Danieli 9:9 - Gourmanchéma Bible

⁹ Ama fini ti Diedo ti Tienu, a gba tipo mi niñima ki tieni tipo sugili baa ke ti yie a bali.

U TIENU MAAMA TILI 2013

⁹ Ama fini ti Diedo ti Tienu, a gba ti po mi ninñima, ki tiendi ti po sugili, ba ke ti yie a bali maama.

Danieli 9:9 ပူးပေါင်းရင်းမြစ်များ

2 Samueli 24:14

Dafidi den goa ki yedi Gada: «N ye paboancianli nni. N yaa baa Li Miali Diedo yaa nuu nni li cie kelima o niñingbadima yaba. Ama min da baa bi nisaaliba yaa nuu nni wani.»

1 Bi Badiba 8:30

N mia ŋa ŋan cengi a naacemo leni a niba Isalele yaaba miabu bi yaa jaandi a yaa kaanu n tie ne. Ŋan cengi ti fini yua n ye hali tanpoli, ŋan cengi ti ki go pa ti sugili.

Nehemi 9:31

Ama a niñingbadicianma po, ŋaa den bolini ba, Ŋaa den ŋa ba. Kelima a tie yaa Tienu n juogidi, ki gba mi niñima.

Pisomi 130:4

Ama sugili ye fini yaa kani. Lani n teni ke li pundi ban fangi a.

Pisomi 130:7

Yinba Isalele yaaba, yaa dugi mani Li Miali Diedo po Kelima li *ŋanbili ye Li Miali Diedo kani Mi *faabima mo ye o yaa kane.

Pisomi 62:12

N gbadi U Tienu maadi yaa maama n tie na ke li cie yenma: «Mini n tie U Paaciamu Daano.»

Pisomi 86:15

Ama fini, O Diedo, a tie yaa Tienu n gba mi niñima, Ki go pia ti bulicindi. A pia li juunli leni li ŋanbili Ki go tie ti dugidi daano.

Pisomi 86:5

Fini o Diedo, a ŋani ki puuni sugili, Ki pia li *ŋanbili yaaba n jaandi a kuli po.

Esayi 55:7

O nibiado n ŋa o tagu Fanma miali mo n ŋa o yantiajoagindi, Ki lebidi ki goa Li Miali Diedo kani Yua n baa gbadi opo mi niñima, Leni ti Tienu yua n puuni sugili leni ti bulicindi kaa cedi yeni kani.

Esayi 63:7

N baa tiadi Li Miali Diedo ŋanbicianli po, Li Miali Diedo pagidi po, Leni wan tieni tipo yaa ŋanma kuli po. N baa togidi o ŋanbicianli Isalele buolu po, Wan tieni bipo yaa ŋanma Ke li de leni o niñingbadima Leni o bancianma leni o *ŋanbili.

Jeremi 14:7

Bi yedi: «Ti tagili yaba ki pendi. Li tie moamoane. Ama fini Li Miali Diedo, baa ŋan baa tieni yaala Ke a yeli n da fiagi. Ti tudi apo hali boncianla. Ti tieni apo ti *tuonbiadi.

Esekieli 20:13

Ama Isalele yaaba den fiini npo mi yiema mi fanpienma nni. Baa den ŋoadi n mabilikaama, ki den luni n ñoabona, o nilo n baa kubi ki go tieni yaala, ki fidi ki yaa ye. Bi go den joagini yogunu kuli n fuodima dana. N go den yuandi ki jagi ke n baa wuli bipo n pabienli mi fanpienma nni, ki bolini ba.

Danieli 9:5

Ti tieni ti tuonbiadi, ti tudi apo, ti tieni yaala n bia ki yie a bali, ti lebidi ki ŋa a *balimaama leni a ñoabonbilikaana.

Danieli 9:6

Tii den cengi a naacenba bi sawalipuaba, yaaba n den maadi leni ti badiba leni ti badijaba leni ti baanba leni ti diema yaaba kuli a yeli nni.

Danieli 9:7

Fini o Diedo, a tiegi, tinba ti ye leni i fe dinla, tinba Juda yaaba leni Jelusalema dotieba leni Isalele yaaba kuli, yaaba n ye koanma koanma nni leni yaaba n ye foagima, ŋan den deli ki yadi yaaba mi diema nni kuli kelima tin den ŋa ŋa maama yaa po.

Danieli 9:8

Li Miali Diedo, ti ye leni i fe, tinba leni ti badiba leni ti yudanba leni ti baanba, kelima ti tieni apo ti tuonbiadi.

Jonasi 4:2

ke o mia Li Miali Diedo ki yedi: «Li Miali Diedo, hali min den ye n diema nni min den li jie yaala kaa nne. N den bani ke a tie yaa Tienu n juogidi, ki gba mi niñima, ki pia li juunli leni li *ŋanbili. A yen lebidi a yama ki cedi ŋan bi jagi ke a baa tieni o nilo yaala. Lani yaa po yo ke n den tiini ki caa Talisisi.