Esiteri 9:2 - Gourmanchéma Bible

² Jufinba den taani ban den yeye yaa dogi nni, o bado Asuelusi diema kuli nni, ki tuogi leni yaaba n den lingi ki baa kpa ba kuli. Nilo kuli ki den fidi ki tuogi leni ba ke li gedi kaanu kelima i nibuoli kuli den jie ba ke li kandi.

U TIENU MAAMA TILI 2013

² Jufinba den taani ban den ye ye yaa dogi nni, o bado Asuerusi diema nni kuli, ki tuogi leni yaaba n den lingi ki baa kpa ba kuli. Niloba kuli ki den fidi ki tuogi leni ba ke li gedi kaanu, kelima i nibuoli kuli den jie ba ke li kandi.

Esiteri 9:2 ပူးပေါင်းရင်းမြစ်များ

Esiteri 8:17

O bado bali maama leni o ñoabonli yeni n den pundi yaa diebiga leni yaa dociamu kuli nni Jufinba den ye leni li pamancianli ki tieni mi jaanma leni mi jaanjiema. Yaa nibuoli n den ye mi diema nni kuli siiga, bi niba boncianla den lebidi ki tua Jufinba kelima bi den jie Jufinba boncianla.

Esiteri 8:11

A tila yeni niinni, o bado den puni Jufinba u sanu, ban ye yaa dogu nni kuli, ban taani leni biyaba ki moandi ki ga bi yula, ki kpa, ki bolini yaaba n baa taa ti toatiadi ki bua ki kpa ba kuli. Ban tie yaa nibuolu leni ban ñani yaa diebiga kuli, ban bolini bani leni bi bila leni bi puoba kuli, ki go fagi bi piama.

Pisomi 71:24

Daali kuli n lanbu baa maadi a teginma maama, Kelima yaaba n bua n kuuma kuli i fe cuo ba ke bi fiagi.

Pisomi 71:13

Yaaba n bua ki ñani n miali n fiagi ki bodi! Yaaba n lingi npo yaala n bia, I fe n ŋuagini ba, ban fiagi ki tibini bi yula.

Esayi 8:9

I nibuoli, kuudi mani boncianla Yi baa jie ki luodi Yi kuli n cengi bonŋanla mani Yinba yaaba n ye hali foagima, Bogini mani bu toabu po. Yi baa jie ki luodi.

Josue 11:20

Kelima Li Miali Diedo den teni ke bi juagi bi pala ki tuogi leni Isalele yaaba bu toabu, ke bani Isalele yaaba n kpa ba ki bolini ba cain, kaa gbadi bipo niñima, nani Li Miali Diedo n den waani Musa maama.

Josue 2:9

ki yedi ba: «N bani ke Li Miali Diedo puni yi ti diema na, ti jawaandi cuo ti boncianla kelima yipo. Mi diema niba kuli tugusoama sani ke bi jigi cie kelima yipo.

Mi Tiadima 2:30

Ama Hesiboni bado Sihoni naa den bua ki tuo tin tagini o kani, kelima Li Miali Diedo yi Tienu n teni ke o yantiali paagi ki juagi o pali mo ki ŋa o yi nuu nni nani yin nua maama dinla yeni.

Mi Ñama 23:27

N baa teni n jawaandi n cuo ŋan baa gedi yaa nibuoli kuli kani ban sani. N go baa teni yi yibalinba kuli n sani yi nintuali.

Mi cilima 35:5

Lan den pendi bi den fii. U Tienu den teni ke ti jawaanciandi den cuo yaa dogi n den lindi ba kuli, ke baa den tuo ki ŋoadi ki deli Jakobo bijaba.