Efesa 3:3 - Gourmanchéma Bible

³ Li tie U Tienu doagidima po yo ke n bandi laa bondoaginkaala nani min diani yipo maama waamu.

U TIENU MAAMA TILI 2013

³ Li tie U Tienu doagidima po yo, ke n bandi laa bondoaginkaala nani min diani yi po maama waamu.

Efesa 3:3 ပူးပေါင်းရင်းမြစ်များ

Jesu Tondiba Tuona 22:17

Min den ti guani Jelusalema ki ye U Tienu diegu nni ki jaandi U Tienu, n den laa li bonlekaala.

Jesu Tondiba Tuona 22:21

Lani o Diedo den yedi nni: ‹Fii ki gedi, kelima n baa soani a hali foagima, bi nilanba po.› »

Jesu Tondiba Tuona 23:9

Ku fuugu den tieni boncianla. Li *bali maama bangikaaba bi tianba yaaba n tie Falisieninba den fii ki nia leni u paalu ki yedi: «Tii sua ke o ja na pia tagiliba. Daalinba ciciligaba yaaka malekoba n maadi leni o.»

LOMA YAABA 11:25

N kpiiba, mii bua yaa bondoaginkaala n tie na n yaa boani yi, ke yin da nua yi yula ke yi tie yanfodanba. Laa bondoaginkaala tie ke Isalele buolu siiga bi tianba pala juagi hali bi nilanba n baa kua U Tienu tindima nni ki pundi ki dagidi cain.

LOMA YAABA 16:25

Tin yaa kpiagidi mani U Tienu, Wani yua n baa fidi ki teni yin yaa se Ke li pa o sanŋoadima nni Nani min wangi yaa Laabaaliŋamo Ki maadi Jesu Kilisiti maama n yedi maama. N wangi o nani U Tienu bondoaginkaala, Yaala n den duagi ŋasiili nni hali yogu, N doagidi maama moala.

2 Korenti 12:1

Li tie npo tiladi ke min kpiagi n yuli. Baa ke laa pia mayuli, n baa waani yi o Diedo bonlekaala leni o bondoagidikaala.

Galati 1:12

Mii den gbadi o nisaalo kani ka, o nisaalo ka den bangi nni o maama fuuli mo, ama Jesu Kilisiti n den doagidi o npo.

Efesa 1:17

Ke ti Diedo Jesu Kilisiti Tienu, wani Baa yua n pia ti kpiagidi kuli, n teni o Fuoma n yendi yi yantiana ki go doagidi o yipo U Tienu, yin bandi o moamoani.

Efesa 3:4

Yi yaa cogi, yi baa fidi ki bandi min ga maama ki bandi Kilisiti bondoaginkaala.

Efesa 3:6

Laa bondoaginkaala tie line, kelima o Laabaaliŋamo po, bi nilanba leni Jufinba taani ki baa U Tienu ŋalimani. Bikuli taa leni biyaba gbananyendi nni ki baa U Tienu ñoaniani Kilisiti nni.

Efesa 3:9

O go teni ke n doagidi bi niba kuli po laa bondoaginkaala n baa tieni maama. U Tienu yua n tagi li bonla kuli wuoni o bondoaginkaala yeni hali yaa yogini n kpeli,

Efesa 6:19

Yin yaa miadi o mani n moko yaa po, ke min baa yaadi ki maadi yaa yogunu kuli, wan pa nni min baa maadi yaama, ke min doagidi ki waani o Laabaaliŋamo bondoaginkaala leni li papaali.

Kolosi 2:2

N tiendi yeni ke ban baa li papaali, ki taani yenma mi buama nni, ki yaa pia yaa yanfuoma n dagidi ke yin bandi yin dugi yaala yaa po cain. Li go tie ke yin bandi U Tienu *bondoaginkaala, lani n tie Kilisiti.

Kolosi 4:3

Yin yaa jaandi o mani tipo ke wan pa ti u sanu tin fidi ki yaa wangi o Laabaaliŋamo, ki doagidi o *bondoaginkaala yaala n tie Kilisiti maama fuuli. Li tie laa maama po ke n ye ne li kpaadidieli nni.

Hebilunba 13:22

N kpiiba, n mia yi ke yin juuni ki ga i naa tundi, kelima min diani yipo yaa maama ki fuu.

1 Pieri 5:12

Silasa, o nidugika, min nua yua ke o tie ti kpiilo, wani n todi nni ke n diani yipo yaa tijenjenga n tie na. N bua ki paagi yi pala, ki tieni yipo siedi ke yi se bonŋanla U Tienu ŋanbili yaali n tie i moamoani.

2 Pieri 3:15

Yin yaa nua mani ke ti Diedo n pia yaa juunli tie yi *tindima po, nani ti kpibuado Polo moko n den diani yipo maama ki ŋua U Tienu n den puni o yaa yanfuoma.