Filemon 1:6 - Gourmanchéma Bible

⁶ N miadi U Tienu ke ŋan pia yaa taanyenma leni ti kelima li dandanli yaa po, n yaa pia mayuli ki teni ŋan bandi tin pia yaa sela kelima tin ye leni Kilisiti yeni po.

U TIENU MAAMA TILI 2013

⁶ N miadi U Tienu ke ŋan pia yaa taanyenma leni ti kelima li dandanli yaa po, n yaa pia mayuli, ki teni ŋan bandi tin pia yaa seli kelima tin ye leni Kilisiti yeni po.

Filemon 1:6 ပူးပေါင်းရင်းမြစ်များ

Matie 25:16

Yaa naacemo n den ga talaninba muu den fii ki ban tieni u kpendu, ki baa talaninba muu ki pugini.

Matie 5:16

Yeni yin cedi mani yi yenma n yendi yeni bi niba kani ke ban le yi tuonŋama ki kpiagi yi Baa yua n ye tanpoli po.

1 Korenti 14:25

Yaala n wuo o pali nni kuli baa wuodi. Lanwani o baa labini U Tienu nintuali ki kpiagi o ki yedi ke U Tienu ye yi siiga moamoani.

1 Korenti 16:9

kelima u sanu luodi npo yaala n tie n tuonli po, ama yibalinba moko yaba.

Filipi 4:8

N kpiiba, yaa maama n sieni tie mine: yin yaa tia mani yaala n tie moamoani kuli, leni yaala n pia ti jigidi kuli, leni yaala n tiegi kuli, leni yaala n ŋani kuli, leni bi niba n baa bua yaala ki faadi la kuli, leni yaala n pia siediŋamo, leni yaala n pia ti bulicindi ki pundi bi niba n pagi la kuli.

Kolosi 1:9

Li tie lani yaa po ke hali tin gbadi lankuli yaa daali, ti jaandi yipo U Tienu kaa cedi ki miadi o wan gbieni yi pala leni yaa yanfuoma leni yaa fanu n ñani wani U Tienu kani, ke yin bandi o yanbuama.

Kolosi 3:10

ki lani u tagipaanu, yu n pandi mi bandima nni cain yogunu kuli, nani yua n tagi u yaa nannanli yeni.

Titi 3:14

Li tie tiladi ke ti yaa yaaba moko n bandi ki yaa tiendi ania a tuonŋama tienma po, ke ban fidi ki yaa baadi yaala n tie bipo tiladi, ke bani biba n da tie nani yaa tibu n kaa luoni yeni.

Hebilunba 6:10

U Tienu tiegi. O kan sundi yin den tieni yaala ki doagidi yi buama opo leni yin den todi bi *nigagidiŋanba ki go baa todi ba maama.

Jaki 2:14

N kpiiba, o nilo yaa yedi ke o pia li dandanli ki naa pia a tuona, li pia be fuoma? Naani o dandanli yeni baa fidi ki tindi o bi?

Jaki 2:17

Li tie yeni leni li dandanli: li yaa pia a tuona, li kpe.

1 Pieri 2:12

Yin yaa pia mani u tagiŋamu bi *nilanba siiga. Lanwani, baa bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 3:1

Yinba bi puoba mo, yin yaa miindi yi yula yi ciaba kani, ke bi siiga tianba yaa tuo U Tienu maama, yi tagi n tie maama n teni ban tuo ki daani, baa ke yii maadi ba maamaba kuli,

1 Pieri 3:16

Ama lan yaa tie leni mi dingima leni li fangili. Yaa pia mani yaa pali siedi n ŋani, lani, baa bi yaa sugidi yi ki kuli yi ke yi tie i tagili danba, yaaba n sugidi yin pia yaa tagiŋami Kilisiti nni yeni n le i fe.

2 Pieri 1:8

Kelima laa bonŋanla yaa ye yi niinni ki pugidipugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi.