Filipi 1:10 - Gourmanchéma Bible

¹⁰ ke yin bandi ki gagidi ki gandi yaala n ŋani ki cie. Lani n baa teni yin yaa ŋani cain ki naa pia ban baa fidi ki kuli yi leni yaala Kilisiti goacuama daali.

U TIENU MAAMA TILI 2013

¹⁰ Lani n tie yin bandi ki gagidi ki gandi yaala n ŋani ki cie. Lani n baa teni, yin yaa ŋani cain, ki naa pia ban baa fidi ki kuli yi leni yaala Kilisiti guacuama daali.

Filipi 1:10 ပူးပေါင်းရင်းမြစ်များ

Mi cilima 20:5

Naani Abalahama wani oba kaa yedi nni ke o tie o waalo? O moko den yedi ke o tie o kpelo yo. N den tieni likuli leni li papienli leni yaa nii n ki pia tagiliba kuli.»

Jobi 12:11

Nani ban tua maama: ‹Li tubili gba ki gagidi mi maama, Nani bu lanbu n lengi ki gagidi mi jiema maama yeni.

Jobi 34:3

Kelima li tubili cengi ki gagidi mi maama, Nani bu lanbu n lengi ki gagidi mi jiema maama yeni.

Mise 3:2

Ama yi nani yaala n ŋani tienma Ki bua yaala n bia yaa tienma. Yi piti n niba gbandi, Ki kogidi bi nandi ki ŋaani a kpaba.

Matie 16:23

Ama Jesu den jigidi ki yedi Pieli: «Ña n puoli, Sutaani, a tie npo tingbali bonla, kelima a yantiana naa tie U Tienu yaa yaa, ama bi nisaaliba yaa yantiana.»

Matie 26:33

Pieli den goa ki yedi o: «Baa yaala n baa tieni a yaa baa tua tingbali bonla yaaba n sieni kuli po, mini wani ka.»

Jan n diani U Tienu Laabaaliŋamo maama 1:47

Jesu n den laa Nataneli ke o kpendi o kani, o den yedi: «Diidi, yua n kpendi na tie Isalele buolu yua moamoani, waa pia boandiba kuli o pali nni.»

Jan n diani U Tienu Laabaaliŋamo maama 3:20

Yua n tiendi yaala n bia kuli nani mi yenma. O kan cua mi yenma kani, kelima waa bua mi yenma n doagidi wan tiendi yaa tuonbiada.

Jesu Tondiba Tuona 24:16

Lani n teni ke n moandi yogunu kuli ke n pali siedi n da bu leni nni kelima tagiliba po U Tienu kani leni bi niba kani kuli.

LOMA YAABA 12:2

Da taa mani leni ŋanduna na niinni yaaba, ama yi yantiana pandima n teni yin lebidi ke yin fidi ki gagidi ki bandi U Tienu yanbuama, lani n tie yaala n ŋani, ki mani opo, ki go dagidi cain.

LOMA YAABA 12:9

Yin da bua yi lieba mo leni pala lie. Yin yaa nani mani yaala n bia, ki yaa kubi yaala n ŋani ke li pa.

LOMA YAABA 16:17

N kpiiba, n tundi yi ke yin fangi mani yi yula leni yaaba n fiindi mi paadima ki go tie tingbali bonla yi siiga, ki naa ŋua yin den baa yaa bangima. Yin foagidi mani leni ba.

LOMA YAABA 2:18

Yeni de, a bani o yanbuama, ki go bani ki gandi yaala n ;nani ki cie kelima bi den bangi a li bali maama.

LOMA YAABA 7:16

N yaa tiendi min ki bua ki tieni yaala yeni, n tuo ke li bali maama ;nani.

LOMA YAABA 7:22

N pali tugu nni U Tienu bali maama mani npo.

LOMA YAABA 8:7

Li tie yeni, ki yaa ŋua ti gbanandi n bua yaala tie ti yibalindi leni U Tienu, kelima laa tuo ki tiendi U Tienu balimaama n bili yaala, li kan fidi moko.

1 Korenti 1:8

Wani U Tienu n baa teni yin yaa se ki pa hali mi juodima yogunu, ke bi kan fidi ki kuli yi liba kuli ti Diedo Jesu Kilisiti cuama daali.

1 Korenti 10:32

Yin da tieni mani yaala n baa teni ke Jufinba leni yaaba n kaa tie Jufinba leni U Tienu n yini yaaba kuli n tuudi ki baa ti*tuonbiadi nni.

1 Korenti 8:13

Lanwani jiemaba yaa baa guli n kpiilo, n kan go je laa jiema hali abada, ke min da guli n kpiilo.

2 Korenti 1:12

Tin jigini ti yula yaala yaa po tie ke ti pala siedi doagidi ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni yi moko yaa siiga. Tii den pia laa tagiŋamu kelima o nisaalo yanfuoma po ka, ama kelima U Tienu ŋanbili po.

2 Korenti 2:17

Tii tie nani bi niba boncianla yaaba n lebidi U Tienu maama ke man tua li baali, ama tinba, ti maadi U Tienu po leni li payenli wani U Tienu nintuali, Kilisiti nni.

2 Korenti 6:3

Tii tieni oba n tudi liba kuli nni, ke ti tuonli n da tie ban baa fidi ki sugi yaali.

2 Korenti 8:8

Mii bili yipo n ñoabonbilikaali ka, n togidi nitoaba yaa yankuale ki bua ki biigi ki le yi buama yaa tie buamoanma.

Galati 5:11

N kpiiba, li yaa bi tie ke n baa wangi ke ku koanciagu tie tiladi, be yaa po ke bi go wangi nni fala? Li yaa bi tie yeni, li *dapoanpoanli n cuani yaa tudima bodi.

Efesa 4:15

Ama ti yaa maadi i moamoani leni mi buama, ti baa yaa kpedi ki dagidi li bonla kuli nni, Kilisiti nni wani yua n tie li yuli.

Efesa 5:10

Yin biigi ki bandi yaala n baa mani o Diedo po,

Efesa 5:27

ki teni ban pundi ki sedi o kani ki pia ti kpiagidi, kaa pia joagindiba leni golimaba leni yaala n gundi kuli. Ama ban gagidi ki yaa ŋani cain, kaa pia ban baa fidi ki kuli ba leni yaala.

Efesa 6:24

Li *ŋanbili n yaa ye leni yaaba n bua ti Diedo Jesu Kilisiti leni yaa buama n kan lebidi hali abada.

Filipi 1:16

Bine wangi o Laabaaliŋamo kelima bi bua nni, ki bani ke n ye ne kelima U Tienu puogi nni ke min maadi ki ga o Laabaaliŋamo ki doagidi ke o tie moamoani.

Filipi 1:6

N daani ki go bani cain ke wani yua n cili laa tuonŋanli yi niinni, baa tuuni li hali lin dudi Jesu Kilisiti goacuama daali.

Filipi 2:16

ki wangi ba li miali maama. Yi yaa tiendi yeni, li baa tie npo ti jigidi Kilisiti goacuama daali, kelima li baa doagidi ke mii den tiini mi nuama fanma fanma, kaa tuuni fanma fanma mo.

1 Tesaloniki 3:13

O Diedo n yaa paagidi yi pala ke ti Baa U Tienu n yaa nua ke yi gagidi cain wani U Tienu po, kaa pia ban baa fidi ki kuli yi leni yaala ti Diedo Jesu n go baa cua leni o *nigagidiŋanba kuli yaa yogunu.

1 Tesaloniki 5:21

Yin yaa bigidi mani li bonla kuli ki yaa kubi yaala n ŋani.

1 Tesaloniki 5:23

Mi yanduanma Tienu, wani oba n yaa gagidi ki ŋanbidi yi cain yi pala nni, yi yantiana nni leni yi gbanandi nni kuli, ke yin da pia tagiliba kuli ti Diedo Jesu Kilisiti cuama daali.

Josue 24:14

Lanwani Josue go den yedi ba: «Moala yin fangi mani Li Miali Diedo ki yaa ŋua o leni i moamoani leni yaa yantiali n ki pia janbi. Yin ñani mani yi siiga yi yaajanba n den ŋua yaa buli Yufilata kpenciamu duoli po, leni Ejipiti po, ki yaa ŋua Li Miali Diedo.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi sawalipua-faadanba boncianla yayadi ŋanduna nni.

Mi Doagidima 2:2

‹N bani a bontienkaala, leni a tuonfala, leni a juunli. N bani ke a kan tuo bi nibiadiba po. A den biigi yaaba n tua ke bi tie tondiba ki naa tie yeni, ki sua ke bi tie tuofaadanba.