Filipi 3:1 - Gourmanchéma Bible

¹ N kpiiba, n majuodikaama tie mine: Yin yaa mangidi mani yi pala o Diedo nni. Laa coagini nni min go diani yipo yeni ki pugini, li go baa teni yin yaa se ke li pa.

U TIENU MAAMA TILI 2013

¹ N kpiiba, n majuodikaama tie mine: Yin yaa mangidi mani yi pala o Diedo nni. Laa coagini nni min go diani yi po yeni ki pugini, li go baa teni yin yaa se ke li pa.

Filipi 3:1 ပူးပေါင်းရင်းမြစ်များ

1 Bi Badiba Jama 15:28

Isalele yaaba kuli den ban taa Li Miali Diedo ŋantaadikpaku leni li pamanli kpaani ke li yegi leni li naatuntunli leni kakacinba piebima, mu lonmu leni ti kogiditi puama.

1 Bi Badiba Jama 16:10

Jigini mani yi yula kelima o yeli yaali n gagidi ki ŋani yeni po! Yaaba n lingi Li Miali Diedo kuli yaa pala mo n mangi.

1 Bi Badiba Jama 29:22

Bi den dini ki go ñuni laa daali Li Miali Diedo nintuali leni li pamancianli, ki den kpaani mi liema ki waani ke Dafidi bijua Salomono n tie bado. Bi den wuli opo mi gagidima kpama Li Miali Diedo nintuali ke o tie o gobidika, leni Tisadoki po ke wani mo n tie o kopadiciamo.

Nehemi 8:10

Bi go den yedi ba: «Kuni mani ki ban ŋmani yaa nandi n pia mi kpama, ki ño yaa bonñokaala n mani, ki boagidi mi jiema ki teni yaaba n kaa pia, kelima dinla tie yaa daali n gagidi ti Diedo po. Da boandi mani yi pala kelima Li Miali Diedo n puuni yaa pamanli tie yi fidu.»

Jobi 22:26

Yeni, a baa teni U Paaciamu Kuli Daano n tua ŋan bua yua hali boncianla, A baa yaadi a nunga ki nuali wani U Tienu.

Pisomi 149:2

Isalele yaaba n mangi bi pala yua n tagi ba yaa niinni! Siyono yaaba n yaa ye leni li pamanli kelima bi bado po.

Pisomi 32:11

Bi niteginkaaba, mangi mani yi pala Li Miali Diedo po. Yaa kpaani mani li pamancianli kpaani, Yinba yaaba yaa pala n tiegi kuli.

Pisomi 33:1

Yinba bi niteginkaaba, kpaani mani li pamanli kpaani Ki kpiagi Li Miali Diedo. Li pundi yaa niba n tiegi yo n kpiagi Li Miali Diedo.

Pisomi 37:4

Mangi a pali Li Miali Diedo po, O baa pa ŋa a pali n bua yaala.

Pisomi 42:4

N ninsiidi n tie n jiema u yensiinu leni ku ñiagu kuli, Kelima bi tua nni yogunu kuli: «A Tienu ye lee?»

Pisomi 5:11

Guani ba bi biadima panpaani. Ban jagi yaala n cuani bi tingbali. Deli ba kelima bi tagili ki pia bianu, Kelima bi fii ki yie apo.

Pisomi 97:1

Li Miali Diedo tie Bado Ki tinga kuli n yaa ye leni li pamancianli. Yaa niba n ye hali a kpendega nni mo n mangi bi pala.

Esayi 41:16

Yi baa lendi ba, U faalu baa taa ba, O pinpinja mo n yadi ba. Ama yinba, yi baa mangi yi pala Li Miali Diedo po. Yi baa yaa kpiagidi yi yula Isalele Tienu Yua n Gagidi ki ŋani nni.

Esayi 61:10

N baa mangi n pali Li Miali Diedo po N pali baa mangi n Tienu po hali lan kandi Kelima o lani nni mi faabima tiadi Ki golini nni mi teginma kpalibu Nani yaa pocaancalo n bobi nani o kopadiciamo yeni Nani o pocaano n tieni ti jafandi maama yeni.

Esayi 65:14

Diidi n naacenba baa yaa yiini kelima bi pamanli po, Ama yinba, yi baa yaa buudi kelima yi paboanli po. Yi baa yaa buudi kelima li pabiidili po Ki mua ki yalini kelima li paboanli po.

Joeli 2:23

Yinba Siyono yaaba mo, yin mangi yi pala, Kelima Li Miali Diedo yi Tienu po. O baa pa yi ki taaga ki yogunu yaa pundi, O baa pa yi ki takpiaga leni ki tajuodikaaga Nani wan den tiendi maama u yogu nni yeni.

Sofoni 3:14

Mangi mani yi pala, yinba Siyono yaaba! Yigini mani i pamandanyigimi, yinba Isalele yaaba! Mangi mani yi pala hali boncianla, Yinba Jelusalema yaaba!

Sofoni 3:17

Li Miali Diedo, yi Tienu ye yi siiga, Ki tie yaa jakoando n faabidi. O baa teni yin tua o pamanli bonla. O buama yipo teni ke o baa pa yi mi yepanma. O yiini ki kpaani leni li pamanli kelima yipo,

Sakari 10:7

Bani Isalele buolu yaaba baa yaa tie nani a jakoanda yeni, Bi pala baa yaa mani nani yaaba n ñuni mi daama yeni. Bi puoliŋuani baa le lani, Li Miali Diedo n baa pa ba yaa pamancianli yeni.

Matie 5:12

Yin mangi mani yi pala ki yaa ye leni li pamancianli kelima yi panpaani baa yaba tanpoli po. Bi niba den wangi bi sawalipuaba falabiado yeni, bani yaaba n den ye ke yi daa ye.

Luki 1:47

N pali mani hali boncianla Kelima wani U Tienu n Candaano po,

LOMA YAABA 5:11

Laa tie lani bebe ka, ama ti pia li pamancianli U Tienu nintuali kelima ti Diedo Jesu Kilisiti po, yua n teni ke ti mangi leni U Tienu.

2 Korenti 13:11

N kpiiba, n majuodikaama tie mine: Yin yaa mangidi mani yi pala. Moandi mani ki ŋanbi ki dagidi cain, baagi mani yiyaba, ki yaa pia mani yantiayenli, ki yaa mani leni yiyaba. Lanwani mi buama leni mi yanduanma Tienu baa ye leni yi.

Efesa 6:10

N majuodikaama n tie na: Yin yaa baadi mani yi fidu o Diedo kani leni o paaciamu yu n cie li bonla kuli nni.

Mi Tiadima 12:18

Ama yinba, yi bijaba leni yi bisiaba, yi naacenba leni yi potuada leni Lefi buolu yua, yua n kaa yi siiga, baa je laa bonla Li Miali Diedo yi Tienu nintuali, Li Miali Diedo yi Tienu n baa gandi yaa kaanu yeni kani. Lanwani yi baa mangi yi pala Li Miali Diedo yi Tienu nintuali leni wan mubini yi nuu nni yaa piama kuli.

Mi Tiadima 16:11

Yi baa mangi yi pala Li Miali Diedo yi Tienu nintuali, Li Miali Diedo yi Tienu n baa gandi ki kuani o yeli yaa kaanu yeni kani, yinba yi puoba, Lefi buolu yua, yua n ye leni yi, o caano, ki kpienbiga leni li kpepuoli yaaba n ye leni yi.

Filipi 3:3

Kelima tinba n tie a jungimoana, yaaba n kpiagidi U Tienu kelima o Fuoma yaa po, ki jigini ti yula Jesu Kilisiti nni, ki naa bili ti dugidi ti gbanandi nni.

Filipi 4:4

Yin yaa mangidi mani yi pala o Diedo nni yogunu kuli. N go waani yi yeni, yaa mangidi mani yi pala.

Filipi 4:8

N kpiiba, yaa maama n sieni tie mine: yin yaa tia mani yaala n tie moamoani kuli, leni yaala n pia ti jigidi kuli, leni yaala n tiegi kuli, leni yaala n ŋani kuli, leni bi niba n baa bua yaala ki faadi la kuli, leni yaala n pia siediŋamo, leni yaala n pia ti bulicindi ki pundi bi niba n pagi la kuli.

1 Tesaloniki 4:1

Ti kpiiba, ti majuodikaama tie mine. Ti den bangi yi yi tagi n baa tie maama ki yaa mani U Tienu po. Moamoani yi tiendi yeni. Moala ti mia yi ki go tigini yi kelima o Diedo Jesu po ke yin go yaa tiendi yeni ki pugidi pugidi.

1 Tesaloniki 5:16

Yaa mangidi mani yi pala yogunu kuli.

Jaki 1:2

N kpiiba, yin yaa nua mani ke yaa biigima buoli kuli n cua yikani tie pamanli bonla.

1 Pieri 3:8

N tundijuodike n tie ne. Yikuli n yaa pia mani yantiayenli leni yiyaba, ki yaa gba mani yiyaba po mi niñima, ki gbie leni mi buama yi kpiiba po, ki go yaa pia mi niñingbadima leni li yumiinli yiyaba po.

1 Pieri 4:13

Ama yin yaa mangidi mani yi pala leni yin taani leni Kilisiti o fala nni, ke o kpiagidi yaa doagidi yaa yogunu yi moko n yaa ye leni li pamankandikaali.

2 Pieri 3:1

N buakaaba, line n tie min diani yipo yaa tilieli. A tilieda yeni kuli nni n moandi ki tiadi yi yaala n baa tigini yi yantiana yin yaa tia yaala n tiegi bonŋanla.

1 Samueli 2:1

Ana den jaandi ki yedi: «Li Miali Diedo teni ke n pia li pamanli. Li Miali Diedo teni ke n paalu yeli ñani. N yaadi n ñoabu ki ñuadi n yibalinba. N pali mangi kelima fini U Tienu faabi nni.