Danieli 9:26 - Gourmanchéma Bible

²⁶ Laa binleleeda taalima piiluoba n milie yeni yaa pendi, bi baa kpa o nigagidika ke oba kan ga o. Yaa bado n baa ti cua toagola baa bolini u dogu yeni leni U Tienu kaangagidiŋamu. O bado yeni bolinma baa cua nani yaa ñingola n koadi yeni. Li bili ke mi bolinma baa yaa tiendi hali bu toabu juodima.

U TIENU MAAMA TILI 2013

²⁶ Laa binleleeda taalima piiluoba n milie yeni yaa pendi, bi baa kpa o nigagidika, ke oba kan gaa o. Yaa bado n baa ti cua toagola baa bolini u dogu yeni leni U Tienu kaangagidiŋamu. O bado yeni bolinma baa cua nani yaa ñingola n koadi yeni. Li bili ke mi bolinma baa yaa tiendi hali bu toabu juodima.

Danieli 9:26 ပူးပေါင်းရင်းမြစ်များ

2 Samueli 21:5

Bi den goa ki yedi o: «Sayula den jagi wan bolini ti cain ki da ŋa baa yendo leni miali Isalele nni.

Pisomi 22:15

N fidu gbeni nani yaa ñima n wuli yeni. N kpaba kuli tugidi tugidi leni aya. N papaali nande nani ti sindi yeni.

Esayi 28:2

Diidi mani yaa ja n ñani Li Miali Diedo po, O pia u fidu leni li papaali. O tie nani yaa tacianga n cuani a tatana, yaa tafaagu n bolindi Nani yaa taaga n mini ki kuani i kpeni yeni. O pua ki luni ki fogiliga yeni tiipo leni mi jama.

Esayi 28:22

Moala yin da pa yi yula li ñuali po, Ke yaaba n luo yi n da ti soadi yi. Kelima mi diema kuli bodima baani ki gbeni. Li Miali Diedo U Paaciamu Kuli Daano n waani nni laa bonla.

Esayi 53:8

Ban den jia o yaa buudi leni yaa tugutongu den kpa o. O yaa nifiima siiga, ŋme n den yagi o yama ban den ñani o yeni po? Bi den ñani o bi nifuodiba kani Kelima n niba biadima po Leni yaa fala n den baa baa ba po.

Esayi 8:7

Lani yaa po yo ke O Diedo baa teni u kpenciamu yaa ñingola Yaa n yaba ki go pia u paalu n duodi ki kandi mi boanjaana kuli. Lani n tie Asili bado leni o kpiagidi kuli.

Jeremi 46:7

Ŋme mo n do nani u kpenciamu Nili yeni, Yu yaa ñingola n pu loabiloabi?

Jeremi 51:42

Mi ñincianma pundi o kani Leni ku fuugu boncianla. Mi ñima milini o.

Danieli 11:10

Nijienu po diema bado bijaba baa bogini bu toabu ki taani yaa toagola n yaba hali boncianla. Bi siiga nni yendo baa suagi liiga ki gedi ganu po ki kandi nani u kpenciamu ñima yeni. O yaa lebidi ki goa ki kuni o denpo, o baa baa niganu po diema bado toadieli yaali n pa.

Danieli 11:17

Lani yaa puoli wani nijienu po bado baa jagi ke o baa fii leni o diema toagola kuli ki cua ganu po yaa bado yaa diema nni. O baa kpali ke o ŋua mi *teginma ki teni o o bisalo wan tua o pua ki bua ki janbi o ki bolini o. Ama laa nunfanbu kan cuoni opo.

Danieli 11:22

O baa paadi yaa toagola n cua ki baa o kuli, ki go bolini U Tienu n den bili o *ŋantaado leni yaa nibuolu yaa yudaano yendo.

Danieli 11:36

Nijienu po diema bado yeni baa yaa tiendi wan bua yaala kuli. O baa gbengi oba ki kpiagi o yuli ki tama ke o cie U Tienu leni i buli kuli, ki go maadi U Tienu yua n cie ban ŋua yaala kuli po mi biadikandikaama. Wan tieni yaala kuli baa cuoni opo bonŋanla hali U Tienu pabienli n doagidi. Lanwani U Tienu n den bili yaala kuli baa tieni.

Danieli 9:27

O bado yeni baa kuani leni yaa niba n yaba yaa ŋantaado n pa, ki dagidi leni ba a binleleedi-juodikaana nni. O baa yaa tendi ke U Tienu *padijuukaana leni o pienma pada n da go yaa padi hali ki pundi bina taa leni boagidima. Wani o bolinka yeni baa yaa tiendi yaa tuoncagindi n bia ki pendi hali yaa bolinma n bili n baa o yuli po.› »

Ose Tili 1:9

Li Miali Diedo den yedi Ose: «Yini ki biga yeni Lo-Ami lani n tie: “Baa tie n niba,” kelima yinba Isalele diema yaaba, yii go tie n niba, mini mo ki go tie yipo liba kuli.»

Amosi 8:8

Lani yaa po, mi diema kuli baa digibi, Mi diema yaaba kuli baa mua i kumoe, Mi diema kuli baa yaa fiidi ki goa ki ñuandi nani Ejipiti kpenciamu yeni.

Amosi 9:5

O Diedo Li Miali Diedo, U Paaciamu Kuli Daano Sii ki tinga ke ki digibi, Ki fiidi ki goa ki ñuandi nani Ejipiti kpenu yeni. Yaaba n ye kipo ye li paboanli nni.

Nahumi 1:8

O baa bolini o yibalinba nani mi ñincianma yeni, Ki deli ki kuani ba mi kuuma *biigili nni.

Matie 22:2

«*Tanpoli diema baa tie nani yaa bado n den ŋanbi o bijua pocaajiema.

Matie 22:7

O bado pali den beni boncianla ke o soani o toatieba ke bi ku laa nikpaba kuli ki sia bi dogu.

Matie 23:38

Lanwani bi baa a yi diegu diegbengu.

Matie 24:2

Jesu den yedi ba: «Yi nua laa bonla kuli? N waani yi i moamoani, ke baa tanyenli kan sieni ki yaa maa li lieli po, ke a kuli naa padi ki baa.»

Marki 13:2

Jesu den yedi o: «A laa a naa dieciama? Bi kan ti ŋa baa tanyenli kan sieni ki yaa maa li lieli po, ke a kuli naa padi ki baa.»

Marki 13:7

Yi yaa ti gbadi ke bi maadi bu toabu maama, ki go maadi bu toabu laabaalo maama, yin da yagi mani yi yama. Laa bonla baa cua tiladi, ama li da kan tua mi juodima ka.

Marki 9:12

O den goa ki yedi ba: «Li tie moamoani ke Elia baa kpa cua ki ŋanbi li bonla kuli. Lanwani li nan ga lede ke li diani ke o Ja Bijua baa le fala boncianla tiladi, ban go fali o mo?

Luki 21:24

Bi yibalinba baa kpa ba leni mu jugisiemu, ki gedini yaaba n sieni ti yonbidi i nibuoli kuli nni. I nilanbuoli yaaba baa paadi Jelusalema, ki ŋmaa u hali U Tienu n bili bipo yaa yogunu n dudi.

Luki 21:6

«A dana baa ti cua ke yin nua yaala na, bi kan ti ŋa baa tanyenli kan sieni ki yaa maa li lieli po, ke a kuli naa padi ki baa.»

Luki 24:26

Nani laa den tie tiladi ke *U Tienu n Gandi Yua n le fala yeni ki kua o kpiagidi kaanu bi?»

Luki 24:46

Lani o den yedi ba: «Li diani ki yedi ke U Tienu n Gandi Yua baa le fala yeni, ki yuandi ki fii bi tinkpiba siiga li dataali daali,

Jan n diani U Tienu Laabaaliŋamo maama 14:30

N kan go maadi leni yi boncianla, kelima *ŋanduna bado kpendi. Waa pia npo baliba kuli.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba yaa po, ke timo n baa o yaa niinni U Tienu*moamoansaali.

Galati 3:13

Kilisiti den da ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

1 Pieri 2:21

U Tienu den yini yi lani yaa po kelima Kilisiti wani oba moko den laa fala yinba yaa po, ki ŋa yipo li bontogidikaala ke yin yaa ŋua o yaa fuuli.

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa di ye ki fo ki baa tiendi mi teginma. Li tie kelima o poagilima yaa po ke yi paagi.

1 Pieri 3:18

Kilisiti moko den laa fala yenma ti *tuonbiadi po ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den goa ki baa li miali kelima mi Fuoma po.