubula, ke bi tagi doagidi ke bi tie Kilisiti *dapoanpoanli yibalinba.

U TIENU MAAMA TILI 2013

¹⁸ Niba boncianla ye, min den kpa waani yi yaaba yaa maama, ki go wangi yi la moala leni a bubula, ke bi tagi doagidi ke bi tie Kilisiti dapoanpoanli yibalinba.

Filipi 3:18 ပူးပေါင်းရင်းမြစ်များ

Pisomi 119:136

N buudi ke n ninsiidi kuli wudi Kelima ban ki kubi a bali maama maama po.

Esayi 8:11

Li Miali Diedo den maadi nni yaa maama n tie na, Wan den tandi o nuu yaa yogunu ki muubi nni Ki tuodi ki waani nni min da ŋoadi bi naa niba yaa sanu.

Jeremi 13:17

Yi yaa cengi line, n baa buudi ŋasiili nni, Kelima yi japaadi po. N baa wuli ti ninsiidi N baa mua boncianla kelima bi baa gedini Li Miali Diedo niba ti yonbidi.

Jeremi 9:1

Bi yaa bi puni nni mi fanpienma nni Bi sancenba n baa wuoni naani, N baa sani ki ŋa n diema niba ki foagidi leni ba, Kelima bikuli tie *conconma danba. Bikuli tie janbi danba bebe.

Levi 11:16

Ku tataagu, li juuli, mi ñincianma nni yaa fengu, ki kafenga leni ki yaa buolu kuli.

Levi 13:8

O yaa sua ke mu calimu yeni talini o nilo yeni gbanu po, o kopadiciamo baa doagidi ki waani ke o nilo yeni joagini. Li tie gbaadima.

Luki 19:41

Jesu n go den nagidi Jelusalema ki pugidi ki laa u, o den buudi upo

Jesu Tondiba Tuona 20:19

Yi bani ke n den tuuni o Diedo po leni li yumiinli leni ti ninsiidi, ki go laa fala kelima Jufinba n den lu yaa janbi ki bua ki cuo nni yaa po.

LOMA YAABA 9:2

N ye leni ti yanyagiciandi leni li paboanli yogunu kuli.

1 Korenti 1:18

Kelima li dapoanpoanli yaa mawangima tie yanluoma yaaba n baa bodi po. Ama tinba yaaba n tindi po, li tie U Tienu paaciamu.

1 Korenti 6:9

Yii bani ke yaaba n ki tiegi kan ba biinu *U Tienu diema nni yoo? Yin da boandi yi yula. Yaaba n tiendi ti cagindi, leni i buli danba, leni mi conconma danba, leni yaaba n biidi bi yula, leni yaa jaba n taagi leni biyaba kuli,

2 Korenti 11:13

Laa niba tie bi tondifaadanba, yaaba n tuuni ki boandi bi niba, ki moandi ki naani leni Kilisiti tondiba.

2 Korenti 11:29

Bi siiga nni ŋme n tadi ke mini mo naa tadi? Ŋme n baa ti*tuonbiadi nni ke laa juni n pali?

2 Korenti 2:4

N den diani yipo leni li pabiidili leni li paboanli leni ti ninsiidi boncianla, laa den tie ke n bua ki biidi yi pala ka, n den bua ke yin bandi min pia yipo yaa buacianme.

Galati 1:7

Moamoani laabaaliŋantoa ki ye, n maadi yeni kelima bi nitianba lengidi yi yama, ki moandi ki baa lebidi Kilisiti Laabaaliŋamo.

Galati 2:14

Min den laa ke baa ŋua o Laabaaliŋamo yaa moamoani n bili maama, n den yedi Pieli bikuli nintuali: «Fini yua n tie Jufi yaa tiendi nani bi nilanba n tiendi maama, ki naa ŋua Jufinba n tiendi maama, a baa fidi ki tieni bi nilanba u paalu lede ban yaa ŋua Jufinba n tiendi maama?»

Galati 2:21

Mii bua ki fali U Tienu ŋanbili. Kelima li yaa tie ke li moamoansaali baadi kelima li balimaama kubima yaa po, lani Kilisiti den kpe fanma fanma.

Galati 5:21

leni li nunponbiadili, leni li dañogaadili, leni ku nuagu leni laa bonbuoli kuli. N go tuodi ki waani yi nani min den kpa waani yi maama, ke yaaba n tiendi laa bonjoagindi buoli kan kua *U Tienu diema nni.

Galati 6:12

Yaaba n bua bi niba n yaa kpiagidi ba kuli tigini yi ke yin kua ku koanciagu, ke bi niba n da wangi ba fala kelima Kilisiti*dapoanpoanli yaa po.

Galati 6:14

Ama mini, n kan tuo ki kpiagi n yuli bontoala kuli po, kali ti Diedo Jesu Kilisiti dapoanpoanli. Kilisiti n den kpe li dapoanpoanli po yeni, ŋanduna bonla kuli tie npo nani li kpe, n moko tie nani n kpe ŋanduna bonla kuli po yeni.

Efesa 4:17

Lanwani min yedi yaala leni min kadi ki waani yi yaala, o Diedo yeli nni tie line: Yi tagi n da naani leni bi nilanba yaa tagi yeni, bani yaaba n ŋua bi yantiana ya n tie fanma fanma yeni.

Filipi 1:4

Min jaandi yikuli po yaa yogunu kuli, n jaandi leni li pamanli,

1 Tesaloniki 4:6

Oba kuli n da boandi o kpiilo laa bonla nni, ki janbi o. Ti den tuodi ki waani yi ki go kadi ki waani yi ke o Diedo baa tu laa biadima buolu kuli li panpaani.

2 Tesaloniki 3:11

Ti maadi yeni kelima ti gba ke yi siiga bi nitianba yie kaa tuuni tuonliba kuli, ama ki goadi leni bu tingbangbaabu.

2 Pieri 2:10

O bujiali cuonu n baa cuo yaaba ki cie tie yaaba n ŋua bi gbanandi bonbuakaala yaala n *joagini, ki go fali o Diedo bali. Laa bangi-faadanba pia ti japaadi leni yaa tuli n pa, baa jie ki sugidi baa malekinba yaaba n pia ti kpiagidi.

Jude 1:13

Bi doagidi bi tuona yaa n pia i fe nani mi ñincianma ñinguona n lengidi ki lu ti ñinpunpudi li boanjaali po maama yeni. Bi go tie nani yaa ŋmabila n yaadi yeni. U Tienu bili bipo ke bi kaanu baa ye li biigicianli nni hali yaa yogunu kuli po.