Danieli 9:7 - Gourmanchéma Bible

⁷ Fini o Diedo, a tiegi, tinba ti ye leni i fe dinla, tinba Juda yaaba leni Jelusalema dotieba leni Isalele yaaba kuli, yaaba n ye koanma koanma nni leni yaaba n ye foagima, ŋan den deli ki yadi yaaba mi diema nni kuli kelima tin den ŋa ŋa maama yaa po.

U TIENU MAAMA TILI 2013

⁷ Fini o Diedo, a tiegi. Ama tinba Juda yaaba, Jerusalemi dotieba leni Isidayeli yaaba kuli, ti ye leni i fe dinla. Ti siiga yaaba n ye koanma nni leni yaaba n ye foagima, ŋan den deli ki yadi yaaba mi diema nni kuli ye leni i fe, kelima ti den ŋaa a maama.

Danieli 9:7 ပူးပေါင်းရင်းမြစ်များ

Esidirasi 9:13

Fala cuo ti kelima tin den tieni yaa tuonbiadi leni yaa tagiliciami po. Ama baa yeni, ti Tienu ŋaa waani ti fala nani ti tuonbiadi n den pundi maama. A go kubi tinba yaa niba n sieni ti yonbidi nni ke ti ye.

Esidirasi 9:15

Li Miali Diedo, tinba Isalele yaaba Tienu, a tiegi. Ama a teni ke nitianga faabi. Diidi, ti ye a nintuali leni ti tuonbiadi, ama ti kan bi baa ki yaa ye a nintuali leni ti tuonbiadi.»

Nehemi 9:33

Yaala n den tieni ti kuli yaa siiga a den tiegi Kelima a den doagidi ke a tie tin baa fidi ki dugi yua yaa po, Ke timo nan tieni yaala n bia.

Pisomi 119:137

Li Miali Diedo, a tiegi. A bujiali mo tiegi.

Pisomi 44:15

A teni ke ti tua li mañuali bonla i nilanbuoli po. Bi niba fegini tipo bi yula ki ñuadi ti.

Pisomi 51:14

Go pa nni a *faabima pamanli Ki teni li yantiaŋanli n yaa ye leni nni.

Pisomi 51:4

Ŋuudi ki ŋanbi nni cain n tagili po Ŋuudi ki ñani npo n *tuonbiadi.

Esayi 11:11

Laa daali O Diedo baa goa ki tandi o nuu Ki da ki faabi o niba Yaaba n sieni ki ye Asili leni Ejipiti diema nni, Patilosi leni Etiopi, Elami, Sineala, Hamati leni mi ñincianma kpendega nni.

Esayi 45:16

Bikuli fiagi ki ye leni i fe Bikuli foagidi ki tibini bi yula Bani yaaba n tiendi i buli yeni.

Jeremi 12:1

Li Miali Diedo a tiegi ki kandi hali yaala ke n kan fidi ki bu leni a. Ama baa leni lani kuli n bua ki maadi a a buudi maama. Be n teni ke bi nibiadiba bonla kuli cuoni bipo? Be n teni ke bi yama dua bi yema nni, Bani i janbi danba yeni?

Jeremi 23:6

O jama nni Juda diema baa baa mi *faabima Isalele diema baa yaa ye leni mi yanduanma. Diidi ban baa yini o maama: ‹Li Miali Diedo n tie ti *teginma.›

Jeremi 24:9

N baa teni ban tua ti jawaanciandi bonla, fala bonla li ŋandunli nibuoli po. Bi baa tua i fe bonla, li ñuali bonla, ti laadi leni ti solindi min baa lu ba naani kuli yaa po.

Jeremi 3:25

Ti fe n tie ti duankaagu Ti jigidima mo n tie ti kpalipinkaabu. Kelima tinba leni ti baanba, Ti tieni ti *tuonbiadi Li Miali Diedo ti Tienu po. Ki cili ti panma yogunu ki ban pundi hali dinla Tii cengi Li Miali Diedo ti Tienu yedima.

Jeremi 32:32

N pali biidi kelima Isalele leni Juda yaaba, Bani, bi badiba, bi koanbala, bi kopadicianba, Bi sawalipuaba, Juda yaaba leni Jelusalema yaaba, N tieni nni yaa biadima yaa po.

Jeremi 33:16

Laa yogunu Juda baa baa mi *faabima, Jelusalema baa yaa pia mi yanduanma. Diidi mani ban baa yaa yi Jelusalema maama: “Li Miali Diedo ti teginma.”

Jeremi 4:17

Nani yaaba n guu u kuanu, Bi gaani ki lindi Jelusalema dogu Kelima laa dogu fiini npo mi yiema. Mini Li Miali Diedo n yedi yeni.

Jeremi 7:19

Li Miali Diedo yedi: «Naani bi tudi mini yaa po yo? Naani baa tudi bi yula po kaa? I fe ki tie bi yaa yi kaa?»

Esekieli 16:63

Lanwani a baa tiadi yaala n den tieni puoli po, i fe baa co ŋa ke a kan go tuo ki yaadi a ñoabu. Ama n baa tieni apo sugili leni ŋan den tieni yaa biadima kuli. Mini o Diedo Li Miali Diedo n yedi yeni.»

Esekieli 36:31

Lanwani yi baa yaa tiadi yi tagilibiadi yeni po, leni yi tuona ya n den gundi yeni po. Yi kan go fidi ki yaadi ki diidi yi yula kelima yi tagili leni yi tuongunda po.

Esekieli 5:10

Li tie lani yaa po po ke dogu nni bi bidanba baa ŋmani bi bila, ke a bila mo baa ŋmani bi danba. N baa yadi yadi a niba yaaba n sieni li ŋandunli nni ki go bu ŋa leni min den bili yaa buudi apo.›

Esekieli 6:12

U yianbiadipuodiko baa kpa yaaba n ye foagima Ki jugisiega mo n kpa yaaba n ye koanma nni, Mi koma mo n bolini ban cua ki baa mi diema Ki cuo ki sieni yaaba. N baa teni n pabienli bipo n tuoni li bianu.

Danieli 9:14

Li tie lani yaa po ke a teni ke laa yebiadima ŋma ti kelima fini Li Miali Diedo ti Tienu tiegi ŋan tiendi yaala kuli nni, ama tii cengi a yedima.

Danieli 9:18

N Tienu, cengi, diidi ki le ti diegbena, diidi a dogagidiko. Tii cua a kani ki mia ŋa kelima ti *teginma po ka, ama kelima a niñingbadicianma po.

Danieli 9:8

Li Miali Diedo, ti ye leni i fe, tinba leni ti badiba leni ti yudanba leni ti baanba, kelima ti tieni apo ti tuonbiadi.

Amosi 9:9

Ama baa yeni, n kan bolini Isalele puoliŋuani cain. Li Miali Diedo n yedi yeni. Diidi, n baa ñani n ñoabona ki yedi: «Ban gbedi Isalele yaaba i nilanbuoli kuli siiga, Nani ban yen gbedi i di ki ñandi a fiada, Ki nan kan tuo baa dibiyenma n baa tiipo maama.

LOMA YAABA 6:21

Moala yi jie i fe leni yin den tiendi yaala laa yogunu. Yi den baa be ñuadi laa bonla po? Laa bonla baa juodi mi kuuma.

Mi Tiadima 32:4

O tie Tanciangu yo, o tuonli mo ŋani cain Kelima o sani kuli tiegi. O tie ti dugidi Tienu, waa go pia tagiliba Wani n tiegi ki go ŋani mo.

Mi Tiadima 4:27

Li Miali Diedo baa yadi yi i nibuoli siiga. Lanwani yi baa tie niba waamu bebe Li Miali Diedo n baa gedini yi yaa nilandiema yeni niinni.