Esiteri 7:4 - Gourmanchéma Bible

⁴ Kelima bi kuadi ti, mini leni n nibuolu yeni, ki baa kodi ti ki bolini ti cain. Li yaa bi tie ke bi kuadi ti tin tua yonbi, n bi baa yaa ŋmini, ama lan tie maama yeni, ti yibali kan fidi ki ŋanbi wan baa biidi fini o bado po yaala.»

U TIENU MAAMA TILI 2013

⁴ Bi kuadi ti, mini leni n buolu yeni, ki baa kodi ti ki bolini ti cain. Li yaa bi tie ke bi kuadi ti tin tua yonbi bebe yo, n bi baa yaa ŋmini. Ama lan tie maama yeni, ti yibali kan fidi ki ŋanbi wan baa biidi fini o bado po yaala.»

Esiteri 7:4 ပူးပေါင်းရင်းမြစ်များ

Nehemi 5:5

Ama tikuli taa buolu. Ti bila tie nani bi bila yeni. Ti teni ke ti bila kua ti yonbidi nni. Ti bisiaba boncianla kua ti yonbidi yeni niinni no. Tii pia kuli tin baa tieni maama kelima ti kuani leni ti duven tiidi kuli tie nitoaba yaala.»

Esiteri 3:13

Bi den teni a tila yeni a tonda ke bi gedini a o bado diema nni kuli ki tenteni. A tila yeni niinni li den bili ke ban kpa ki bolini Jufinba kuli, bi nipanba leni a nikpela, a bila leni bi puoba, ki go fagi bi bonpiakaala. Ban bolini bikuli dayenli, piiga n cilie, ban yi yua Adadi, yaa piiga n dataali daali.

Esiteri 3:9

Fini o bado yaa sua ke li dagidi, ŋan ñani a ñoabonli ki diani ki bili ke ban bolini ba. Lani, n baa taa ŋanjilifa yua yaa kpiagu n pundi kilo tuda kobitaa, ki teni yaaba n kubi i ligi ŋantaadi ban tieni a ŋalimano nni.»

Esiteri 7:5

O bado Asuelusi den yedi o pobado Esita: «Yua n jagi ke o baa tieni laa bonla tie ŋme? O ye le?»

Esiteri 7:6

Esita den goa ki yedi o: «Ti yibali, yua n wangi ti fala, tie Hamana, yaa nibiado n tie na.» Ti jawaanciandi den cuo Hamana o bado leni o pobado nintuali.

Esiteri 8:11

A tila yeni niinni, o bado den puni Jufinba u sanu, ban ye yaa dogu nni kuli, ban taani leni biyaba ki moandi ki ga bi yula, ki kpa, ki bolini yaaba n baa taa ti toatiadi ki bua ki kpa ba kuli. Ban tie yaa nibuolu leni ban ñani yaa diebiga kuli, ban bolini bani leni bi bila leni bi puoba kuli, ki go fagi bi piama.

Esiteri 8:6

Kelima n baa ga lede ki yaa nua yaa janda n baa cua n niba po, n baa ga lede ki yaa nua ban baa bolini n buolu maama?»

Esiteri 9:25

Ama Esita den kua ki laa o bado ke o ñani o ñoabonli ki diani ke Hamana n den jagi yaa yanjagibiadili ki bua ki bolini Jufinba yeni n goa ki baa o yuli po, ke ban joani o, wani leni o bijaba kuli ku daagu po ki soadi ba.

Danieli 6:2

Daliyusa den sua ke li ŋani wan gandi niba kobiga n piilie ki dini ba li bali ban yaa tie gufeneelinba yaaba n baa kakali mi diema nni kuli ki yaa die ki gobidi.

Amosi 2:6

Li Miali Diedo yedi mi ne: «Isalele yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi kuadi o niteginka yua n pia bi panli Ki kagidi bi ligi, Bi kuadi o luodo kelima o daa cacaapilima kaa fidi ki pani.

Luki 12:45

Ama laa naacemo yaa yedi o pali nni: ‹N canbaa waagi mi kpenma,› ki di pua bi tuonsoanba, bi jaba leni bi puoba kuli, ki di ki go ñu hali ki gaadi,

Mi Tiadima 28:68

Lanwani Li Miali Diedo baa kuani yi ti ñinbiaciandi ki gedini yi Ejipiti nni. Lani yi baa tagini min den waani yi yaa sanu: ‹Yi kan go le u.› Lanpo yi baa n kuadi yi yula yi yibalinba po nani yi yonbi leni a potuada yeni. Li nan kan baa yua n baa da yi mo.»

Josue 9:23

Moala yi ye leni ti solindi, yi kan ña ti yonbidi nni, yi baa yaa pe ti daadi, ki yii mi ñima n Tienu diegu po.»

1 Samueli 22:23

Ŋan yaa ye n kani ki da jie liba, kelima yua n moandi ki bua ki ñani n miali, o moandi ki bua ki ñani a yaali mo. A yaa ye n kani liba kuli kan tieni a.»