Efesa 2:2 - Gourmanchéma Bible

² Laa yogunu yi den ŋua ŋanduna na yema sanbiadu, leni mi fawaama nni paaciami bado, yua yaa yantiali n tuuni yaaba n yiedi U Tienu yaa pala nni.

U TIENU MAAMA TILI 2013

² Lanyogunu yi den ŋua ŋanduna na yema sanbiadu leni mi fawaama nni paaciami bado, yua yaa yantiali n tuuni moala U Tienu yiekaaba pala nni.

Efesa 2:2 ပူးပေါင်းရင်းမြစ်များ

Jobi 1:16

Hali ke o daa den maadi ki gbeni, nitoa den cua ki yedi: «U Tienu fantama ñani tanpoli ki baa ki buoni ti yanbidi leni bi naacenba ki bolini ba. Mini bebe n sani ki cia ki cua ki baa pa ŋa laabaali.»

Jobi 1:19

ke ku tafaaciangu ñani mi fanpienma kalu po ki pua ki guli li dieli goannaada kuli. Li dieli ŋmadi ki baa bi nipanba yeni po ke bi kpe. Mini n bebe n sani ki cia ki cua ki baa pa ŋa laabaali.»

Jobi 1:7

Li Miali Diedo den buali Sutaani: «A ñani le yo?» Sutaani den goa ki yedi Li Miali Diedo: «N da li goadi n goada yo, ki gangi ki lindi ki tinga nni.»

Jobi 31:7

Li yaa tie ke n taali jadi ki ŋa yaa sanu n tiegi, N pali yaa ŋoadi n nuni n bua yaala, Joagindiba yaa tabini n nii,

Pisomi 17:14

Li Miali Diedo, faabi nni leni ŋanduna ne niinni yaa niba, Bi biinu ye yaa jamaano n tie na yaa niinni. A puuni ba li bonŋanla kuli, bi bila mo guodi Bi ŋaani ban bili yaala bi yaa bila po.

Esayi 30:1

Li Miali Diedo yedi: «Fala baa nandi a biyiekaana yaaba n juogi bi juogu kaa wangi nni, Ki kuandi o *ŋantaado min kaa tuo bipo yaala yaa niinni kuli, Ki tiendi ti *tuonbiadi ki dogindi tiyadi po.

Esayi 57:4

Yi ñuadi mani ŋme yo? Yi miani ŋme yaa po yo yi ñoana Ki calini yi landi? Naani laa tie moani ka ke yi tie biyiekaana Leni yaa nibuolu n gbie leni i boandi ka?

Jeremi 23:10

‹Mi diema kuli gbie leni yaa niba n tiendi mi *conconma. Bi tiini ki caa mi biadima po yo, Bi gbani saagi yaala n ki ŋani tienma po. Lani yaa po n teni ke mi diema kuli ye leni li paboanli, Bi yankpaakaani kuli mo kuodi.

Ose Tili 10:9

Isalele yaaba, hali yaala n den tieni Gibeya dogu nni yeni, Yi den tieni ti tuonbiadi. Yi baa se lienni kaa lebidi. Naani laa pundi ke bu toabu n nandi laa nibiadiba Gibeya nni?

Levi 11:16

Ku tataagu, li juuli, mi ñincianma nni yaa fengu, ki kafenga leni ki yaa buolu kuli.

Matie 11:19

O *Ja Bijua mo cua ki di ki go ñu, ke bi tua: ‹Diidi, o tie jiejiedo leni dañolo, ki go tie bi lubigaaba leni i tagibiadi danba kuli danli.› Ama mi yanfuoma doagidi mi *teginma mi tuona nni.»

Matie 13:22

Yi n den baa ti konkondi nni tie nani yua n gbadi mi maama, ama ŋanduna yema yanyagidi leni ŋalimani boandi kuli dini ma ki teni ke maa luoni pu.

Matie 13:38

U kuanu mo tie ŋanduna. Yaa bonbuoli n ŋani tie U Tienu diema bila. Ti moabiaditi tie o Biado yaa bila.

Marki 4:19

ama mi yema yanyagidi, leni mi ŋalimani boandi, leni bonbuakatoala kuli yen taani ki je mi maama, ki teni ke mi kan luoni pu.

Luki 16:8

O canbaa den pagi laa ŋalimankubilo yua n kaa tiegi, kelima o den tieni u fanu.» Jesu den pugini ki yedi: «Ŋanduna yaaba fani leni bi lieba ki cie yaaba n tie mi yenma yaaba.

Luki 22:31

Jesu go den yedi: «Simono, Simono, diidi, Sutaani den mia ke wan baa u sanu ki yagi yikuli nani ban yagini *ŋalikama maama yeni.

Jan n diani U Tienu Laabaaliŋamo maama 12:31

Moala ŋanduna buudi baa jia ki kadi. Moala bi baa deli ki ñani *ŋanduna bado.

Jan n diani U Tienu Laabaaliŋamo maama 13:2

Jesu leni o ŋoadikaaba den dini mi yenjojiema. Li sua ke Sutaani den kuani Simono Isikalioto bijua Judasa pali nni no, ke wan janbi Jesu.

Jan n diani U Tienu Laabaaliŋamo maama 13:27

Jesu n den teni o li yaa yogunu liga, Sutaani den kua o pali nni. Jesu den yedi o: «Ŋan baa tieni yaala, tieni li tontoni.»

Jan n diani U Tienu Laabaaliŋamo maama 14:30

N kan go maadi leni yi boncianla, kelima *ŋanduna bado kpendi. Waa pia npo baliba kuli.

Jan n diani U Tienu Laabaaliŋamo maama 15:19

Ŋanduna bi baa bua yi yi yaa bi tie o yaaba, ama kelima yii tie ŋanduna yaa yaaba, ke n go gandi yi ki paadi leni ŋanduna, lani yaa po ŋanduna yaaba nani yi.

Jan n diani U Tienu Laabaaliŋamo maama 16:11

Ti buudi po mo, kelima U Tienu jia leni *ŋanduna bado ti buudi no yo.

Jan n diani U Tienu Laabaaliŋamo maama 7:7

Ŋanduna yaaba kan fidi ki yaa nani yi, ama bi nani mini wani, kelima n tiendi siedi ke ban tuuni yaa tuona bia.

Jan n diani U Tienu Laabaaliŋamo maama 8:23

O den yedi ba: «Yi tie tiipo yaaba, n mo tie tanpoli yua. Yinba, yi tie ŋanduna na yaaba, mini, mii tie ŋanduna na yua.

Jan n diani U Tienu Laabaaliŋamo maama 8:44

Yi baa n tie Sutaani, yi bua ki yaa tiendi wani yi baa yaa yanbuama. O tie nikpalo hali mi cilima, waa ye i moamoani nni kelima i moamoani ki ye o niinni. O yaa pua mi faama, o maadi nani wani oba yantiali n tie maama, kelima o tie o tuofaadaano ki go tie mi faama kuli yaa baa.

Jesu Tondiba Tuona 19:35

Lanwani Efesa dogu yudaano ñoaliebu den teni ke li nitaanli suoni, ke o yedi ba: «Efesa yaaba, ŋme ye kaa bani ke u dociamu Efesa na kubi Atemisa yaa bupua n pia ti kpiagiciandi yaa dieli, leni o nannanli yaali den ñani tanpoli ki baa?

Jesu Tondiba Tuona 5:3

Pieli den yedi o: «Ananiasa, be n teni ke Sutaani gbieni a pali ke a pua U Tienu Fuoma Yua mi faama ki kubi u kuanu yeni ligi boagidima?

LOMA YAABA 12:2

Da taa mani leni ŋanduna na niinni yaaba, ama yi yantiana pandima n teni yin lebidi ke yin fidi ki gagidi ki bandi U Tienu yanbuama, lani n tie yaala n ŋani, ki mani opo, ki go dagidi cain.

1 Korenti 5:10

Mii baa ke yin da pia ŋantaado baa kuli leni ŋanduna yaaba, yaaba n tie mi conconma danba, leni bi ŋaliŋabuaba, leni yaaba n bua ki yaa di bi lieba, leni yaaba n ŋua i buli, kelima li yaa tie yeni kali yin nan ña ŋanduna nni.

1 Korenti 6:11

Yi siiga bi nitianba den tie laa nibuolu, ama U Tienu ŋuudi yi o gagidi yi ki puni yi li *moamoansaali o Diedo Jesu Kilisiti yeli po leni ti Tienu Fuoma tuonli po.

2 Korenti 4:4

bani yaaba n kaa daani po. Sutaani, yua n die ŋanduna, na juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendi.

Galati 1:4

Wani Jesu Kilisiti n den puni o yuli ti *tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima.

Efesa 1:21

Wani Kilisiti ka lankani ki die mi diema danba, li bali danba, bi paatieba leni bi diediba kuli, o yeli cie yeli kuli yaa yogunu n tie na leni yu n baa ti cua kuli.

Efesa 2:11

Yin tiadi mani line, yi den mali ki tie nilanba. Ban yi yaaba a junga kelima bi niba n tieni ba yaala bi gbanandi nni den yini yi a jifola.

Efesa 2:13

Ama moala Jesu Kilisiti nni, yinba yaaba n den kpa ye foagima yeni, yi nagini U Tienu kani kelima Kilisiti yaa soama po.

Efesa 2:3

Tikuli den kpa tie yeni, ki tiendi nani laa niba n tiendi maama moala, ki ŋua ti gbanandi bonbuakaala, ki tiendi ti gbanandi leni ti yantiana n bua yaala kuli. Ti den mali ki tie U Tienu pali n be leni yaaba nani bi nisaaliba kuli yeni.

Efesa 4:17

Lanwani min yedi yaala leni min kadi ki waani yi yaala, o Diedo yeli nni tie line: Yi tagi n da naani leni bi nilanba yaa tagi yeni, bani yaaba n ŋua bi yantiana ya n tie fanma fanma yeni.

Efesa 4:22

Lani n tie ke yin da go tie nani yin den kpa tie maama. Ama yi siiga yua kuli n landi o tagikpelu nani li liadili yeni, o yanbuabiadima boandi n den biidi yu.

Efesa 5:6

Oba kuli n da boandi yi leni mi mafanma. Li tie laa bonla yaa po yo ke U Tienu pabienli se yaaba n yie o kuli po.

Efesa 5:8

Yi den kpa tie li *biigili yaaba, ama moala yi tie mi yenma yaaba o Diedo nni. Yi tagi n yaa tie nani mi yenma yaaba yeni.

Efesa 6:12

Kelima tii koani leni yaa yibalinba n pia ti gbanandi leni mi soama ka. Ama ti koani leni li bali danba len i paaciami danba leni yaaba n die li *biigili ŋandunli, ki tie yaa cicibiadimu n ye mi fawaama nni.

Kolosi 1:21

Yinba yaaba n den tie bi canba leni U Tienu yibalinba kelima yi yantiabiada leni yi tuonbiada po,

2 Timote 4:10

kelima Demasa den ŋa nni kelima o bua yaa jamaano tie na yaa bonla, ki gedi Tesalonika. Kilesa fii ki gedi Galati, Tita mo fii ki gedi Dalimati diema.

Jaki 1:27

Yaa jaanma n ŋani cain ki naa pia joagindi ti Baa U Tienu nintuali tie, ki yaa todi a kpienbila leni a kpepuona bi fala nni, ki go kubi o yuli leni ŋanduna joagindi.

Jaki 1:7

Yaa nilo n tie yeni kuli n da tama ke o baa baa liba kuli o Diedo kani.

Jaki 4:4

Yinba mi conconma danba yeni, yii bani ke ŋanduna yaa buama tie yibalindi leni U Tienu yo? Lanwani yua n bua ki yaa danli leni ŋanduna kuli tua U Tienu yibali.

1 Pieri 1:14

Yin yaa tie yaa bila n tuodi ki tiendi U Tienu n yedi yaala, ki da go ŋua yin den kpa pia yaa bonbuaka-biadila, yi yama n den pii yaa yogunu.

1 Pieri 4:3

Kelima yaa yogunu n pendi yi den taa yaa yogunu n dagidi ki tiendi bi nilanba yaa yanbuama, ki puuni yi yula mi conconma, yi gbanandi bonbuaka-biadila po, li dañogaadili, ki di ki go ñu ke li pendi leni ti cagindi yaa buŋoadima po.

2 Pieri 2:14

Bi nuni gbie leni mi conconma. Bi kan tieni tuonbiadi ki guo. Bi boandi ki dadi yaaba n tadi, ki gbie leni mi ŋaliŋabuama. U Tienu solindi jagi bi yula po.

1 Jan 3:10

Line n doagidi U Tienu bila leni Sutaani yaa bila n paadi leni biyaba maama: Yua n kaa tiendi yaala n tiegi kuli, bi kaa bua o kpiilo kuli, waa tie U Tienu biga.

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

1 Jan 4:4

N bibuadimu, yi tie U Tienu yaaba. Yi paadi bi sawalipua-faadanba, kelima yua n ye yi niinni pia u paalu ki cie yua n ye ŋanduna nni.

1 Jan 5:19

Ti bani ke ti tie U Tienu yaaba, ki go bani ke o Biado diedi ŋanduna kuli.

1 Jan 5:4

kelima U Tienu n mali yua kuli paani ŋanduna. Yaala n teni ke ti paani ŋanduna tie ti *dandanli.

Mi Doagidima 12:9

Bi den luni o bonfuodi-biadiciamo yeni, wani o waakpelo, ban go yi yua ku *tuotabigu yudaano leni Sutaani, wani yua n boandi ki tinga nni yaaba kuli. Bi den luni o ki tinga nni, wani leni o malekinba.

Mi Doagidima 13:14

O den boandi ki tinga nni yaaba leni wan den tiendi yaa bancianma ki fuayankpiaga nintuali. O den teni ke ki tinga nni yaaba n tagi ki fuayankpiaga, yua n den baa ki jugisiega poagilima ki go paagi yeni, nannanli.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.

Mi Doagidima 16:17

O maleki-leleelo den wuli yaala n ye o tadibuoga nni mi fawaama nni. U Tienu diegu nni, u nialiciamu den maadi u bali kalikaanu kani ki yedi: «Li tieni ki dudi n yeni.»

Mi Doagidima 20:2

O den cuo o bonfuodibiado, o waakpelo yeni, lani n tie, ku *tuotabigu yudaano Sutaani, ki loli o hali bina tudili po.