Filipi 2:17 - Gourmanchéma Bible

¹⁷ Baa li yaa tie ke n soama baa wuli ki tua nani li*ñincabili yeni, yi *dandanli tuonli padili po, n baa mangidi n pali lipo, n go baa mangidi n pali leni yikuli.

U TIENU MAAMA TILI 2013

¹⁷ Ba li yaa tie ke n soama baa wuli ki tua nani li ñincabili yeni, yi dandanli tuonli padili po, n baa yaa mangidi n pali li po, n go baa yaa mangidi n pali leni yikuli.

Filipi 2:17 ပူးပေါင်းရင်းမြစ်များ

2 Timote 4:6

Mini yaa po, bi wuli nni nani mi padiñima yeni, n kuuma yogunu pundi.

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo ke bani bi nilanba n tua nani U Tienu n baa tuo yaa padili ke li mani o yeni, U Tienu Fuoma Yua n gagidi yaali wani U Tienu po.

2 Korenti 12:15

Mini nba n baa pa n piama n yama po, ki go pa n yuli yipo. Naani n buama yaa pugidi yipo, yi yaa buama baa wadi npo yoo?

Kolosi 1:24

N mangidi n pali moala leni min laadi yipo yaa fala. N tiendi yeni ke min gbieni n gbanandi nni yaala n poadi Kilisiti yaa fala o gbanandi nni, yaadi n tie wan n yini yaaba po.

Filipi 1:20

Nani min bua ki go sugini maama tie ke n kan le i fe liba kuli po. Ama nani lan den kpa tie maama, li go tie yeni moala. N sugini ke Kilisiti baa baa ti kpiagidi n miali yema nni kuli, li yaa tie ke n baa kpe leni n yaa baa ye kuli.

2 Korenti 7:4

N dugi yipo boncianla, n jigini n yuli yipo boncianla, n baa i baagi ke li dagidi. Baa ti falabiado kuli nni, n pia li pamankandikaali.

1 Jan 3:16

Line n teni ke ti bani mi buama n tie yaala: Lan tie ke Jesu Kilisiti den puni o miali ti yaa po. Li pundi ti mo n yaa puuni ti miana ti kpiiba po.

LOMA YAABA 12:1

Lani yaa po n kpiiba, n mia yi ki go tundi yi kelima U Tienu niñingbadima yaa po, ke yin pa U Tienu yi yula nani yaa padili n fo, yaali n gagidi ki mani opo. Lani n tie lan pundi yin yaa kpiagidi o maama.

1 Pieri 2:5

Yinba yaaba moko n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi opo yaa pada n gagidi, ki go mani opo kelima Jesu Kilisiti yaa po.

1 Tesaloniki 2:8

Tin den pia yipo yaa buama, li den mani tipo ke ti waani yi U Tienu Laabaaliŋamo. Laa tie lani bebe ka, ti den bua ki pa yi baa ti yula moko, kelima ti buama yipo den pundi hali laa bianu.

Filipi 4:18

N diani yeni ki waani yi ke yin den soani npo yaala kuli pundi n kani ke n pia ke li kandi. Min den ga yin den soani Epafilodita ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n ga yaa padili ke li mani opo.

Filipi 2:30

O den luni o miali ki tuuni Kilisiti tuonli hali ki nagini mi kuuma. O den bua ki todi nni yin bi baa todi nni yaa todima ki naa ye n kani.

Jesu Tondiba Tuona 21:13

O den goa ki yedi: «Yi tiendi be n yeni ki buudi ki bua ki biidi n pali? N baa tuo ban loli nni, baa ki kpa nni moko, o Diedo Jesu yeli po, Jelusalema po.»

Jesu Tondiba Tuona 20:24

Ama mii nua n miali ke li tie bonmoanla, yaala n pia npo mayuli tie ke min fidi ki pundi n nuama bianu, ki dudi o Diedo Jesu n puogi nni yaa tuonli. Lani n tie, ki yaa wangi U Tienu *ŋanbili yaa Laabaaliŋamo.

Mi Coadima 28:6

Lini n tie yogunu kuli yaa padijuukaali, yin den padi yaali Sinayi juali po. Li tie ban juu yaa padili mi fantama nni ke li nuulu mani Li Miali Diedo po.

Mi Coadima 28:7

Li *ñincabili baa yaa tie mi daama litidiyendo leni boagidima pebiga kuli po. A baa tieni mi daama yeni cabili Li Miali Diedo po u *kaangagidiŋamu nni.

2 Korenti 6:10

Bi nua ti nani li pabiidili danba, ama ti pia li pamanli yogunu kuli. Bi nua ti nani a luoda, ama ti teni ke niba boncianla tua piada. Bi nua ti nani tii pia pu, ama ti pia li bonla kuli.

Filipi 2:18

Yi mo n mangi yi pala lipo ki taani leni nni n yaa pamanli nni.

2 Korenti 4:12

Lanwani mi kuuma tuuni ti niinni, ama li miali tuuni yinba yaa niinni.