Danieli 8:11 - Gourmanchéma Bible

¹¹ Li den tuogi leni tanpoli gola Yudaano ki teni ke baa go padi daali kuli pada opo. Li go den biidi o *kaangagidiŋamu.

U TIENU MAAMA TILI 2013

¹¹ Li den tuogi leni tanpoli gola Yudaano, ki teni ke baa go padi daali kuli pada o po. Li go den biidi o kaangagidiŋamu.

Danieli 8:11 ပူးပေါင်းရင်းမြစ်များ

Esayi 37:23

A sugidi ki yualiti ŋme yo? A tangi ŋme yaa po yo? Isalele Tienu Yua n Gagidi ki ŋani yene ke a ko li diidi nanda?›

Esayi 37:29

Kelima a pali beni npo Ke a japaamaama mo baa n tuba nni. N baa pudi a miani maja ki kpibini a ki biaga. N baa teni ŋan tagini yaa sanu ki cua Ŋan goa ki tagini laa sanu ki kuni.

Jeremi 48:26

Li Miali Diedo yedi: «Ñuni o mani wan gaadi kelima o fii ki sedi Li Miali Diedo po. Moabi n yaa faligidi o siindi nni, wan guudi ki ga i fe.

Jeremi 48:42

Moabi baa bodi, o kaa go tie nibuolu Kelima o fii ki sedi Li Miali Diedo po.

Esekieli 46:14

Tiŋaagu kuli a baa taa mi yoma kilo bonba muu leni mi kpama litidi bonba lie ki kaali ki taani ki padi Li Miali Diedo po. Laa mabilikaama baa yaa tie yaa yogu n tu yaa yogu kuli po.

Danieli 11:22

O baa paadi yaa toagola n cua ki baa o kuli, ki go bolini U Tienu n den bili o *ŋantaado leni yaa nibuolu yaa yudaano yendo.

Danieli 11:31

Wan soani yaa toatieba baa bolini daali kuli padili ki kuani ki sieni ti caginciandi U Tienu *kaangagidiŋamu nni leni li kaanpaalu nni.

Danieli 12:11

A yaa cili ki coadi hali ban teni ke bi cedi daali kuli padili leni ban kuani ki sieni ti caginciandi yaa yogunu, li baa yaa tie tudili n kobilie n dana piiyia (1 290).

Danieli 5:23

A fiini a yuli ki koani leni Tanpoli Diedo ki teni ke bi cuani a kani yaa tadiñoakaamu n den ye o diegu nni ke yi ñuni mi daama mu niinni, fini leni a paatieba leni a puoba leni a poconcona. A pagi i buli yaala n tie ŋanjilifa, yaa ka wula, yaa ka ti kumoandi, yaa ka ti kuboandi, yaa ka ti daadi, yaa ka a tana, yaala n kaa gba, kaa bani liba mo. Ŋaa kpiagi U Tienu yua n kubi a miali leni a cabili kuli o nuu nni.

Danieli 7:25

O baa maadi ki sugi Tanpojoma Tienu, ki yaa mabindi o nigagidiŋanba. O go baa jagi ke o baa lebidi wani U Tienu niba jaanma yogini leni bi *balimaama, ki teni U Tienu nigagidiŋanba yeni o nuu nni hali lan pundi bina taa leni boagidima.

Danieli 8:12

Bi den cedi ke li yinli yeni diedi li toagoli leni daali kuli padili kelima ti *tuonbiadi po. Li den luni mi jaanmoama tiipo. Lin den tieni yaala kuli den cuoni lipo bonŋanla.

Danieli 8:24

O paalu baa yabidi, ama li kan yaa tie o yaa fidiceli po ka. O baa cuani yaa bolinma n pia ki lidiga. O bonla kuli baa yaa cuoni opo bonŋanla. O baa bolini bi paatietianba leni U Tienu nigagidiŋanba.

Danieli 8:25

Kelima o nunfanbiadibu po, o baa baa ki boandi nitoaba. Ti japaadi baa kua o niinni wan bolini bi niba boncianla yaaba n ye leni mi yanduanma. O baa fiini mi yiema bi badiba Bado po. Ama o baa bodi ke nisaalo nuu ki sii o.

Danieli 9:25

Lanwani ŋan bandi ki ga min baa yedi a yaala ne: A yaa cili ki coadi hali mi maama n ñani ki yedi ke Isalele yaaba baa goa ki kuni bi denpo, ke bi go baa goa ki maa Jelusalema, ki pundi hali o yudangagidika cuama, li baa yaa tie bina lele taalima lele. Bi go baa yaa maa Jelusalema ñiana ki go lindi yaala n baa yaa guu ŋa bu toabu po, lan pundi hali bina lele taalima piiluoba n milie. Ama li yogunu baa tie fala yogunu.

Mi Coadima 28:3

Ŋan yedi ba: Diidi yin baa yaa kpendinni yaa pada n juu mi fantama nni Li Miali Diedo po n baa yaa tie maama nne: Daali kuli, yi baa padi pebila lie ya n pia binli binli, kaa pia poadi lan tua yaa yogu n tuu yaa yogu yaa padijuukaali po.

Luki 21:24

Bi yibalinba baa kpa ba leni mu jugisiemu, ki gedini yaaba n sieni ti yonbidi i nibuoli kuli nni. I nilanbuoli yaaba baa paadi Jelusalema, ki ŋmaa u hali U Tienu n bili bipo yaa yogunu n dudi.

2 Tesaloniki 2:4

O baa fiini o yuli ki yie bi niba n nua yaala nani li tie U Tienu yeni, bi ban kpiagidi yaala kuli. O baa kua ki kali hali U Tienu dieli ki yini o yuli U Tienu.

Hebilunba 2:10

U Tienu, yua n den tagi li bonla kuli o yuli po ki go kubi likuli, den bua bila boncianla n taani leni o o kpiagidi nni. Lanwani o den sua ke li den pundi wan teni Jesu n dagidi ki yaa ŋani cain kelima wan laa yaa fala po, ke wan fidi ki tindi ba.

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»