Esiteri 9:3 - Gourmanchéma Bible

³ A baditiebila, leni bi yudancianba, leni a koanbala leni bi badibaanba den sedi Jufinba puoli kelima bi den jie Malidoke.

U TIENU MAAMA TILI 2013

³ A badibila, bi yudancianba, a koanbala leni bi badibaanba den sedi Jufinba puoli, kelima bi den jie Mardoke.

Esiteri 9:3 ပူးပေါင်းရင်းမြစ်များ

Esidirasi 2:2

Yaaba n den gobidi ba den tie Solobabeli, Josue, Nehemi, Selaja, Leelaja, Malidoke, Bilisani, Misipali, Bigifayi, Lehumi leni Baana. Isalele yaaba buoli leni bi coali nne:

Esidirasi 8:36

Li yaa puoli bi den caa bi yudancianba leni u kpenu nintuali gufeneelinba o bado ñoabona. Lanwani bi den todi Isalele yaaba U Tienu diegu tuonli po.

Esiteri 3:12

O ŋmakpialo piiga n dataali daali bi den yini o bado tidianla ke bi diani Hamana n yedi ba yaala kuli. Bi den diani ki soani mi diema kuli nni bi yudancianba leni bi badibaanba leni nibuolu kuli yudanba kani. Bi den diani ki soani diebiga kuli po nani kan dangi maama leni yaa nibuolu n ye ki niinni n maadi yaa mabuolu. Bi den diani nani o bado Asuelusi wani oba n diani, ki taa o bado ñoagima ki pua ki tieni o maalima.

Esiteri 8:17

O bado bali maama leni o ñoabonli yeni n den pundi yaa diebiga leni yaa dociamu kuli nni Jufinba den ye leni li pamancianli ki tieni mi jaanma leni mi jaanjiema. Yaa nibuoli n den ye mi diema nni kuli siiga, bi niba boncianla den lebidi ki tua Jufinba kelima bi den jie Jufinba boncianla.

Esiteri 8:5

ki yedi: «Fini o bado yaa laa ke li ŋani, ki dagidi, a yaa baa tuo npo, a pali yaa mani npo, ŋan ñani a ñoabonli ban diani li tili ki yie Hamana n den jagi ki diani yaa tila yaa po. Wani Hamana, Agagi buolu yua Hamedata bijua, den jagi ki diani a tila ke ban bolini yaa Jufinba n ye a diema nni kuli. Ŋan diani ki bolini laa tila yaa maama.

Esiteri 8:9

Laa yogunu, yaa ŋmaalo n yi Sifana ki tie citaa piilie n dataali daali bi den yini o bado tidianla ke bi diani Malidoke n yedi ba yaala kuli. Bi den diani ki soani Jufinba po, leni bi yudancianba, leni a koanbala leni a baditiebila yaaba n die mi diema kobiga n piilie n diebileleeda, ki cili puoli po Inde diema ki yaa caa hali Etiopi diema nintuali po. Bi den diani ki soani diebiga kuli po nani ban dangi laa diebiga nni maama, leni yaa nibuolu n ye ki niinni n maadi maama.

Danieli 3:2

Lani o bado Nebukanesa den soani ban ban yini gufeneelinba, bi cancantieba, a koanbala, mi diema ligikubida, bi bujiaba, bi saliyajiaba, bi badijaba leni bi paatieba kuli. O den soani ban ban yini ba ke ban cua ki jaani yaa jaanma n baa gagidi o bado Nebukanesa n den teni ke bi sieni yaa nisaali-nannanli yeni.