Efesa 5:3 - Gourmanchéma Bible

³ Yin da tuo mi *conconma maama leni majoagindi buoluba kuli, bi mi ŋaliŋabuama maama n ña yi siiga baa waamu, kelima laa dagidi yinba bi *nigagidiŋanba po.

U TIENU MAAMA TILI 2013

³ Yin da tuo mi conconma maama leni majoagindi buoluba kuli, bi mi ŋaliŋabuama maama n ña yi siiga ba waamu, kelima laa dagidi yinba bi nigagidiŋanba po.

Efesa 5:3 ပူးပေါင်းရင်းမြစ်များ

Pisomi 10:3

O nibiado pagi o yuli leni wan jagi ki tieni yaala. O yaa tieni i janbi ki baa yaala, Se wan soli ki go ñuadi Li Miali Diedo.

Pisomi 119:36

Pa nni li yankuali a ñoabonbilikaana po Ki nan da pegidi n pali ti ñuadi lingima po ka.

Mi Ñama 18:21

Ŋan gandi bi niba siiga bi yanfodanba yaaba n jie U Tienu ki bua i moamoani ki nani li suuli. Ŋan dini ba li bali ke ban tua niba tudilitudili yudanba leni niba kobigakobiga yudanba leni niba piimumuu yudanba leni niba piigapiiga yudanba.

Mi Ñama 20:17

Yin da pia li nunponbiadili yi nisaalilielo diegu po, o pua po, baa o naacemo po, baa o potuado po, baa o nua po, baa o ŋunbo po, baa yi nisaalilielo n die yaa bonla kuli po.»

Mi Ñama 23:13

Yin ŋoadi n ñoabona kuli bonŋanla. Yin da tiadi buliba kuli po, ban da gbadi bi maama yi ñoana nni.

Mi Kpanjama 28:16

Yaa gobidika n luo mi yama tiendi yaa bonla n goli boncianla, Ama yua mo n nani i janbi baali, miali dana baa foagidi.

Jeremi 22:17

Ama fini wani, a li lingi a yuceli ŋamu bebe yo. A faadi ki wuli yaaba n ki pia tagili soama. A yaa tugumoangu mo yaba boncianla.

Jeremi 6:13

Kelima ki cili leni yua n wa ki ban tuoni yua n yaba ki cie, Bikuli lingi bi yucela ŋamu bebe Ki cili o kopadiciamo ki ban taani leni o *sawalipualo Bikuli ye i janbi po yo.

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani. Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o sawalipualo ki ban taani o kopadiciamo, Bikuli li ye i janbi po yo.

Esekieli 33:31

N niba yeni kpendi boncianla a kani ki bua ki gbadi a maama. Bi cengi ma wani, ama bi nan kan kubi ma, kelima bi pia mamandi bebe. Lanwani bi gbanandi bonbuakaala n dia ba.

Levi 15:18

O ja yaa dua leni pua, bi kuli baa wali ki yaa ye leni bi joagindi hali ku yenjuogu.

Mise 2:2

Bi fenli ban pia li nunponli bi lieba kuani yi yaa po, Bi fenli ban pia li nunponli bi lieba diedi yaadi yaa po. Bi mabindi bi niba leni bi diedi kuli. Ki fenli bi piama kuli.

Mi Coadima 25:1

Isalele yaaba den kaa Sitimi. Lankani bi den cili ki tiendi ti cagindi leni Moabi diema yaaba bisiaba.

Matie 15:19

Kelima ti yanmaalibiadi leni mi kukpama leni mi *conconma buoli kuli leni bu subu leni mi siedi faama leni ti sugidi kuli ña li pali nne.

Luki 12:15

O go den yedi bi niba kuli: «Fangi mani yi yula bonŋanla leni mi ŋalimanbuama, kelima o nilo miali ki ŋua o ŋalimano n yaba maama.»

Luki 16:14

*Falisieninba yaaba n den bua i ligi ke li kandi den gbadi lankuli ki ñuadi Jesu.

Jesu Tondiba Tuona 15:20

Ama tin diani ki waani ba ke ban kubi bi yula, ki da biidi bi yula ki je i *buli padijiema kuli, ki go kubi bi yula leni mi *conconma buoli, ki da ŋmani ti yansoadikaadi ki da ŋmani mi soama.

Jesu Tondiba Tuona 20:33

Mii den kuani n yama oba kuli ligi nni, yaaka o wula nni, yaaka o tiadi nni.

LOMA YAABA 1:29

Yaala n kaa tiegi kuli gbie bi pala nni, yaala n bia, leni mi ŋaliŋabuama, leni mi biadima. Bi pala go gbie leni li nunponli, leni mi kukpama leni li koanli leni mi niama kuli, leni bu nunfanbiadibu leni ku tugutongu.

LOMA YAABA 16:2

Yin ga o cangu o Diedo nni nani lan pundi bi nigagidiŋanba n yaa tiendi maama, ki todi o leni wan baa bua yi todima yaa bonla nni kuli, kelima wani oba todi niba boncianla leni mini moko.

LOMA YAABA 6:13

Yin da go teni ti tuonbiadi n diedi yi gbananbuoli, ke ti tuonbiadi n taa ki yaa tiendi mi biadima. Ama yin teni U Tienu yi yula nani yaaba n fii bi tinkpiba siiga ki go ye ki fo yeni. Yin yaa puuni mani yi gbananbuoli U Tienu ki yaa tiendi yaala n tiegi.

1 Korenti 10:8

Tin da pa ti yula mi conconma mo nani bi siiga bi tianba n den puni bi yula mipo maama, ke piilie n niba tudataa (23 000) den kpe dayenli.

1 Korenti 5:1

I kaani kuli bi niba tua ke mi conconma ye yi siiga, yaa conconma buolu n kaa ye baa bi nilanba siiga. Lani n tie ke yi siiga o niyendo ye leni o baa pua.

1 Korenti 6:13

Yi go tua: «Mi jiema ye ku tugu po, ku tugu mo ye mi jiema po.» U Tienu baa ti bolini likuli yenma. Ama ti gbanandi naa ye mi conconma po ka, ti ye o Diedo yaa po, o Diedo mo ye ti gbanandi yaa po.

1 Korenti 6:18

Yin sani ki foagidi mani leni mi conconma. Tuonbiatoadi kuli ye ti gbanandi niinpo, ama yua n puni o yuli mi conconma po, tudi o gbanandi po yo.

2 Korenti 12:21

N jie ke n yaa cua, n Tienu baa miidi nni yi siiga. N jie ke n baa buudi kelima tianba po, bani yaaba n den kpa tieni ti *tuonbiadi ki naa lebidi bi yama ki ŋa ban den kubi ki tiendi yaa *joagindi leni yaa conconma leni yaa cagindi kuli yeni.

Efesa 5:12

Kelima li pia i fe, baa ki maadi ban tiendi yaa bonla ŋasiili nni.

Efesa 5:5

Yin bandi mani ke baa niyendo yua n tie mi conconma daano leni yua n tiendi ti *joagindi, leni o ŋaliŋabualo yaala n tie opo nani i *buli ŋoadima, kan baa U Tienu leni Kilisiti diema ŋalimani.

Filipi 1:27

Lanwani bonyenla tugi li yuli, lani n tie ke yi tagi n yaa de leni Kilisiti yaa Laabaaliŋamo. N yaa fidi ki cua yikani ki laa yi, leni n yaa fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Kolosi 3:5

Lanwani yin kpa mani ŋanduna bonbuaka-biadila yaala n die yi gbananbuoli nni, mi conconma leni ti cagindi buoli kuli, leni ti gbanandi bonbuaka-biadila, leni yaala n *joagini yaa buama kuli, leni mi ŋalimanbuama, yaala n tie nani i *buli ŋoadima yeni.

1 Tesaloniki 4:3

U Tienu n bua yaala lan tie yi gagidiŋanma, ke yin kubi yi yula ki da tieni conconbuoluba kuli.

1 Tesaloniki 4:7

U Tienu ki den yini ti ke tin yaa kubi mi conconma ka, ama mi gagidiŋanma po.

1 Timote 2:10

Ama ban yaa sibidi biba leni a tuonŋama, lan dagidi yaa puoba n tieni siedi ke bi ŋua U Tienu n yaa tiendi maama.

1 Timote 3:3

Wan da tie yua n puni o yuli li dañoli, wan da tie yua n bua janjanma, wan yaa tie yua n dingi kaa bua koanli, kaa bua ligi ke li pendi.

1 Timote 6:10

Kelima i ligi buama tie bonbiadila buoli kuli yaa jiinu. Bi nitianba den kuani bi yama mi ligibuama nni, ki yaadi ki ŋa li *dandanli ki kuani bi yula li pabiidicianli nni.

2 Timote 3:2

Kelima bi niba baa bua bi yula ŋamu bebe, ki tua i ligi buakaaba. Bi baa tie ñoakpalidanba leni japaadanba, ki tie a nisugida, leni bi danyiekaaba, leni ŋanwaadanba, ki go tie yaaba n kaa fangi U Tienu.

Titi 1:11

Li tie tiladi ŋan mubini bi ñoana, kelima bi yagini ti dietiandi yama ki bangi ki lingi ki baa i janbi ñuadi.

Titi 1:7

Li tie tiladi ke Kilisiti n yini yaaba gobidika n yaa tie U Tienu naacen-juoginka, wan da pia ban baa fidi ki kuli o yaala. Wan da tie tupaalu daano, ki da tie mutuodaano, ki da tie dañolo, ki da tie nipualo, ki da tie yua n kuandi o yama yaa i janbi yaa ñuadi nni.

Titi 2:3

Ŋan go yaa wangi a pociana ke bi tagi n yaa tuugi leni mi gagidiŋanma, ban da tie tuotabigu danba, yaaka dañogaada. Ama li pundi ban yaa bangi yaala n ŋani,

Hebilunba 12:16

Yin go fangi mani yi yula ke oba n da tie conconma daano, leni yua n fali yaala n gagidi nani Esayu yeni, yua n den kuadi o nikpedi kelima jeyenma po.

Josue 7:21

N den laa ti fagidi siiga kpaligolikaŋanbu ke bu ñani Mesopotami diema po, leni ŋanjilifa kujapiena kobilie, leni wula bonmunmunli ke li kpiagu pundi kilo boagidima. N den laa lankuli ke n yama kua lienni ke n taa. Likuli wuo tinga nni n gbandieli siiga ke ŋanjilifa ye li tiipo.»

1 Pieri 5:2

Yin yaa kpaa mani U Tienu yankulu, yu n ye yikani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la ke yi yama ye lienni moamoani.

2 Pieri 2:10

O bujiali cuonu n baa cuo yaaba ki cie tie yaaba n ŋua bi gbanandi bonbuakaala yaala n *joagini, ki go fali o Diedo bali. Laa bangi-faadanba pia ti japaadi leni yaa tuli n pa, baa jie ki sugidi baa malekinba yaaba n pia ti kpiagidi.

2 Pieri 2:14

Bi nuni gbie leni mi conconma. Bi kan tieni tuonbiadi ki guo. Bi boandi ki dadi yaaba n tadi, ki gbie leni mi ŋaliŋabuama. U Tienu solindi jagi bi yula po.

2 Pieri 2:3

Kelima bi bangi-faadanba yeni ŋaliŋabuama po bi baa baadi yi kani li baali ban bungi ki ñani yaa bangifaama po. Bi bujiali cuonu bili bipo hali yogu ki kpendi, bi bolinma mo kan go waagi ki cua.

Mi Doagidima 2:14

Ama min fu leni yaa bonla po tie ke a pia a kani yaaba n ŋua *Balaama bangima, yua n den bangi *Balaaka ke o tulini Isalele yaaba ke bi ŋmani ti padinandi ki go conbi.

Mi Doagidima 2:21

N den puni o u yogunu wan lebidi o yama, ama waa bua ki lebidi o yama o conconma po.

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i *buli danba, yaaba n bua mi faama ki go pua ma kuli baa ye niinpo.

Mi Doagidima 9:21

Baa den lebidi bi yama yaala n tie mi kukpama po, leni bi ñoagibiadi, leni bi conconma, leni bi subu.

1 Samueli 8:3

Baa den ŋua bi baa Samueli fuuli, bi den bua mi piama boncianla ki gaani a suuna. Baa den gobidi ke li tiegi.