Danieli 8:3 - Gourmanchéma Bible

³ Min den diidi yaa yogunu, n den laa ke li petonli se u kpenu boanjaali kani ki pia yinfoaga lie. Yaali n den yuandi ki pudi den foagi ki cie li lieli.

U TIENU MAAMA TILI 2013

³ Min den diidi yaa yogunu, n den laa ke li petonli se u kpenu boanjaali kani, ki pia yinfoagalie. Yenli den foagi ki cie liyali. Yaali n den yuandi ki pudi den foagi ki cie lilieli.

Danieli 8:3 ပူးပေါင်းရင်းမြစ်များ

1 Bi Badiba Jama 21:16

Dafidi den yaadi ki diidi ki laa Li Miali Diedo maleki ke o se tanpoli leni ki tinga siiga, ki kubi jugisiemubima o nuu nni ki pegidi ki tiegi Jelusalema po. Lanwani Dafidi leni a nikpela yaaba n den laa li paboanli tiadi den baa tiipo bi nunmu po.

Esidirasi 1:2

«Mini Pelisa diema yaaba bado Silusa yedi yaa maama n tie ne: Li Miali Diedo, U Tienu yua n die tanpoli puni nni ŋanduna diema kuli ke n die ma. O puogi nni min maa o diegu Jelusalema dogu yu n ye Juda diema nni.

Esidirasi 4:5

Pelisa bado Silusa miali dana kuli, ki yaa caa hali Daliyusa yaa bali yogunu, bi den baa ban suu yaa cancantieba i ligi ke ban moandi ke Jufinba tuona n sedi.

Esiteri 1:3

O bali bintaali binli o den tieni mi jaanma o badijaba leni o naacenba kuli po. Pelisa leni Medi diema toatieba yudanba leni diema kuli yudaano leni mi paatieba den taani o bado kani.

Esayi 13:17

Diidi mani n fiini Medesa yaaba pala bipo, Yaaba yaa baga n ki ye leni wula, Ki buali ŋanjilifa.

Esayi 21:2

N laa yaa bonlekaala n pia i jeje. I janbi daano janbidi, yua n bolindi mo bolindi. Elami yaaba, gedi mani ki baa ba. Medi yaaba, gaani ki cebini mani u dogu. U Tienu yedi: «N baa teni Babilona yaaba n wangi yi yaa fala kuli n baa u bianu.»

Esayi 44:28

N maadi Silusa ki yedi ke o tie n yankpaalo. O baa tiendi n yanbuama kuli. O baa yedi Jelusalema dogu po: ‹Ban goa ki maa u!› Ki go yedi U Tienu diegu po mo: ‹Ban cili ku tanpuuli!› »

Jeremi 51:11

Li Miali Diedo pia yanjagili. Lani n tie ke o bua ki bolini Babilona. O fiini Medi yaa badiba yo n soani li tuonli. Li tie wan baa pa i panpaani yaa yogunu, Wan baa tu li panli o diegu po yaa yogunu. Luani mani yi piemi bonŋanla. Gbieni mani yi luona!

Danieli 10:5

Min den diidi yaa yogunu n den laa o ja ke o yie yaa tiadi n luni leni *len yaa gaali. O den ñaagi ban taa o wulamoano ki tieni yaa ñagidu.

Danieli 2:39

A yaa puoli dietoama baa fii, yaama n kan pundi a yaama. Lani yaa puoli dietoama, mi bontaama, yaama n tie kumoandi baa diedi ki tinga kuli.

Danieli 6:28

Wani n ciadi ki faabidi, Ki tieni sinankeeninba leni mi bancianma, Tanpoli leni ki tinga nni kuli. Wani n ga Danieli i yangbanli kani.»

Danieli 7:5

Ki yanliega den naani leni yaa fuayanbiadiga n yi ulisi. O den se kaliyendu yaa taana po ki babi kali taa leni o ñina. Bi den yedi ke wan fii ki ŋmani ti nandi boncianla.

Danieli 8:2

Min den laa li bonlekaala yeni yaa yogunu, li den tie npo nani ke n ye Elami diema dociamu Suse nni yeni. N bonlekaala nni n den sua ke n ye Ulayi kpenu kunu.

Danieli 8:20

Ŋan bi laa yaa petonli ke li pia yina lie yeni tie Medi yaaba diema leni Pelisa yaaba yaa diema.

Sakari 2:1

Li bonlekaliela nni, n den laa yina naa.

Sakari 5:1

N didi go den laa li bonlekaala nni li tigbabikaali ke li ye tanpoli ki yugi.

Sakari 5:5

Maleki yua n den maadi leni nni yeni den cua ki yedi nni: «Yaadi ki diidi yaala n ban ña nepo na.»

Sakari 5:9

Li yaa puoli, n den yaadi ki diidi ki laa puoba lie yaaba n ye tanpoli ki yugi ke u faalu den ŋua ki tudi ba. Bi fiabi den tie nani goliya yaa fiabi yeni. Bi den cua ki taa ku baabuogu yeni ki yugi leni gu.

Sakari 6:1

N didi go den laa bonlekatoala. N den laa toateliti naa ke ti ñani kumoanjuana lie siiga.

Mi Coadima 24:2

Balaama den yaadi ki diidi ki laa ke Isalele yaaba ye bi nagili nni buolu kuli leni u kaanu. Lanwani U Tienu Fuoma den jiidi opo.

Josue 5:13

Dayenli Josue den kuu leni Jeliko dogu. O den yaadi ki noanli o liiga ki sua ke o ja se o nintuali ki noadi ki jugisiega ki muubi. Josue den nagini o ki yedi o: «A tie ti yaa po yua bi, bi ti yibalinba yaa po yua yo?»

Mi Doagidima 13:11

Lani n den laa fuayantoaga ke o ña ki tinga nni. O den pia yina lie ya n naani leni ki pebiga yaa, ki maadi nani o bonfuodibiado n maadi maama.

Mi Doagidima 5:6

Lani, n go den laa ki Pebiga, ke li naani ke bi kodi ga, ke ki se li bali kalikaanu kani, a bonfuodinaada leni bi nikpeliba yeni siiga. O den pia yina lele leni nuni lele yi n tie U Tienu fuoma yaaba bilele, wan soani yaaba ki tinga kuli nni.