Filipi 2:1 - Gourmanchéma Bible

¹ Yi yema Kilisiti nni teni ke yi pia u fidu. O buama mo puni yi li papaali. Yi pia mi taanyenma leni o Fuoma. Yi pia li padingili leni mi niñingbadima yiyaba po.

U TIENU MAAMA TILI 2013

¹ Yi yema Kilisiti nni teni ke yi pia u fidu. O buama mo puni yi li papaali. Yi pia mi taanyenma leni o Fuoma. Yi pia li padingili leni mi ninñingbadima yiyaba po.

Filipi 2:1 ပူးပေါင်းရင်းမြစ်များ

Pisomi 133:1

Ban caa Jelusalema ki yiini yaa yanbu. Dafidi yanbu. Li ŋani ki go mani Ke yaaba n kpi n yaa taa ki ye leni yaba!

Esayi 16:11

Lani n teni ke n yiini bu yanbu leni n pali kuli Moabi po Nani u kogidimuanu yeni. N ye leni li pabiidili Kili-Halesa po.

Luki 2:25

Li yogunu o ja den ye Jelusalema ke bi yi o Simeyono. O den tie niteginka ki go fangi U Tienu, ki gu yua n baa baagi Isalele buolu yaaba. U Tienu Fuoma Yua den ye leni o.

Jan n diani U Tienu Laabaaliŋamo maama 14:18

N kan ŋa yi yibebe nani a kpienbila yeni, n go baa cua yikani.

Jan n diani U Tienu Laabaaliŋamo maama 14:27

N ŋa yipo mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi mani yi yama, yin da jie mani.

Jan n diani U Tienu Laabaaliŋamo maama 17:13

Moala n kpendi a kani. N maadi lani ki da ye ŋanduna nni ke min pia yaa pamanli buolu n dagidi bi niinni.

Jesu Tondiba Tuona 2:46

Daali kuli bi den taagi U Tienu diegu nni leni yanyenma kaa cedi, ki caa biyaba deni ki taandi ki taani dupen, ki boagidi bi jiema leni biyaba leni li pamanli leni li padingili,

Jesu Tondiba Tuona 4:32

Yaaba n den daani kuli den pia yanyenma leni yanjagiyenli. Oba kuli naa den yedi ke wan pia yaala tie wani bebe n baa die yaala, nilo kuli den tuo ke o piama tua o lieba kuli po.

LOMA YAABA 5:5

Mi suginma yeni kan boandi ti kelima U Tienu yaa buama gbieni ti pala kelima U Tienu Fuoma Yua, wan puni ti yua yaa po.

LOMA YAABA 8:26

Li tie yeni, mi Fuoma moko todi ti ti tadingu nni. Kelima tii bani lan pundi tin mia U Tienu yaa miabu ti jaandi nni. Ama mi Fuoma mani miba miadi U Tienu tipo ki duni yaa dunli n kaa pia maama.

1 Korenti 12:13

Tikuli den *batisi mi Fuoma yenma yeni yaa niinni, ke tin tua gbananyendi, lan tie Jufinba leni bi nilanba, lan tie i yonbi bi yaaba n die bi yula, U Tienu puni tikuli ke ti baa ki ñuni Fuoma yenma yaa kani.

1 Korenti 15:31

N kpiiba li tie moamoani ke n ye mi kuuma nni daali kuli nani lan tie ke n pia li pamancianli ti Diedo Jesu Kilisiti kani kelima yi yaa po maama.

1 Korenti 3:16

Yii bani ke yi tie U Tienu diegu ke o Fuoma ye yi niinni yoo?

2 Korenti 2:14

Tin yaa tuondi mani U Tienu, wani yua n teni ke ti paadi yogunu kuli Kilisiti nni. O teni ke ti yadi i kaani o bandima yaa nuulimanu.

Galati 4:6

Lani yaa po, kelima yi tua U Tienu bijaba, wani U Tienu n den soani o Bijua Fuoma ti pala nni ke o kpaani ki tua U Tienu: «N Baa, n Baa.»

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima, leni li yukubili.

Efesa 4:4

Gbananyendi n ye, mi Fuoma moko tie yenma, yeni moko suginyenma n ye, U Tienu n den yini yi yaama yaa po.

Filipi 1:8

U Tienu tie npo n siedo ke n bua yikuli leni Jesu Kilisiti yaa buamoanma.

Filipi 3:3

Kelima tinba n tie a jungimoana, yaaba n kpiagidi U Tienu kelima o Fuoma yaa po, ki jigini ti yula Jesu Kilisiti nni, ki naa bili ti dugidi ti gbanandi nni.

Kolosi 2:2

N tiendi yeni ke ban baa li papaali, ki taani yenma mi buama nni, ki yaa pia yaa yanfuoma n dagidi ke yin bandi yin dugi yaala yaa po cain. Li go tie ke yin bandi U Tienu *bondoaginkaala, lani n tie Kilisiti.

Kolosi 3:12

Lanwani yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa laa mani mi niñingbadima leni li *ŋanbili, li yumiinli leni mi dingima leni li juunli.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa opo ki cuo wan bili tipo yaa suginma ki muubi.

1 Pieri 1:2

U Tienu yua n tie Baa den gandi yi nani wan den tuodi ki bani ki jagi maama, ki teni ke o Fuoma gagidi yi ke yin yaa tuodi ki tiendi Jesu Kilisiti n yedi yaala, ke o soama mo n mii ki ŋanbi yi. Li *ŋanbili leni mi yanduanma n yaa pugidi yipo boncianla.

1 Jan 3:24

Yua n kubi li bali maama ye o U Tienu niinni, U Tienu mo ye o niinni. Lane ti bani ke o ye ti niinni kelima wan puni ti o Fuoma yaama yaa po.

1 Jan 4:12

Oba kuli daa laa U Tienu, ama ti yaa bua tiyaba, U Tienu ye ti niinni, o buama moko ye ti niinni ki dagidi cain.

1 Jan 4:16

Tinba, ti bani U Tienu n pia tipo yaa buama, ki dugi mipo. U Tienu tie buama. Yua n ye mi buama nni ye U Tienu niinni, U Tienu mo ye o niinni.