Filipi 2:7 - Gourmanchéma Bible

⁷ Ama o den landi laa kpiagidi kuli o yama po Ki taa o naacemo n tie maama ki lani, Ki tua nani bi nisaaliba n tie maama yeni. Wan den tua nisaalo ki tie nani bi nisaaliba n tie maama,

U TIENU MAAMA TILI 2013

⁷ Ama o den landi laa kpiagidi kuli o yama po, Ki taa o naacemo n tie maama ki lani, Ki tua nani bi nisaaliba n tie maama yeni. Wan den tua nisaalo ki tie nani bi nisaaliba n tie maama,

Filipi 2:7 ပူးပေါင်းရင်းမြစ်များ

Pisomi 22:6

Bi den yen kpaani ki miadi a todima Ke a den yen faabidi ba. Bi den dugi apo, baa den laadi fe.

Esayi 42:1

Diidi n naacemo, min kubi yua ke o se bonŋanla, Min gandi yua, n pali n mani yua yaa po. N kuani n Fuoma o niinni O baa yaa wangi i nibuoli mi *teginma.

Esayi 49:3

O den yedi nni: «A tie n naacemo Fini Isalele yua, min baa doagidi n kpiagidi yua yaa niinni.»

Esayi 53:11

Wan laa yaa fala lipo yeni, O baa le li ñuadi Leni ban baa bandi o maama po Wani n naacemo yua n tiegi yeni baa saa niba boncianla po moamoani Ki taa bi tagili ki tugi.

Danieli 9:26

Laa binleleeda taalima piiluoba n milie yeni yaa pendi, bi baa kpa o nigagidika ke oba kan ga o. Yaa bado n baa ti cua toagola baa bolini u dogu yeni leni U Tienu kaangagidiŋamu. O bado yeni bolinma baa cua nani yaa ñingola n koadi yeni. Li bili ke mi bolinma baa yaa tiendi hali bu toabu juodima.

Sakari 3:8

Lanwani, Josue, fini bi kopadicianba bado, ŋan cengi, fini leni yaa kopadicianba n yegi leni a, yinba yaaba n tie yaa *faabima n kpendi maalima. N baa teni n naacemo, yua n yi li Benkpeli yeni n cua.

Sakari 9:9

Mangi mani yi pala, yinba Siyono dogu yaaba! Kpaani mani i pamandankpaani, yinba Jelusalema yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

Matie 12:18

«Diidi min gandi n naacemo yua, Wani n buado, n pali n mani yua yaa po boncianla. N baa kuani n Fuoma o niinni Wan yaa wangi i nibuoli mi *teginma.

Matie 20:28

Lani n tie o Ja Bijua n cua ki tiendi maama. Laa tie nitoaba n yaa tuuni opo ka, ama ke wan yaa tuuni nitoaba po, ki go pa o miali ki kpe, ki da ki faabi bi niba boncianla.»

Marki 9:12

O den goa ki yedi ba: «Li tie moamoani ke Elia baa kpa cua ki ŋanbi li bonla kuli. Lanwani li nan ga lede ke li diani ke o Ja Bijua baa le fala boncianla tiladi, ban go fali o mo?

Luki 22:27

Ŋme n cie o yua, yua n ka u saajekaanu kani ki baa je bi, bi yua n tendi mi jieme? Yua n ka ki baa je kaa? Ama mini wani n ye yi siiga nani yua n tendi mi jiema yeni.

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga ki gbie leni li*ŋanbili leni i moamoani. Ti den laa o kpiagidi, wani ki Bonjayenyenga yua n ñani Baa kani yaa kpiagidi.

LOMA YAABA 1:3

O Laabaaliŋamo yeni maadi o Bijua maama fuuli. A yaa diidi wan mali yaa buolu nni po, o tie Dafidi puoliŋuanu.

LOMA YAABA 15:3

Kelima baa Kilisiti naa den lingi yaala n mani o, ama nani lan diani maama: «Ban den sugidi a yaa sugidi baa mini n yaa yuli po.»

LOMA YAABA 15:8

Kelima n waani yi ke Kilisiti den tua Isalele buolu yaaba naacemo ki baa doagidi ke U Tienu tie dugika ki teni ban baa U Tienu n den niani bi yaajanba yaa ñoanianu,

LOMA YAABA 8:3

Li *bali maama n kaa den fidi ki tieni yaala kelima ti gbanandi tadingu po, U Tienu den tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

2 Korenti 13:4

Moamoani o den ye leni o tadingu ban den kpaa o li*dapoanpoanli po yaa yogunu. Ama o ye ki fo kelima U Tienu paaciamu po. Ti moko taani leni o o tadingu nni, ki go baa fo leni o kelima U Tienu paaciamu po tin tiendi yaala yi siiga po.

2 Korenti 8:9

Yi bani ti Diedo Jesu Kilisiti ŋanbili, wani yua n den tie piado den tua luodo kelima yi yaa po, ke o luoma yeni teni ke yi mo n baa lan kandi.

Galati 4:4

Ama U Tienu n den bili yaa yogunu n pundi, o den soani o Bijua ŋanduna nni ke o pua mali o, ke li *balimaama n die o,

Filipi 2:6

O den tie U Tienu n tie maama. Baa ke o den tie yenma leni U Tienu Waa den sua ke li tie wan baa fie yaala leni u paalu.

Hebilunba 12:2

Tin yaa tiini ki nua Jesu yua n tie li *dandanli cilika leni li ŋanbika. Kelima yaa pamanli n den bili opo yaa po, o den tuo li*dapoanpoanli yaa kuuma, ki fali yaa fe n ye lienni, ki kali U Tienu bali kalikaanu jienu po.

Hebilunba 13:3

Yin yaa tiani mani a kpaada po nani yi moko taa leni ba ki tie kpaada yeni. Yin go yaa tiani ban faligi yaaba po, ki bani ke yi moko ye ti gbanandi nni ki tie ban baa fidi ki faligi yaaba.

Hebilunba 4:15

Kelima tii pia yaa kopadicianba bado n kan fidi ki gbadi tipo mi niñima ti tadingu nni. Bi den tulini o li bonla kuli nni nani tinba, ama waa den tieni *tuonbiadi.