Danieli 9:3 - Gourmanchéma Bible

³ Lane n den loli bu ñoabu ki lani li paboanli tiadi, ki wuli n yuli po mi fantanpienma ki jigidi o nunga ki diidi o Diedo U Tienu ki jaandi ki miadi o todima.

U TIENU MAAMA TILI 2013

³ Lani n den loli bu ñoabu ki lani li paboanli tiadi, ki wuli n yuli po mi fantanpienma, ki jigidi n nunga ki diidi o Diedo U Tienu, ki jaandi ki miadi o todima.

Danieli 9:3 ပူးပေါင်းရင်းမြစ်များ

2 Samueli 12:16

Lanwani Dafidi den jaandi ki miadi U Tienu ki biga po ki luo bu ñoabu. O yaa kua o dieli nni o yen duani tinga nni hali lan ban faa.

Esidirasi 10:6

Li yaa puoli Esidilasi den ñani U Tienu diegu nintuali kani ki ban kua Eliasibi bijua Yohanana dieli nni. O den kua likani ama o den yie waa dini, waa ñuni, kelima o pali n den biidi maama Isalele yaaba po, yaaba n ñani ti yonbidi tuonbiadi po yaa po.

Esidirasi 8:21

Ahafa kpenu yeni kani, n den bili ke tin loli bu ñoabu ki waani ke ti miini ti yula ti Tienu nintuali ke wan pa tinba leni ti bila leni ti bonpiakaala li sancenŋanli.

Esidirasi 9:5

Ku yenjuogu padili yogunu n den pundi, n den fii min den boandi n pali ki jiini n yuli ki kaa naankani yeni ki laa n tiapadindi yeni. N den gbaani ki yugidi n nii ki tandi ki tegini Li Miali Diedo n Tienu

Nehemi 9:1

Cilele yeni piilie n danaali daali, Isalele yaaba den taani ki baa loli bu ñoabu. Bi den yie li paboanli yaa tiadi ki wuli biba po mi tama.

Esiteri 4:16

«Gedi ki ban taani yaa Jufinba n ye Suse nni kuli yin loli bu ñoabu. Yensiini taa leni ñadi taa yin da je, yin da ño, ki yaa miadi npo. N moko baa tieni yeni mini leni n yuali. Ti baa loli bu ñoabu. Lani yaa pendi n baa kua o bado kani baa ke li kua. N yaa baa bodi, min bodi.»

Jobi 42:6

Lani n teni n tuo ke i tagili tie n yii Ki gba mi fantanpiema leni mi tama nni ki miadi sugili.»

Pisomi 35:13

Mini wani, ban den yia yaa yogunu, N den ye leni li paboanli. N den duoliti n yuli leni mi ñoalolima Ki den jaandi ki naa cedi.

Esayi 22:12

O Diedo Li Miali Diedo U Paaciamu Kuli Daano yini yi dinla Ke yin mua ki wolini, Ki kuo yi yula ki yie li paboanli tiadi.

Jeremi 33:3

«Yini nni n baa guani apo N baa waani a yaa bonla n yaba, Yaa bonla n wuo ke ŋaa den bani la.

Esekieli 36:37

Mini o Diedo, Li Miali Diedo yedi mi ne: «N baa teni Isalele yaaba n goa ki mia n todima, min go cengi ba, ki teni ban pili nani u yanpagu yeni.

Danieli 6:10

Lanwani o bado Daliyusa den ñani li ñoabonli yeni ki tieni o maalima.

Danieli 9:2

o bali binkpiali binli, mini Danieli den cogi U Tienu maama tila. N den bandi ke Jelusalema baa yaa tie diegbena ki pundi hali bina piilele, nani Li Miali Diedo n den waani o sawalipualo Jelemi maama.

Danieli 9:20

Danieli go den suagi ki yedi: «N den baa jaandi ki tuodi n tuonbiadi leni n nibuolu Isalele yaaba yaa tuonbiadi, ki miadi Li Miali Diedo n Tienu o joagagidikaali po.

Danieli 9:4

N den mia Li Miali Diedo n Tienu ki tuo ti *tuonbiadi ki yedi o: «O Diedo, fini U Tienu yua n yaba ki pia li fangili, fini yua n kubi ŋan den kuani yaa *ŋantaado, ki tiendi o yaaba n kubi a ñoabonbilikaana po, ki ŋanbidi yaaba n bua ŋa po.

Joeli 1:13

Yinba bi kopadicianba, Laa mani li paboanli tiadi ki biidi yi pala. Yinba yaaba n tuuni li *padibinbinli kani, yin mua mani. Cua mani ku ñiagu ki duani ki laa li paboanli tiadi, Kelima mi pienma pada leni a ñincaba bodi yi Tienu diegu nni.

Joeli 2:12

Moala Li Miali Diedo go yedi: ‹Lebidi mani ki cua n kani leni yi pala kuli. Loli mani bu ñoabu, buudi mani ki mia nni sugili.

Jonasi 3:5

Ninife yaaba den ga U Tienu maama ke mi tie moamoani ki lebidi bi yama ki bili ke bi niba kuli n loli bu ñoabu, a nikpiaga leni taliginba kuli den lani li paboanli tiadi.

Matie 17:21

Ama yaa cicibiadiga n tie na yaa buolu kan ña se jaandi leni ñoalolima.]»

Luki 2:37

O di den tie kpepuoli ki pia piinii n bina naa. Waa den ña U Tienu diegu nni, o den tuuni U Tienu po u yensiinu leni ku ñiagu kuli leni mi ñoalolima leni i jaandi.

Jesu Tondiba Tuona 10:30

Koneya den goa ki yedi: «Dinla dana taa, li yenlebidili yogunu, n den ye n dieli nni ki jaandi. Lanyogunu yaa ja n laa yaa tiadi n ñuliti den doagidi o yuli nkani ki yedi nni: