Filipi 2:12 - Gourmanchéma Bible

¹² Lanwani n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima ki yaa ye yi *tindima yema.

U TIENU MAAMA TILI 2013

¹² Lanwani, n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima, ki yaa ye yi tindima yema.

Filipi 2:12 ပူးပေါင်းရင်းမြစ်များ

Esidirasi 10:3

Moala ti baa niani ti Tienu u ñoanianu ke ti baa ñani bi nilanpuoba yeni leni bi bila kuli nani fini ti daano leni yaaba n taa leni a ki fangi ti Tienu*bali maama n sua ke li dagidi maama. Ti baa tieni U Tienu bali maama n bili yaala.

Pisomi 119:120

Min fangi a maama teni ke n gbanu jeli. N jie a buudi mo.

Pisomi 2:11

Soani mani Li Miali Diedo po leni li fangili Mangi mani yi pala, ki yaa digibi mani.

Mi Kpanjama 10:16

O niteginka tuonli todi ke o ye. O nibiado bonbaakaala mo kuandi o ti *tuonbiadi nni.

Mi Kpanjama 13:4

O kpadijedaano pia wan bua ki baa yaala ki nan kan baa la, Ama bi tuonsoanba wani baadi ban bua yaala.

Esayi 66:2

N yaa nuu n tagi laa bonla kuli, Ke teni ke lani kuli ye. Li Miali Diedo n yedi yeni. Diidi n nuni n baa yaa maa yua yaa po Lani tie o niñinnilo yua n ye leni li paboanli Yua n yen gbadi n maama ki yaa digibi.

Esayi 66:5

Cengi mani Li Miali Diedo maama Yinba yaaba n gba o maama ki digibi. Diidi yi kpiiba n tua yaala, Bani yaaba n nani yi, ki yaadi yi Kelima n yeli po: «Li Miali Diedo n nan doagidi o kpiagidi Tin le yi pamanli naa!» Ama bani n baa le i fe.

Matie 11:12

Ki cili Jan Batisi yogunu ki pundi hali moala, bi niba kua tanpoli diema nni leni u paalu. U paalu danba mo diedi ma.

Matie 11:29

Laa mani n naakpakpaadi-daagu, ki ga n bangima, kelima n dingi ki pia li yumiinli, yeni yi baa baa mi fuodima yi naani po.

Jesu Tondiba Tuona 16:29

O jiidika yeni den teni ke bi cuani opo ki fidisanga, ke o sani ki kua Polo leni Silasa n ye naankani ki jie hali ki digibi, ki gbaani bi nintuali.

Jesu Tondiba Tuona 9:6

«Fii ki kua u dogu nni, bi baa waani a ŋan baa tieni yaala tiladi.»

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi leni ti jigidi leni yaa miali n ki pia kuuma, U Tienu baa pa ba yaa miali n kan gbeni.

1 Korenti 15:58

Lanwani n kpibuadiba yin yaa se mani bonŋanla ki da lengidi. Yin yaa suagi mani liiga o Diedo tuonli nni yaa yogunu kuli, ki bani ke yi tuonli o Diedo po kan tua fanma.

1 Korenti 2:3

N den ye yi siiga leni ku tadingu ki digibi kelima ti jawaandi po.

1 Korenti 4:14

Laa tie ke n bua ki fiagi yi ka ke n diani yipo, ama n tuodi ki tundi yi kelima yi tie n bibuadimu.

2 Korenti 7:15

O yaa tiadi yikuli n den ga o cangu leni li fangili leni mi digibima ki go tuo ki ŋua o maama maama, o buama yipo yabidi ki pugini.

Efesa 6:5

Yinba i yonbi, yin tuo ki yaa tiendi yin pia yaa canbaanba ŋanduna nni n yedi yaala leni li fangili leni mi digibima leni li payenli, nani yin tuo ki tiendi Kilisiti n yedi yaala maama.

Filipi 1:27

Lanwani bonyenla tugi li yuli, lani n tie ke yi tagi n yaa de leni Kilisiti yaa Laabaaliŋamo. N yaa fidi ki cua yikani ki laa yi, leni n yaa fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Filipi 1:29

Kelima U Tienu n tieni yipo yaa ŋanbili yeni, laa tie ke yin daani Kilisiti bebe ka, ama yin go yaa laadi opo fala moko.

Filipi 1:5

kelima yin taa leni nni ki todi nni o Laabaaliŋamo wangima po maama, ki cili yin den kpa gbadi o yaa daali ki pundi hali moala.

Filipi 1:6

N daani ki go bani cain ke wani yua n cili laa tuonŋanli yi niinni, baa tuuni li hali lin dudi Jesu Kilisiti goacuama daali.

Filipi 2:19

O Diedo Jesu yaa bua, n sugini ke li yaa yen waamu, n baa soani Timote yikani, ki baa yi laabaalo lan paagi n pali.

Filipi 4:1

Lanwani n kpiiba n buakaaba, min bua ki go le yaaba hali bonŋanla, yinba yaaba n tie n pamanli leni n kpiagidi, yin yaa se mani ke li pa o Diedo nni yinba n buakaaba.

Filipi 4:15

Yinba Filipa yaaba bani bonŋanla ke min den cili ki wangi o Laabaaliŋamo yaa yogunu, ki ñani Maseduana diema nni, Kilisiti n yini yaaba kuli siiga yinba bebe n den tiadi min baa baadi yaala leni min go baa ñandi yaala, ki tuuni npo bu paabu ki todi nni.

1 Tesaloniki 1:3

Ti tiani yogunu kuli kaa cedi ti Baa U Tienu kani yi *dandanli leni yi buama ti Diedo Jesu Kilisiti po n teni ke yi tuuni maama, leni yi suginma n se bonŋanla maama.

2 Timote 2:10

Lani yaa po n tuo li kuli kelima bi nigandikaaba po, ke bani moko n baa yaa *tindima n ye Jesu Kilisiti nni leni yaa kpiagidi n kan gbeni.

Hebilunba 12:1

To, kelima yaa siedinba n yaba boncianla lindi ti nani ku tawaligu yeni, tin tugidi mani yaa tugili n yie tipo kuli leni yaa*tuonbiadi n yaba ki lindi ti, ki yaa tiini leni li juunli yaa nuama n bili tipo.

Hebilunba 4:1

Lanwani hali ke U Tienu n den niani yaa ñoanianu o fuodima nni kuama po da baa ye, tin fangi mani ti yula ke yi siiga baa niyendo n da ti sua ke li pendi.

Hebilunba 4:11

Lanwani tin moandi mani hali bonŋanla ki kua laa fuodima nni, ke ti siiga niloba kuli n da pia mi yiema ki gbali mi kuama nani bani yeni.

Hebilunba 5:9

Wan den teni ke o ŋani ki dagidi cain yeni, o den tua yua n cuani yaa *tindima n kaa pia gbenma yaaba n tuo ki ŋua o kuli po.

1 Pieri 2:11

N buakaaba, n mia ki tundi yi, yinba yaaba n tie bi canba leni bi sancenba ŋanduna nni, ke yin yaa yiedi ki da tiendi yi gbanandi bonbuakaala yaala n tiendi bu toabu leni yi yantiana.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa *ŋanbili nni leni o yaa bandima nni ki pugidi. Wani n yaa baadi ti kpiagidi moala leni hali yaa yogunu kuli. Amina.