Filipi 2:13 - Gourmanchéma Bible

¹³ Kelima U Tienu n baa teni yin bua ki go fidi ki tieni nani o yanjagiŋanli n tie maama.

U TIENU MAAMA TILI 2013

¹³ U Tienu n baa teni yin bua, ki go fidi ki tieni nani o yanjagiŋanli n tie maama.

Filipi 2:13 ပူးပေါင်းရင်းမြစ်များ

1 Bi Badiba 8:58

Wan teni ti pala n bua o tin ŋoadi o sani kuli ki kubi o *balimaama leni o ñoabonbilikaana leni o mabilikaama, wan den bili ti yaajanba po yaama.

2 Bi Badiba Jama 30:12

U Tienu nuu den ye leni ba Juda diema nni, ki puni ba yantiayenli ke ban tieni o bado leni o koanbala ñoabonli, nani wani Li Miali Diedo n den yedi maama.

Esidirasi 1:1

Pelisa diema bado Silusa bali binkpiali binli, Li Miali Diedo den jagi ke o baa tieni wan den teni ke o sawalipualo Jelemi yedi yaala. O den teni ke Pelisa diema bado Silusa yeni baa li yantiali ki ñani li ñoabonli ki diani li ki soani o diema kuli nni ki yedi:

Esidirasi 1:5

Juda buolu yudanba leni Benjamina buolu yudanba leni bi kopadicianba leni Lefi buolu yaaba kuli siiga, U Tienu n den kuani yaaba yaa yama nni ban gedi Jelusalema ki ban maa Li Miali Diedo diegu kuli, den bogini ki baa gedi.

Esidirasi 7:27

Esidilasi den jaandi ki yedi: «Ti tuondi ki kpiagidi li Miali Diedo, ti yaajanba Tienu, yua n den kuani o bado yama nni ke wan jigini Li Miali Diedo diegu yaagu n ye Jelusalema,

Nehemi 2:4

O bado den yedi nni: «A bua be?» N den jaandi ki mia U Tienu yua n die tanpoli,

Jobi 33:29

Lani n tie U Tienu n tiendi yaala o nisaalo po. Laa tie milie ka, laa tie mitaa mo ka.

Pisomi 110:3

A niba pia li yankuali bonŋanla A paalu n doagidi yaa daali. Nani ku mangu n yen luoni u tiŋafaanu maama, A jawaaba baa cua a kani ki laa yaa tiadi n gagidi U Tienu po.

Pisomi 119:36

Pa nni li yankuali a ñoabonbilikaana po Ki nan da pegidi n pali ti ñuadi lingima po ka.

Pisomi 141:4

Da pegidi n pali mi biadima po, Ke min da taani leni yaa niba n bia Ki tieni a tuongunda. Da teni min leni baa bi jemanma.

Mi Kpanjama 21:1

O bado pali tie nani u kpenu yene Li Miali Diedo nuu nni. O kpegini u wan bua naanpo yo.

Esayi 26:12

Li Miali Diedo, a tieni a yanduanma ti niinni, Kelima tin tiendi yaala kuli Fini n tiendi la tipo.

Jeremi 31:33

Mini Li Miali Diedo yedi: «Diidi mini baa kuani yaa ŋantaado Leni Isalele diema yaaba. Laa dana yaa pendi N baa kuani n *balimaama bi yantiana nni. Ki diani ma bi pala nni. N baa tie bi Tienu, Bani mo baa tie n niba.

Jeremi 32:38

Bi baa yaa tie n niba, N mo baa yaa tie bi Tienu.

Luki 12:32

Da jie mani liba, fini yaa yankulu n ki yaba, kelima li mani yi Baa wan pa yi mi diema.

Luki 2:14

«U Tienu n baa ti kpiagidi hali tanpojoma, Yaa niba n mangi o pali ki tinga nni N yaa pia mi yanduanma.»

Jan n diani U Tienu Laabaaliŋamo maama 3:27

Jan den goa ki yedi ba: «O nilo kan fidi ki baa li bonla li yaa tie U Tienu n puni o yaala yaaka.

Jan n diani U Tienu Laabaaliŋamo maama 6:45

Li diani bi sawalipuaba tila nni: U Tienu baa bangi o niba kuli. Yua n cengi Baa ki ga o bangima kuli, wani n baa cua n kani.

Jan n diani U Tienu Laabaaliŋamo maama 6:65

O go den yedi: «Li tie lani yaa po ke n yedi yi ke oba kuli kan cua n kani, li yaa tie ke Baa puni o wan cua yaaka.»

Jesu Tondiba Tuona 11:21

O Diedo paaciamu den ye leni ba ke bi niba boncianla den tuo ki lebidi ki daani o Diedo.

LOMA YAABA 12:3

Kelima min baa yaa *ŋanbili-paabu yaa po, n yedi yikuli yendo yendo, yin da nua yi yula ke yi cie yin tie maama. Yin yaa pia li yumiinli ki cuo ki dagini nani U Tienu n biigi ki puni yua kuli li *dandanli yaa banlu.

LOMA YAABA 9:11

Hali ke laa bila daa den mali, ki daa tieni yaala n ŋani bi yaala n bia, ke U Tienu n den tuodi ki jagi yaala n yaa ye, ki ŋua o gandima ki naa ŋoadi a tuona, ama ki ŋua U Tienu yiinu,

LOMA YAABA 9:16

Lanwani laa ŋua o nilo n bua yaala, laa ŋua o moandili mo. Li ŋua U Tienu niñingbadima.

1 Korenti 12:6

I tuonbuoli yaba, ama U Tienyendu n tuuni laa tuona kuli bi niba kuli nni.

1 Korenti 15:10

Kelima U Tienu *ŋanbili po yo ke n tua min tie yua na. O ŋanbili npo naa tua fanma, li teni ke n soani ki cie Jesu tondiba kuli. Laa tie mini nba ka soani yeni, ama U Tienu ŋanbili n tuuni leni nni.

2 Korenti 3:5

Laa tie ke ti tama ke ti fidi ki tieni liba kuli ti yucela po. Ama tin fidi yaala kuli ñani U Tienu kani.

Efesa 1:11

Li tie wani Kilisiti yaa niinni ke U Tienu tieni li bonla kuli nani wan den kpa jagi ki bili maama. O den gandi ki gagidi ti, ke ti tua o yaaba.

Efesa 1:5

o den tuodi ki bili ke tin baa mu bimoanmu bali kelima Jesu Kilisiti yaa po. O yanbuama leni o yanjagili yaa po ke o den tieni yeni.

Efesa 1:9

O den doagidi tipo o yanbuama bondoaginkaala, wan den tuodi ki bili yaa yanjagiŋanli Kilisiti nni.

Efesa 2:8

Li tie li ŋanbili-paabu yaa po ke yi tindi. Yi baa la kelima li *dandanli yaa po. Laa ñani yi yaa kani, li tie U Tienu paabu.

2 Tesaloniki 1:11

Li tie lani yaa po ke ti miadi U Tienu yipo yogunu kuli ke wan teni yin dagidi wan yini yi yaala yaa po. Ti go miadi o ke wan teni yin yaa tiendi wan jagi yin tieni yaa ŋanma kuli leni li dandanli tuonli kelima o paalu yaa po.

2 Timote 1:9

O den faabi ti ki yini ti yaa yiinu n gagidi. Waa den tieni yeni kelima ti tuonŋama po ka, li tie kelima o yanjagili leni o ŋanbili po, wan den tieni tipo yaala Jesu Kilisiti nni hali ke ŋanduna daa tagi.

Hebilunba 13:21

wani n teni yin fidi ki yaa tiendi yaala n ŋani kuli, ki yaa go tiendi o yanbuama kuli. Wan go teni Jesu Kilisiti n yaa tuuni ti niinni yaala n mani opo kuli. Wani Kilisiti n yaa baadi ti kpiagidi hali yaa yogunu kuli. Amina.

1 Pieri 1:3

U Tienu ti Diedo Jesu Kilisiti yaa Baa n baa ti pagidi! O niñingbadicianma po teni ke ti pia li miapanli, leni yaa suginma n fo kelima Jesu Kilisiti fiima bi tinkpiba siiga yaa po.