Filipi 1:6 - Gourmanchéma Bible

⁶ N daani ki go bani cain ke wani yua n cili laa tuonŋanli yi niinni, baa tuuni li hali lin dudi Jesu Kilisiti goacuama daali.

U TIENU MAAMA TILI 2013

⁶ N daani ki go bani cain ke wani yua n cili laa tuonŋanli yi niinni, baa yaa tuuni li hali ki dudi li, Jesu Kilisiti guacuama daali.

Filipi 1:6 ပူးပေါင်းရင်းမြစ်များ

Pisomi 138:8

Li Miali Diedo teni ke li kuli juodi npo bonŋanla. Li Miali Diedo, a ŋanbili ye hali yaa yogunu kuli. Ŋan da ŋa ŋan tagi yaaba leni a nuu.

Jan n diani U Tienu Laabaaliŋamo maama 6:29

Jesu den goa ki yedi ba: «U Tienu n bua yin soani yaa tuonli tie ke yin daani wan soani yua yeni.»

Jesu Tondiba Tuona 11:18

Yaaba n den funi leni o yeni n den gbadi li maama fuuli bi den cedi, ki kpiagi U Tienu ki yedi: «Lanwani U Tienu puni bi nilanba moko ke bi baa u sanu ki lebidi bi yama, ki baa li miali.»

Jesu Tondiba Tuona 16:14

Bi siiga poyendo den ye, yua n den fangi U Tienu, ke bi yi o Lidi. O den tie Tiatila dogu yua, ki tie kpendo ki kuadi yaa caba n moani ke a dunga pa. O Diedo den luodi o pali ke o tuo ki ga Polo n maadi yaa maama.

1 Korenti 1:8

Wani U Tienu n baa teni yin yaa se ki pa hali mi juodima yogunu, ke bi kan fidi ki kuli yi liba kuli ti Diedo Jesu Kilisiti cuama daali.

2 Korenti 1:15

Min den bani cain ke li baa tie yeni, n den jagi ke n baa kpa gedi yikani ke yin baa li ŋanbili ki pugini.

2 Korenti 2:3

N den diani yipo yeni kelima mii den bua ki baa li pabiidili yinba yaaba n baa mangidi n pali yaa kani. Kelima n dugi yipo ke n pamanli tie yikuli yaa pamanli.

2 Korenti 7:16

N pali mani ke n baa fidi ki dugi yipo li bonla kuli nni.

2 Korenti 9:4

Maseduana yaaba yaa yegi leni nni ki sua ke yii bogini ki gbeni, ti baa le i fe leni tin den pia yipo yaa dugidi yeni, mii go maadi yi yaa fe maama wani.

Galati 5:10

Mini yaa po, n pia yipo ti dugidi o Diedo nni ke yi kan tuo ki tia bontoala po. Ama yua n lengidi yi yama, wan tie yua kuli, U Tienu baa bu ki cuo o.

Efesa 4:12

O den tieni yeni ki bua ki yaa ŋanbidi o *nigagidiŋanba cain, ki bogini ba ban yaa tuuni, ki teni wani Kilisiti gbanandi n yaa kpedi ki suagi liiga.

Filipi 1:10

ke yin bandi ki gagidi ki gandi yaala n ŋani ki cie. Lani n baa teni yin yaa ŋani cain ki naa pia ban baa fidi ki kuli yi leni yaala Kilisiti goacuama daali.

Filipi 1:29

Kelima U Tienu n tieni yipo yaa ŋanbili yeni, laa tie ke yin daani Kilisiti bebe ka, ama yin go yaa laadi opo fala moko.

Filipi 2:12

Lanwani n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima ki yaa ye yi *tindima yema.

Filipi 2:13

Kelima U Tienu n baa teni yin bua ki go fidi ki tieni nani o yanjagiŋanli n tie maama.

Filipi 2:16

ki wangi ba li miali maama. Yi yaa tiendi yeni, li baa tie npo ti jigidi Kilisiti goacuama daali, kelima li baa doagidi ke mii den tiini mi nuama fanma fanma, kaa tuuni fanma fanma mo.

Kolosi 2:12

Nani ban den taani ki piini yi leni Kilisiti kelima mi *batisima po yeni, yi go fii bi tinkpiba siiga o yaa niinni ki taani leni o, kelima li dandanli U Tienu yua n den fiini o bi tinkpiba siiga paaciamu yaa po.

1 Tesaloniki 1:3

Ti tiani yogunu kuli kaa cedi ti Baa U Tienu kani yi *dandanli leni yi buama ti Diedo Jesu Kilisiti po n teni ke yi tuuni maama, leni yi suginma n se bonŋanla maama.

2 Tesaloniki 1:11

Li tie lani yaa po ke ti miadi U Tienu yipo yogunu kuli ke wan teni yin dagidi wan yini yi yaala yaa po. Ti go miadi o ke wan teni yin yaa tiendi wan jagi yin tieni yaa ŋanma kuli leni li dandanli tuonli kelima o paalu yaa po.

2 Tesaloniki 3:4

Ti pia yipo laa dugidi o Diedo nni ke yi tiendi ki go baa tiendi tin den puogi yi yaala kuli.

Filemon 1:21

Min diani lankuli yeni, n dugi apo ke a baa tuo ki tieni min yedi yaala, ki go bani ke a baa tieni baa ki cie min yedi yaala.

Hebilunba 10:35

Lanwani yin da ŋa mani yin pia yaa dugidi, yaadi n pia yaa panpaani n yaba.

Hebilunba 12:2

Tin yaa tiini ki nua Jesu yua n tie li *dandanli cilika leni li ŋanbika. Kelima yaa pamanli n den bili opo yaa po, o den tuo li*dapoanpoanli yaa kuuma, ki fali yaa fe n ye lienni, ki kali U Tienu bali kalikaanu jienu po.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa den laa fala u yogunu waamu po. Wani oba n baa ŋanbi yi cain, ki teni yin yaa se bonŋanla, ki paagi yi pala ke liba kuli kan fidi ki lengidi yi.

2 Pieri 3:10

O Diedo daali baa cua ki ludi bi niba nani li conconli yeni. Laa daali tanpoli baa bodi leni ku fuciangu. Yaala n ye lienni kuli baa cuo mi fantama ki nandi. Ki tinga leni yaala n ye lienni kuli mo baa cuo ki buodi.