Danieli 8:8 - Gourmanchéma Bible

⁸ Li ŋuabuali yeni paalu den pugidi boncianla. Ama lin den pundi li paalu banlu, li yincianli den kua. Yinciama naa den pudi ki sedi li kaanu ki teli nintuali leni puoli, ganu leni jienu po.

U TIENU MAAMA TILI 2013

⁸ Li ŋuabuali yeni paalu den pugidi boncianla. Ama lin den pundi li paalu banlu, li yincianli den kua. Yinciamanaa den pudi, ki sedi li kaanu ki teli nintuali leni puoli, ganu leni jienu po.

Danieli 8:8 ပူးပေါင်းရင်းမြစ်များ

2 Bi Badiba Jama 26:16

Ama wan den kali ti gbandi po bonŋanla yaa yogunu waa go den tiegi Li Miali Diedo po. O den fiini ti japaadi ke li cuani o bodima. Dayenli o den kua Li Miali Diedo diegu nni ki baa juu a *dugibila li *padibinbinli po.

Esiteri 9:4

Bi den jie Malidoke kelima o den pia u paalu boncianla o bado diegu nni, ke o yeli mo ñani mi diema nni kuli kelima o paalu den pugidi.

Jeremi 49:36

N baa soani Elami kani tafaali naa. I baa ña nijienu, niganu, puoli leni nintuali kuli. N baa lendi ba i tafaali yeni niinni. Li kan yaa pia ki tinga nibuoli siiga Elami yaaba N kan yadi ki pundi naani.

Jeremi 5:27

Nani i nuani n gbie ku cibiligu nni maama yeni, Bani moko yaa diena gbie leni i janbi yene. Bi tiendi yene ki baadi ŋalimani ki kpandi paatieba.

Esekieli 16:7

N den teni ke a kpedi nani i kuani nni yaa muadi yeni. A den fandi ki beni, ki den ŋani hali bonŋanla. Ama baa leni lani kuli, a den ye mubile cain.

Esekieli 28:9

Yua n baa kpa ŋa nintuali yeni, A go baa yedi ke a tie Tienu? A li baa yaa tie nisaale, a kan tua Tienu Yua n baa kpa yeni wani yaa nuu nni.

Danieli 11:4

Ama o paalu yaa yabidi hali boncianla, o diema baa mumudi ki boagidi kaani naa, nintuali leni puoli leni niganu leni nijienu. O puoliŋuani kan diedi ma, mi paalu mo kan go yaa yaba nani man den kpa tie maama, kelima mi baa boagidi boagidi nitoaba n yaa die ma ke laa tie o puoliŋuani.

Danieli 4:31

Nebukanesa den yedi: «Yaa yogunu n den bili npo n den pendi, mini Nebukanesa den yaadi n yuli ki diidi tanpoli, ke n yama guani. N den jaandi Tanpojoma Tienu, ki go pagi ki kpiagi wani yua n ye hali yaa yogunu kuli, wani yua yaa diema n ki pia bianu ke o bali mo ye nifiima n tu nifiima.

Danieli 5:20

Ama wan den fiini o yuli ki juagi o pali ki cuoni leni ti japaadi yaa yogunu, bi den ga o bali, ki fie o kpiagidi.

Danieli 7:2

O den yedi: «Ku ñiagu n den laa li bonlekaala n dangidi nni ke yaa faali n ñani ki tinga ñoakunnaadi kuli den figi ki fiindi mi ñincianma.

Danieli 7:6

Li yaa puoli n go den nuali ki laa yantoaga ke ki naani leni o namunpieno. O den pia ti bonyugiditi yaa fiabi boninaa o puoli po leni yula naa. Bi den dini o li bali.

Danieli 8:22

Li yincianli yeni n den kua ke yaa yinnaada n pudi ki ga li kaanu yeni tie diema naa yaama n baa fii ki ga mi bonkpiama kaanu. Ama laa dienaadima kan yaa pa nani mani mi diekpiama n den pa maama.

Danieli 8:5

Min den kpaagi min nua yaala po yaa yogunu, li ŋuabuali den ñani nintuali po ki tiini ki gaandi ki tinga nni. Li den jaligi hali ke li taana ki siigi ki tinga. Li ŋuabuali yeni den pia li yincianli li nuni siiga.

Danieli 8:7

N den laa ke li pundi li petonli kani ki fiini li pali ki tuoni li ki kua li yinlieda yeni kuli ke li petonli yeni ki fidi ki tuogi leni li ke li gedi kaanu. Li den guli li petonli yeni ki ŋmaa li, oba kuli ki den fidi ki ga li li ŋuabuali yeni kani.

Matie 24:31

O baa soani o malekinba leni kakaci ban yaa piebi ki taani U Tienu n gandi yaaba ŋanduna kaannaadi kuli nni, ki cili nepo yaa bianu ki yaa caa hali u poyu.

Marki 13:27

Lani o baa soani o malekinba ŋanduna kuli nni, ban taani wan gandi yaaba ki cili ŋanduna bianu poyendu ki yaa caa hali u naa bianu.

Mi Tiadima 31:20

Kelima n baa teni bi naa niba n kua min den poli ke n baa pa bi baanba yaa tinga nni, mi naaŋanma leni ti siadi n dua naankani. Bi yaa dini ki guo ki gbengi, lani yaa pendi bi baa pegidi ki ŋoadi i buli ki yaa kpiagidi yini. Bi baa fali nni, ki go fidi yaa ŋantaado mo n ye ti siiga.

Mi Doagidima 7:1

Lani n pendi n den laa malekinba naa ke bi se ki tinga ñoakunnaadi kani. Bi den kubi ki tinga faciannaaditi, ke tin da go figi baa waamu ki tinga nni leni mi ñincianma po leni tibuba kuli po.