Filipi 1:11 - Gourmanchéma Bible

¹¹ Yeni, yi baa yaa tuuni mi *teginma tuona ya n ñani Jesu Kilisiti kani, lan tua ti kpiagidi leni ti pagidi U Tienu po.

U TIENU MAAMA TILI 2013

¹¹ Yeni, yi baa yaa tuuni mi teginma tuona, ya n ñani Jesu Kilisiti kani, lan tua ti kpiagidi leni ti pagidi U Tienu po.

Filipi 1:11 ပူးပေါင်းရင်းမြစ်များ

Pisomi 1:3

O tie nani ban ŋuu yaa tibu u kpenu kani, Ke bu luoni bu bonluonkaala bu yogunu yaa cua. Bu faadi mo kan mali. Wan tiendi yaala kuli cuoni opo bonŋanla.

Esayi 5:2

O den ŋanbi ki tinga, ki ñani a tana, Ki baa yaa tiidi n ŋani ki ŋu. O den maa li diefoagili u kuanu siiga, Ki den gbini u datuodikaanu, Ki sugini ke duven tiidi baa luoni li bonluonkaala. Ama li den loni yaa bonluonkaala n bedi.

Esayi 60:21

A niba kuli baa tie niteginkaaba bebe, Bi baa diedi mi diema hali yaa yogunu kuli. Li tie min ŋu yaa benkpeli yeni, Ki tie n nuu tuonli, Ki doagidi n kpiagidi.

Esayi 61:11

Nani ki tinga n yen teni ki bonbulikaala n pudi maama Ke u kuanu mo teni u bonbii pudi maama, Li Miali Diedo U Tienu baa teni mi teginma leni ti pagidi n pudi I nilanbuoli kuli nintuali yene.

Esayi 61:3

N baa lebidi Siyono yaaba, Yaaba n ye li paboanli nni Ki pa ba ti kpiagidi lan lebidi mi fantanpienma kaanu Li pamanli tulale mo n ga li paboanli kaanu, Ti kpiagidi tiayiekaadi mo n ga li pabiidili kaanu Ke ban yaa yi ba mi *teginma ticiandi, Li Miali Diedo tiŋuuke, yi n baa doagidi o kpiagidi.

Matie 5:16

Yeni yin cedi mani yi yenma n yendi yeni bi niba kani ke ban le yi tuonŋama ki kpiagi yi Baa yua n ye tanpoli po.

Jan n diani U Tienu Laabaaliŋamo maama 15:16

Laa tie ke yinba ka den gandi nni. Ama mini n den gandi yi ki go gagidi yi, ke yin gedi ki yaa luoni li bonluonkaala, ke yi bonluonkaala mo n yaa ye. Lanwani Baa baa pa yi yin mia o yaala kelima n yeli po kuli.

Jan n diani U Tienu Laabaaliŋamo maama 15:2

Yaa benu n tuugi leni nni ki naa luoni kuli, o pedi u. Yaa benu n luoni mo kuli, o kpendi ki ŋanbidi u wun yaa luoni ki pugidi.

Jan n diani U Tienu Laabaaliŋamo maama 15:8

Yi yaa luoni li bonluonkaala boncianla, n Baa baa baadi ti kpiagidi lipo. Yeni, yi baa doagidi ke yi tie n ŋoadikaaba moko.

LOMA YAABA 15:28

N yaa caa ba laa tondu, ki teni ba ban taani bipo yaa paabu ki dudi, n baa tagi yikani ki gedi Esipana diema.

LOMA YAABA 6:22

Ama moala ke yi faabi leni ti tuonbiadi yonbidi ki tua U Tienu yonbi, yin baadi yaala lienni tie mi gagidiŋanma, ke likuli baa cuani yaa miali n kan gbeni.

1 Korenti 10:31

Lani, yi yaa baa je, leni yi yaa baa ño, leni yin baa tieni yaala kuli, tieni mani likuli U Tienu yaa kpiagidi po.

2 Korenti 9:10

Wani yua n puuni o kpakpaalo i bonbuoli, ki go puuni o o bonjekaala, baa pa yi yin fidi ki buli yi bonbuoli ki pugini, ki go teni yi bulicindi yeni bonluonkaala n yabidi.

Efesa 1:12

O den tieni yeni ke tinba yaaba n den kpa bili ti suginma Kilisiti nni, n yaa pagi o.

Efesa 1:14

U Tienu Fuoma Yua yeni tie tipo i *kpaaligi *U Tienu diema ŋalimani po, yaala n doagidi ke U Tienu baa faabi ti cain ke tin yaa pagi o kpiagidi.

Efesa 2:10

Ti tie U Tienu nuu tuonli. O tagi ti Jesu Kilisiti nni ke tin yaa tuuni a tuonŋama, wan den tuodi ki jagi ke tin yaa tuuni yaa.

Efesa 5:9

Kelima mi yenma n baa luoni yaa bonluonkaala tie li *ŋanbili leni mi teginma leni i moamoani.

Filipi 4:17

Laa tie ke n bua ki yaa baadi bu paabu ka, n bua yin baa ti ñuadi boncianla kelima laa paabu po.

Kolosi 1:10

Yeni yi tagu n yaa tie nani lan dagidi o Diedo po maama, ke yin yaa tiendi yaala n mani opo yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

Kolosi 1:6

Laa laabaaliŋamo pundi yikani ki yayadi ŋanduna nni kuli ki luoni o bonluonkaala ki yabidi ki pugidi. Li tie yeni yi siiga hali yin den gbadi o yaa daali ki bandi U Tienu ŋanbili n tie yaala moamoani.

2 Tesaloniki 1:12

Yeni ti Diedo Jesu yeli baa baa ti kpiagidi yi siiga, ke yi mo n baa ti kpiagidi kelima o yaa po, nani ti Tienu leni ti Diedo Jesu Kilisiti ŋanbili n tie maama.

Titi 3:14

Li tie tiladi ke ti yaa yaaba moko n bandi ki yaa tiendi ania a tuonŋama tienma po, ke ban fidi ki yaa baadi yaala n tie bipo tiladi, ke bani biba n da tie nani yaa tibu n kaa luoni yeni.

Hebilunba 12:11

Li tie moamoani ke tundifala kuli yen cili ki yaa tie pabiidili bonla kaa tie pamanli. Ama li yen yuandi ki cuani lan bangi yaaba yaa po mi *teginma leni mi yanduanma.

1 Pieri 2:12

Yin yaa pia mani u tagiŋamu bi *nilanba siiga. Lanwani, baa bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 2:5

Yinba yaaba moko n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi opo yaa pada n gagidi, ki go mani opo kelima Jesu Kilisiti yaa po.

1 Pieri 2:9

Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.

1 Pieri 4:14

Bi yaa sugidi yi kelima Kilisiti yeli po, li pamanli ye leni yi kelima ti kpiagidi Fuoma, wani U Tienu Fuoma yeni ye leni yi.